EKSODOS 16:6 - Khasi CL Bible (BSI)

⁶ Kumta u Moses bad u Aaron ki la ong ha ki Israel baroh, “Ha kane ka janmiet, phin tip ba dei U Trai uba la wallam ïa phi na ka ri Ijipt.

KA BAIBL

⁶ Kumta, u Moses bad u Aaron ki la ïathuh ha ki khun Israel baroh, “Ynda la janmiet, phin sa tip ba U Trai u wallam noh ïa phi na ka ri Ijipt.

EKSODOS 16:6 ပူးပေါင်းရင်းမြစ်များ

SALM 77:20

Me la ïalam ïa la ki briew kum u nongap langbrot, ha ka jingkhmih u Moses bad u Aaron.

SALM 81:11

“Hynrei ki briew jong nga kim shym la sngap ïa nga; Ki Israel kim shym la kohnguh ïa nga.

EKSODOS 12:51

Ha kata ka sngi U Trai u ïalam noh ïa ki Israel na ka ri Ijipt.

EKSODOS 16:3

“Kan jin da la bha ba U Trai u shoh ïap ïa ngi ha ri Ijipt. Hangta, la kumno kumno, ngi dang ïoh ban shong bad bam doh bad kyrhai ka jingbam kat kaba ngi kwah. Hynrei phi la wan ïalam ïa ngi sha kane ka ri shyiap ban pynïapthngan ïa ngi baroh.”

EKSODOS 16:8

Nangta u Moses u la ong, “Dei U Trai u ban ai ïa phi ka doh ban bam ha ka por janmiet bad kyrhai u kpu ha ka por mynstep, namar ba u la ïohsngew haduh katno phi la ïakhñium pyrshah ïa u. Haba phi khñium pyrshah ïa ngi, phi ïakhñium shisha keiñ pyrshah ïa U Trai.”

EKSODOS 32:1

Haba ki paidbah ki la ïohi ba u Moses um pat shym wan hiar na u lum hynrei u la sah slem hangta, ki la ïalumlang sawdong ïa u Aaron, bad ki la ong ha u, “Ngim tip satia ka la jia aïu ïa une u Moses, uba la ïalam ïa ngi ban mihnoh na ka ri Ijipt; kumta to thaw ïa ngi u blei u ban ïalam ïa ngi.”

EKSODOS 32:11

Hynrei u Moses u la ïasaid bad U Trai U Blei jong u, bad u la ong, “Ko Trai, balei ba men bitar haduh katne ïa la ki jong ki briew, kiba me la pyllait na ka ri Ijipt da ka jingkhlaiñ bakhraw bad da ka bor?

EKSODOS 32:7

Te U Trai u ong ha u Moses, “Khie, leit hiar noh shisyndon, naba ki briew jong me kiba me la ïalam na ka ri Ijipt, ki la ïaleh pop bad ki la kyntait ïa nga.

EKSODOS 6:6

Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

EKSODOS 6:7

Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

JINGKHEIÑ 16:28

U Moses u ong ha uta u paidbah, “Da kane phin tip ba dei U Trai uba la phah ïa nga ban leh ïa kine kiei kiei baroh, bad ba ym dei da ka mon jong nga ba nga la leh ïa ki.

JINGKHEIÑ 16:30

Hynrei lada U Trai u leh ïa kaei kaei kaba ym pat ju ïohsngew, bad ba ka khyndew ka ang bad nguid ïa ki bad ïa baroh kat kaba ki don, ba kumta ki hap sha ka pyrthei kiba ïap, te phin sa tip ba kine ki briew ki la kyntait ïa U Trai.”