EKSODOS 17:7 - Khasi CL Bible (BSI)

⁷ Ïa kata ka jaka la khot ka Massah bad ka Meribah, namar ba ki Israel ki la ïakhñium bad tynjuh ïa U Trai haba ki ïakylli, “Hato U Trai u don ne em bad ngi?”

KA BAIBL

⁷ Te u la khot ïa ka kyrteng jong kata ka jaka “Massah”, bad “Meribah”, namar ka jingïapyneh ki khun Israel, bad namar ba ki la tynjuh ïa U Trai, da kaba ong, “U Trai u don hapdeng jong ngi ne em?”

EKSODOS 17:7 ပူးပေါင်းရင်းမြစ်များ

SALM 106:32

Ha ki umpohliew ka Meribah ki briew ki la pynbitar ïa U Trai bad u Moses u la shem jingeh namar jong ki.

SALM 78:18

Da kaba leh khnang ki la tynjuh ïa U Blei da kaba dawa ïa ka jingbam kaba ki kwah.

SALM 81:7

Haba phi la don ha ka jingjynjar, phi la khot kyrpad ïa nga, bad nga la pyllait im ïa phi. Na ka jakarieh jong nga ha ka 'erïong nga la jubab ïa phi. Nga la tynjuh ïa phi ha ki um ka Meribah.

SALM 81:8

To sngew, ko ki briew jong nga, ïa ka jingmaham jong nga; ko Israel, katno nga kwah ïa phi ba phin sngap ïa nga!

SALM 95:8

“Wat long uba mutlop, kumba ki kpa tymmen ki la long ha Meribah, kumba ki la long ha kato ka sngi ha ka ri shyiap ha Massah.

EKSODOS 17:2

Ki la khñium ha u Moses, bad ki la ong, “Ai um ïa ngi ban dih.” U Moses u ong ha ki, “Balei keiñ phi ïakhñium ïa nga? Balei phi tynjuh ïa U Trai?”

EKSODOS 34:9

U la ong, “Ko Trai, lada me sngewbha shisha ïa nga, nga kyrpad ïa me ban wan ryngkat bad ngi. Kine ki briew ki long kiba mutlop, hynrei map ïa ka jingbymman bad ka pop jong ngi, bad pdiang ïa ngi kum ki briew ki jong me hi.”

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

JINGKHEIÑ 14:22

yn ym don uwei ruh na kine ki briew ki ban im ban ïohrung sha kata ka ri. Ki la ïohi ïa ka jingshai batyngshaiñ na ka jingdon ryngkat jong nga, bad ïa ki kambah ba nga la leh ha Ijipt bad ha ka ri khlaw, hynrei ki la tynjuh ïa ka jingïaishah jong nga la bunsien bad ki la kyntait ban kohnguh ïa nga.

JINGKHEIÑ 20:13

Kane ka jia ha Meribah, ha kaba ki Israel ki la ïakhñium pyrshah ïa U Trai, bad ha kaba u la pynpaw ïa lade ba u long uba khuid.

JINGKHEIÑ 20:24

“U Aaron un ym ïohrung ha kata ka ri ba nga la kular ban ai ha ki Israel; un sa ïap noh, namar baroh ar ngut phi la ïaleh pyrshah ïa ka hukum jong nga ha Meribah.

JINGKHEIÑ 27:14

namar baroh ar ngut phi la leh pyrshah ïa ka hukum jong nga ha ka ri khlaw Sin. Haba u paidbah baroh u ïakren khñium ïa nga ha Meribah, phi la kyntait ban pynpaw ïa ka burom kaba kyntang ka jong nga ha khmat jong ki.” (Ka Meribah ka dei ka umpohliew ha Kadesh ha ka ri khlaw Sin.)

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

DEUTERONOMI 31:17

Te ngan bitar lep ïa ki; ngan kyntait bad pynjot thiaw ïa ki. Shibun ki jingjynjar kiba sngewshyrkhei kin wan ngat ha ki, ba kumta kin sa sngewthuh ba kita kiei kiei ki wan jia ha ki namar ba nga, U Blei jong ki, ngan ym don ryngkat shuh bad ki.

DEUTERONOMI 33:8

Shaphang ka jait Lebi u ong, “Ko Trai, to pynpaw ïa la ka mon da u Urim bad u Thummim Lyngba ki Lebi, ki shakri kiba ïaineh jong me. Me la tynjuh ïa ki ha Massah, Bad me la phrang ïa ki ha ki um ka Meribah.

DEUTERONOMI 6:16

“Wat tynjuh ïa U Trai U Blei jong phi, kumba phi la leh ha Massah.

DEUTERONOMI 9:22

“Phi la pynbitar ruh ïa U Trai U Blei jong phi mynba phi don ha Taberah, ha Massah, bad ha Kibroth Hattaabah.

JOSHUA 22:31

U Phinehas, u khun jong u Eleasar u lyngdoh, u ong ha ki, “Mynta ngi tip ba U Trai u don bad ngi. Phim shym la ïaleh pyrshah ïa u, bad kumta phi la pynim ïa ki paid Israel na ka jingpynshitom jong U Trai.”