EKSODOS 18:11 - Khasi CL Bible (BSI)

¹¹ Mynta nga tip ba U Trai u kham khraw ban ïa ki blei baroh, namar u la leh ïa kane mynba ki nong Ijipt ki la lehbeiñ shaba palat ïa ki Israel.”

KA BAIBL

¹¹ Mynta nga tip keiñ, ba U Trai u long uba kham khraw ïa ki blei baroh: wat ha kata hi keiñ, ha kaba ki la ïaleh sarong eh halor jong ki.”

EKSODOS 18:11 ပူးပေါင်းရင်းမြစ်များ

1 SYIEM 17:24

Ka la jubab, “Mynta nga tip ba me long u briew jong U Blei, bad ba U Trai da shisha u kren lyngba jong me!”

2 SYIEM 5:15

U la leit phai pat sha u Elisha lem bad baroh ki rangbah jong u bad u ong, “Mynta nga tip ba ym don uno uno u blei hynrei tang U Blei ki Israel; kumta sngewbha, ko kynrad, pdiang ïa ka jingai sngewbha na nga.”

1 KHRONIKL 16:25

U Trai u long uba khraw bad uba eh dei ban ïaroh; ïa u dei ban ai ka burom palat ban ïa kiwei ki blei baroh.

2 KHRONIKL 2:5

Nga thmu ban tei ka Templ kaba khraw, namar U Blei jong ngi u kham khraw ban ïa uno uno uwei pat u blei.

NEHEMAÏAH 9:10

Me pynjia ki kambah baphylla pyrshah ïa u Pharoah, pyrshah ïa ki rangbah synshar ki briew jong ka ri jong u, namar me tip kumno ki la banbeiñ ïa ki briew jong me. Me la jop ha kata ka por, ka nam kaba me dang don ha kane ka sngi.

NEHEMAÏAH 9:16

Hynrei ki kpa tymmen jong ngi ki la sarong bad eh dohnud bad kyntait ban kohnguh ïa ki hukum jong me.

NEHEMAÏAH 9:29

Me maham ïa ki ban kohnguh ïa ki jinghikai jong me, hynrei ha ka jingsarong ki kyntait ïa ki hukum jong me, wat la kaba sumar ïa ka Hukum ka long ka lynti sha ka jingim. Kiba mutlop bad kiba ehrang, ki kyntait ban kohnguh.

SALM 119:21

Me sneng ïa kiba sarong; kito ki bymkohnguh ïa ki hukum jong me ki long kiba la tim.

SALM 135:5

Nga tip ba U Trai u long uba khraw, kham khraw ban ïa ki blei baroh.

SALM 31:23

To ieit ïa U Trai, phi baroh ki riewngeit jong u, U Trai u ïada ïa kiba ngeit, hynrei u pynshitom ïa kiba sarong kumba ki dei hok.

SALM 95:3

Naba U Trai u long U Blei bakhlaiñbor, u syiem uba khrawbor halor ki blei baroh.

SALM 97:9

A Trai Badonbor Baroh, me long u nongsynshar ha ka pyrthei baroh; me kham khraw palat ban ïa ki blei baroh.

EKSODOS 1:10

Lada ka thma ka khie, ki lah ban leit ïasoh bad ki nongshun jong ngi ban ïaleh pyrshah ïa ngi, bad ban ïohphet noh na kane ka ri. To ngin kham ïaleh sian ban ym shah ïa ki ba kin nang ïaroi shuh shuh.”

EKSODOS 1:16

“Haba phi ïarap pynkha ïa ki kynthei Hebru, bad phi ïohi ba u dei u shynrang, pynïap ïa u; hynrei lada dei ka kynthei, ai kan im.”

EKSODOS 1:22

Khatduh eh, uta u syiem u hukum ïa ki briew jong u baroh, “Shim ïa u khunlung Hebru baroh uba dang shu lah kha bad bret ïa u sha wah Nile, hynrei ai ba ki khun kynthei kin im.”

EKSODOS 10:3

Kumta u Moses bad u Aaron ki leit sha u Pharaoh, bad ki ong ha u, “U Trai, U Blei jong ki Hebru, u ong, ‘Sa katno te men kyntait ban pyndem ha nga? Pyllait ïa ki briew jong nga ba kin ïoh mane ïa nga.

EKSODOS 12:12

“Ha kata ka miet ngan ïaid lyngba ïa ka ri Ijipt, da kaba pynïap ïa u khun nyngkong baroh, la u dei u briew ne u mrad, bad ngan pynshitom ïa ki blei ka ri Ijipt baroh. Nga long U Trai.

EKSODOS 14:18

Ynda nga la jop ïa ki, ki nong Ijipt kin tip ba nga long U Trai.”

EKSODOS 14:8

U Trai u la pynmutlop ïa u Pharaoh, bad une u la beh kthong ïa ki Israel, kiba la mihnoh da ka jingjop.

EKSODOS 15:11

“Ko Trai, uei uba kat ma me hapdeng ki blei? Uei keiñ uba kum ma me, uba phylla ha ka jinglongkhuid? Uei uba lah ban leh ki kambah bad ki kamphylla kum ma me?

EKSODOS 5:2

“Uei uta U Trai?” u Pharaoh u kylli. “Balei ba nga dei ban shahshkor ïa u, bad shah ïa ki Israel ban leit? Ngam ithuh ïa U Trai, bad ngam shah ïa ki Israel ban leit.”

EKSODOS 5:7

“Wat ai phlangïap shuh ïa kine ki briew ban shna maw-it. Ieh kin leit ïawad phlangïap hi da lade.

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

JINGKHEIÑ 33:4

kiba dang ïatep ïa la ki khun shynrang kiba la kha nyngkong kiba U Trai u la pynïap. Da kaba leh ïa kane, U Trai u la pyn-i ba u long uba kham khrawbor ban ïa ki blei jong ka Ijipt.

LOUKAS 1:51

U la kner ïa ka ksang'ti badonbor jong u bad u la pynsakma ïa kiba sarong lem bad ki jingthmu jong ki.

JAKOB 4:6

Hynrei ka jingaiei kaba U Blei u ai ka long kaba kham khlaiñ shuh shuh. Kumba ka Jingthoh Bakhuid ka ong, “U Blei u pyrshah ïa kiba sarong, hynrei u ai ïa ka jingaiei ha kiba sngewrit.”

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”

1 SAMUEL 2:3

Sngap noh na kaba kren kob; sngap jar na kaba kren meng. Naba U Trai u long U Blei uba tip lut, bad u bishar ïa ki jingleh ki briew baroh.