EKSODOS 17:15 - Khasi CL Bible (BSI)

¹⁵ U Moses u la tei ïa ka duwan bad u ai kyrteng ïa ka “U Trai u long ka Lama jong nga.”

KA BAIBL

¹⁵ Bad u Moses u la tei ïa ka duwan, bad u la khot ïa ka kyrteng jong ka “Jehobah-nissi”,

EKSODOS 17:15 ပူးပေါင်းရင်းမြစ်များ

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

JENESIS 12:8

Hadien kata, u la leit shaphang shathie sha ka ri lum ha ka phang mihngi jong ka Bethel bad u la pynïeng ïa ka dara hapdeng ka Bethel shaphang sepngi bad ka Ai shaphang mihngi. Hangta ruh u la tei ïa ka duwan bad u la mane ïa U Trai.

JENESIS 22:14

U Abraham u khot kyrteng ïa kata ka jaka “U Trai U Pynbiang.” Bad haduh kane ka sngi ruh, ki briew ki dang ong, “Ha u lum jong U Trai u pynbiang.”

JENESIS 33:20

U pynïeng ïa ka duwan hangta, bad u la khot kyrteng ïa ka da ka kyrteng El, U Blei jong ki Israel.

SALM 60:4

Me la maham ïa kito kiba pynpaw jingtiengburom ïa me, khnang ba kin ïohlait na ka jingpynjot.

EKSODOS 24:4

U Moses u thoh ïa ki hukum baroh jong U Trai. Dang step phyrngab ha ka sngi kaba bud, u tei ïa ka duwan ha trai jong u lum, bad u pynïeng ruh khat-ar tylli ki maw, uwei u maw na ka bynta kawei kawei ka jait Israel.

EKSODOS 27:1

“Thaw ïa ka duwan da ka dieng akasia. Ka dei ban long kaba sawdong, 2.2 mitar ka lynter bad 2.2 mitar ka pyngkiang bad 1.3 mitar ka jingjrong.

EKSODOS 32:5

Nangta u Aaron u tei ïa ka duwan ha khmat jong uta u khun masi ksiar, bad u la pynbna, “Lashai kan don ka jingkhawai niam ban pyndonburom ïa U Trai.”

NONGBISHAR 6:24

U Gideon u tei hangta ka duwan ïa U Trai bad u khot kyrteng ïa ka, “U Trai u long ka Jingsuk.” (Ka dang ïeng ha Ophrah, kaba dei jong ki kur jong u Abieser.)