EKSODOS 16:4 - Khasi CL Bible (BSI)

⁴ U Trai u ong ha u Moses, “Mynta ngan pynhap bam na bneng ïa phi baroh. Ki briew ki dei ban mih shabar man ka sngi ban lum kat ban biang na ka bynta kata ka sngi. Da kumta nga lah ban tynjuh ïa ki ban shem la kin kohnguh ne em ïa ki jingbthah jong nga.

KA BAIBL

⁴ U Trai te u la ong ha u Moses, “Ha khmih, ngan pynhap ïa u kpu ha phi na bneng; bad u paidbah un mih noh ban lum kaba biang shi sngi shi sngi, ba ngan ïoh tynjuh ïa ki, la kin ïaid ha ki hukum jong nga ne em.

EKSODOS 16:4 ပူးပေါင်းရင်းမြစ်များ

NEHEMAÏAH 11:23

Ki don ki jingbuhbeit ryntih na ka liang u syiem kumno ba ki kur ki dei ban ïa-bujli ha kaba ïalam ha ka put ka tem ha ka Templ man la ka sngi.

NEHEMAÏAH 9:15

“Haba ki thngan, me ai kpu ïa ki na bneng, bad ka um na u mawsiang haba ki sliang. Me ong ïa ki ban shimti bad pynïaid ïa ka ri kaba me la kular ban ai ha ki.

NEHEMAÏAH 9:20

Ha ka jingbha jong me, me ong ïa ki ïa kaei kaba ki dei ban leh; me la bsa ïa ki da ka manna bad ai um ïa ki ban dih.

SALM 105:40

Ki pan, bad u phah ïa ki syiar khlaw; u ai ïa ki ka jingbam na bneng ban pynhun ïa ki.

SALM 78:23

Hynrei u la kren ïa ka sahit bneng shajrong bad u la hukum ïa ki jingkhang jong ka ban plie;

EKSODOS 15:25

U Moses u kyrpad jur ïa U Trai, bad U Trai u pyn-i ha u ïa uwei u lyngkhot dieng, ïa uba u la bret hapoh ka um; bad ka um ka la kylla long kaba bit ban dih. Dei hangta ba U Trai u ai ha ki ïa ki aiñ ba kin bud, bad dei hangta ruh ba u la tynjuh ïa ki.

EKSODOS 16:15

Haba ki Israel ki ïohi ïa ka, kim tip ka dei kaei, bad kumta ki ïakylli para ma ki, “Kaei mo kane?” Te u Moses u ong ha ki, “Une u dei u kpu ba U Trai u la ai ha phi ban bam.

PROBERB 30:8

Pyllait ïa nga na ka jingshukor bad shah ïa nga ban ym riewspah lane duk. Kumta ai ïa nga ka jingbam kat ban biang ïa nga.

MATHAÏOS 6:11

To ai ha ngi mynta ka jingbam kaba ngi donkam.

LOUKAS 11:3

To ai ha ngi man ka sngi ïa ka jingbam kaba ngi donkam.

1 KORINTH 10:3

Baroh ki la bam ïa ujuh u kpu ba kynja mynsiem bad ki la dih ïa kajuh ka jingdih ba kynja mynsiem. Ki la dih na uta u mawsiang ba kynja mynsiem ba la leit lem bad ki; bad uta u mawsiang u la long U Khrist hi.

DEUTERONOMI 8:16

Ha kata ka ri shyiap u la ai ha phi ïa ka manna ban bam, ka jingbam kaba ki kpa tymmen jong phi kim ju ïoh mynno mynno. U la pyndem bad tynjuh ïa phi, khnang ba ha kaba kut un pynmanbha ïa phi da kiei kiei kiba bha.

DEUTERONOMI 8:2

Kynmaw kumno U Trai U Blei jong phi u la ïalam ïa phi baroh shi lynter lynti lyngba ka ri shyiap ha kine ki sawphew snem kiba la dep ba un pyndem ïa phi, u da tynjuh ïa phi ba un ïoh tip aïu phi thmu ban leh, bad la phin kohnguh ne em ïa ki hukum jong u.

JOSHUA 24:15

Te lada phim mon ban shakri ïa u, jied ha kane hi ka sngi ïano phin shakri, ïa ki blei ba ki kpa tymmen jong phi ki la mane ha Mesopotamia, ne ïa ki blei jong ki Amor, kiba ha ka ri jong ki phi shong phi sah mynta. Hynrei ma nga bad ka ïing jong nga, ngin shakri ïa U Trai.”