EKSODOS 16:7 - Khasi CL Bible (BSI)

⁷ Ha ka por mynstep phin ïohi ïa ka jingshai baphyrnai jong ka jingdon ryngkat U Trai. U la ïohsngew ïa ki jingkhñium jong phi pyrshah ïa u — ho-oid, pyrshah ïa u, namar ngi te ngi shu kohnguh ïa ki jingbthah jong u.”

KA BAIBL

⁷ Bad ha kaba mynstep, phin ïohi ïa ka burom U Trai; naba u la ïohsngew ïa ka jingkhñium jong phi ïa U Trai: ma ngi te ngi long aïu, ba phin da khñium ïa ngi?”

EKSODOS 16:7 ပူးပေါင်းရင်းမြစ်များ

EKSODOS 16:10

Katba u Aaron u dang kren ha ka kynhun baroh kawei, ki phai shaphang ka ri shyiap, bad kynsan ka jingshai baphyrnai jong U Trai ka la paw ha u lyoh.

EKSODOS 16:12

“Nga la ïohsngew ïa ki jingkhñium jong ki Israel. Ïathuh ïa ki ba ynda la kem ïongreiñ kin sa ïoh ka doh ban bam, bad ha ka por mynstep kin sa ïoh u kpu uba ki kwah. Te kin tip ba ma nga, U Trai nga long U Blei jong ki.”

EKSODOS 16:8

Nangta u Moses u la ong, “Dei U Trai u ban ai ïa phi ka doh ban bam ha ka por janmiet bad kyrhai u kpu ha ka por mynstep, namar ba u la ïohsngew haduh katno phi la ïakhñium pyrshah ïa u. Haba phi khñium pyrshah ïa ngi, phi ïakhñium shisha keiñ pyrshah ïa U Trai.”

EKSODOS 24:10

bad ki ïohi ïa U Blei ki Israel. Hapoh ki sla'jat jong u, la don kaei kaba i kum ka jingsiang da u mawkordor Sapphir, kaba jngum kum ka suiñbneng.

EKSODOS 24:16

Ka jingshai baphyrnai jong ka jingdon ryngkat jong U Trai ka la wan hiar ha uta u lum. Ïa ki Israel, ka jingshai ka i kum ka ding kaba ing ha kliar jong u lum. U lyoh u la tap ïa u lum hynriew sngi lynter, bad ha ka sngi kaba hynñiew U Trai u la khot ïa u Moses na u lyoh.

EKSODOS 40:34

Nangta u lyoh u tap ïa ka Ïingjaiñ baroh kawei, bad ka burom batyngshaiñ na ka jingdon ryngkat U Trai ka pyndap ïa ka.

ISAÏAH 35:2

Ka ri shyiap kan rwai bad pyrta da ka jingkmen; kan long kaba itynnat kat ki lumbah ka Lebanon bad kaba seisoh kat ki pyntha ka Karmel bad Sharon. Baroh kin ïohi ïa ka jingitynnat U Trai, kin ïohi ïa ka jingkhraw bad ïa ka bor jong u.

ISAÏAH 40:5

Te ïa ka burom jong U Trai yn sa pynpaw, bad baroh ki briew kin ïohi ïa ka. U Trai da lade u la kular ïa kane.”

LEBITIKOS 9:6

U Moses u ong, “U Trai u la hukum ïa phi ban leh ïa kane baroh, khnang ba ka jingshai batyngshaiñ jong ka jingdon ryngkat jong u kan paw ha phi.”

JINGKHEIÑ 14:10

Ka kynhun baroh kawei ka la byrngem ban lynthem maw ïa ki, hynrei kynsan ki paidbah ki la ïohi ïa ka jingshai batyngshaiñ jong ka jingdon ryngkat U Trai ba ka paw halor ka Ïingjaiñ.

JINGKHEIÑ 14:27

“Slem sa katno ba kine ki riewbymman kin khñium pyrshah ïa nga? Nga la ïohsngew shibun ïa kine ki jingkhñium!

JINGKHEIÑ 16:11

Haba phi ujor pyrshah ïa u Aaron, ka mut shisha pyrshah ïa U Trai ba ma phi bad ki nongbud jong phi, phi ïaleh pyrshah.”

JINGKHEIÑ 16:42

Hadien ba ki la ïalumlang baroh ban pynpaw pyrshah ïa u Moses bad u Aaron, ki la phai shaphang ka Ïingjaiñ bad ki la ïohi ba u lyoh u la tap ïa ka bad ba ka jingshai batyngshaiñ jong ka jingdon ryngkat U Trai ka la paw.

JINGKHEIÑ 17:5

Te u diengduh jong uta u briew ïa uba nga la jied un khie lung. Da kumta ngan pynsngap jar ïa ki jingïaikren khñium jong kine ki Israel pyrshah ïa me.”

ÏOANNIS 11:4

Haba U Jisu u la ïohsngew ïa kata, u la ong, “Kaba kut jong kane ka jingpang kan ym dei ka jingïap jong u Lasaros; kane ka la jia khnang ban wallam ka burom ïa U Blei, bad kan long ka lad ha kaba U Khun U Blei un ïohpdiang ïa ka burom.”

ÏOANNIS 11:40

U Jisu u la ong ha ka, “Hato ngam shym la ïathuh ïa pha ba phan sa ïohi ïa ka burom U Blei lada pha ngeit?”