EKSODOS 17:13 - Khasi CL Bible (BSI)

¹³ Da kumta keiñ u Joshua u jop thiaw ïa ki Amalek.

KA BAIBL

¹³ Te u Joshua u la jop thiaw ïa ki Amalek bad u paidbah jong u da ka syrti waitlam.

EKSODOS 17:13 ပူးပေါင်းရင်းမြစ်များ

EKSODOS 17:12

Haba ki kti u Moses ki la sakhrai, u Aaron bad u Hur ki rah uwei u maw ba un shong, katba ma ki pat ki ïeng ha syndah jong u, uwei sha kadiang bad uwei pat sha kamon, bad ki kyrshan ïa ki kti jong u, ki da kyrshan skhem ïa ki kumta haduh ban da sep ka sngi.

EKSODOS 17:14

Nangta U Trai u ong ha u Moses, “Buh ha ka jingthoh shaphang kane ka jingjop ban pynsah jingkynmaw. Ïathuh ruh ha u Joshua ba ngan pynjot thiaw ïa ki Amalek.”

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

JOSHUA 10:28

U Joshua u la tur ïaleh bad kurup ïa ka Makkedah bad ïa u syiem jong ka ha kata ka sngi. U pynïap ïa uwei pa uwei u briew ha ka nongbah; ym don uwei ruh uba lait im. U leh ïa u syiem ka Makkedah kumba u la leh ïa u syiem ka Jerikho.

JOSHUA 10:32

U Trai u ai ha ki Israel ka jingjop halor ka Lakhish ha ka sngi kaba ar jong ka thma. Kumba ki la leh ha Libnah, kim shym iehnoh wat uwei ruh, hynrei ki la pynïap ïa uwei pa uwei u briew ha ka nongbah.

JOSHUA 10:37

Ki la pynïap ïa u syiem jong ka bad ïa uwei pa uwei baroh ha ka nongbah bad ha ki shnong kiba markhap. U Joshua u pynjot thiaw ïa kata ka nongbah, kumba u la leh ïa ka Eglon. Ym shym don uwei ruh hangta uba lait im.

JOSHUA 10:42

U Joshua u la jop ïa kine ki syiem baroh bad ïa ka ri jong ki tang shisien ïaleh namar U Trai, U Blei ki Israel, u ïaleh na ka bynta ki Israel.

JOSHUA 11:12

U Joshua u la kurup ïa kine ki nongbah baroh bad ïa ki syiem jong ki, da kaba pynïap ïa uwei pa uwei, kumba u Moses, u shakri jong U Trai, u la hukum.