EKSODOS 18:1 - Khasi CL Bible (BSI)

¹ U Jethro, u lyngdoh ka Midian, u kthaw kurim u Moses, u ïohsngew ïa kaei kaei baroh kaba U Blei u la leh na ka bynta u Moses bad ki paid Israel mynba u la ïalam noh ïa ki na ka ri Ijipt.

KA BAIBL

¹ Ynda u Jethro, u lyngdoh ka ri Midian, u kthaw kurim u Moses, u la ïohsngew ïa kata baroh ba U Blei u la lah leh ïa u Moses, bad ïa ki Israel u paidbah jong u, bad ba U Trai u la lah wallam noh ïa ki Israel na ka ri Ijipt;

EKSODOS 18:1 ပူးပေါင်းရင်းမြစ်များ

SALM 105:43

Kumta u ïalam noh ïa ki briew ba la jied jong u, bad ki rwai bad pyrta da ka jingkmen.

SALM 105:5

Ma phi ki khun ki ksiew jong u Abraham, u shakri jong u; ma phi ki khun ki ksiew u Jakob, u briew uba u la jied: Kynmaw ïa ki kambah ba U Blei u la leh bad ki jingbishar kiba u la ai.

SALM 106:2

Mano ba lah ban ïathuh ïa baroh kiei kiei kiba khraw kiba u la leh? Mano ba lah ban ïaroh ïa u kumba dei biang?

SALM 34:2

Ngan ïaroh ïa u ïa kaei ba u la leh ai ba kiba shah lehbeiñ baroh kin shahshkor bad kin kmen.

SALM 44:1

Da la ki jong ki shkor ngi la ïohsngew ïa ka, A Blei — ki kpa tymmen jong ngi ki la ïathuh ïa ngi shaphang jong ka, shaphang kiei kiei kiba khraw kiba me la leh ha ka por jong ki, ha ki sngi ba-mynshuwa eh:

SALM 78:4

Ngin ym buhrieh ïa ki na ki khun jong ngi; ngin ïathuh ïa ka pateng kaba bud shaphang ka bor ka jong U Trai, bad ïa ki kam bakhraw jong u bad ïa ki kamphylla kiba u la leh.

EKSODOS 2:16

Ha kawei ka sngi, katba u Moses u dang shongthait harud kawei ka pukri, hynñiew ngut ki khun kynthei jong u Jethro, u lyngdoh ka Midian, ki ïawan tong um ban pyndap ïa ki shyngoid ba kin ïoh ai um ïa ki langbrot bad ki blang jong u kpa jong ki.

EKSODOS 2:18

Ynda ki leit phai sha la u kpa, u kylli ïa ki, “Kumno phi ïawan kloi mynta ka sngi?”

EKSODOS 2:21

Kumta u Moses u la mynjur ban shong ban sah noh hangta, bad u Jethro ruh u pynshongkurim ïa u bad ka Sipporah ka khun jong u kaba la kha khun shynrang ïa u Moses.

EKSODOS 3:1

Ha kawei ka sngi katba u Moses u dang ap ïa ka kynhun langbrot jong u Jethro, u kthaw kurim jong u, u lyngdoh ka Midian, u ïalam ïa kata ka kynhun lyngba ka ri shyiap, bad u wan poi ha Sinai, u lum uba khuid.

EKSODOS 4:18

Nangta u Moses u leit phai sha u Jethro, u kthaw kurim jong u, bad u ong ha u, “Sngewbha shah ïa nga ban leit phai sha la ki ba-ha-ïing ha-sem ha Ijipt, ban leit khmih la ki dang im ne em.” U Jethro u mynjur bad u la kren khublei ïa u.

EKSODOS 6:6

Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

JEREMAÏAH 33:9

Ka Jerusalem kan long ka thymmei jong ka jingkmen, ka burom bad ka jingsngew sarong ïa nga; bad ki jaitbynriew baroh ha ka pyrthei kin sheptieng bad khynñiuh haba kin ïohsngew ïa kiei kiei kiba bha kiba nga leh ïa ki briew ka Jerusalem bad shaphang ka jingroi jingpar kaba nga wallam ha ka nongbah.”

SEKHARAÏAH 8:23

Ha kito ki sngi shiphew ngut ki nongwei kin wan sha uwei u Jiw bad ong, ‘Ngi kwah ban ïoh bynta ha ka lawei jong phi, namar ngi la lah ïohsngew ba U Blei u don bad phi.’ ”

JINGKHEIÑ 10:29

U Moses u ong ha u kynum jong u, u Hobab u khun jong u Jethro, u nong Midian, “Ngi te ngi la khreh ban mihnoh sha kata ka jaka ïa kaba U Trai u la ong ban ai ha ngi. U la kular ban pynmanbha ïa ki Israel, te kumta ale wan bad ngi, bad ngin ïabynta lem ïa ka jingmanbha jong ngi lem bad phi.”

KI KAM 14:27

Haba ki la poi ha Antiokh, ki la lumlang ïa ki briew jong ka balang bad ki la ïathuh ha ki ïa kaei kaei baroh kaba U Blei u la leh bad ki, bad kumno u la plie ka lynti na ka bynta ki Jentil ban ngeit.

KI KAM 15:12

Ka kynhun baroh kawei ka la sngap jar katba ki dang sngap ïa ka jingïathuh jong u Barnabas bad u Paul ïa ki kambah bad ki kamphylla baroh kiba U Blei u la leh lyngba jong ki hapdeng ki Jentil.

Ka Shithi U Paul Sha Ki Nong Rom 15:18

Ngan long shlur bad ngan kren tang shaphang kaei kaba U Khrist u la leh lyngba jong nga, ban ïalam ïa ki Jentil ban kohnguh ïa U Blei. U la leh ïa kane da ki ktien bad ki kam,

JOSHUA 2:10

Ngi la ïohsngew kumno U Trai u la pynrngad ïa ka Duriaw Basaw ha khmat jong phi mynba phi mihnoh na Ijipt. Ngi la ïohsngew ruh kumno phi la pynïap ïa u Sihon bad ïa u Og, ki ar ngut ki syiem Amor ha ka phang mihngi jong ka Jordan.

JOSHUA 9:9

Nangta ki ïathuh ha u ïa kane ka khana: “Bah, ngi la wan na ka ri kaba jngai, namar ngi la ïohsngew shaphang U Trai U Blei jong phi. Ngi la ïohsngew ïa kaei kaei baroh kaba u la leh ha Ijipt

NONGBISHAR 1:16

Ki khun ki ksiew jong u kthaw kurim u Moses, na ka jait Ken, ki la leit ryngkat bad u paid Judah na Jerikho, ka nongbah ki dieng Tlai, sha ka ri shrah ha ka phang bashathie jong ka Arad ha Judah. Ki shongduh hangta hapdeng ki Amalek.

NONGBISHAR 4:11

Ha kajuh ka por, u Heber u jait Ken u pynïeng la ka dara marjan ïa ka Kedesh hajan u dieng Sning ha Saanannim. U la kynriah noh na kiwei pat ki jait Ken, ki khun ki ksiew jong u Hobab, u kynum jong u Moses.