EKSODOS 16:31 - Khasi CL Bible (BSI)

³¹ Ki paid Israel ki khot ïa kata ka jingbam, “ka manna”. Ka long kum u symbai balieh uba rit, bad ka shngiam kum u kpu lyngkniap ba la shet bad ka ngap.

KA BAIBL

³¹ Bad ka ïing Israel ki la khot ka kyrteng jong ka, “ka Manna”: te ka la long kum u symbai koriander, balieh; bad haba mad ïa ka ruh ka long kum u kpu uba da ka ngap.

EKSODOS 16:31 ပူးပေါင်းရင်းမြစ်များ

EKSODOS 16:14

Ynda kata ka umjer ka la rkhiang, la don kaei re kaei kaba stang bad ni phup phup, kum u thah halor ka khyndew.

EKSODOS 16:15

Haba ki Israel ki ïohi ïa ka, kim tip ka dei kaei, bad kumta ki ïakylli para ma ki, “Kaei mo kane?” Te u Moses u ong ha ki, “Une u dei u kpu ba U Trai u la ai ha phi ban bam.

EKSODOS 16:30

Kumta u paidbah um shym leh kano kano ka kam ha ka sngi kaba hynñiew.

EKSODOS 16:32

U Moses u ong, “U Trai u la hukum ba ngin tyngkai ïa ka manna na ka bynta ki khun ki ksiew jong ngi, ba ki lah ban ïohi ïa kata ka jingbam ba u ai ha ngi ha ri shyiap ban bam, mynba u wan ïalam noh ïa ngi na ka ri Ijipt.”

JINGRWAI SOLOMON 2:3

Kum u diengsoh apple hapdeng ki dieng ha khlaw, kumta u long uba ieit thep mynsiem jong nga haba nujor bad kiwei pat ki shynrang. Nga ieit ban shong hapoh ka jingkahtngen jong u, bad u soh jong u, u thiang ha ka jingmad jong nga.

DEUTERONOMI 8:16

Ha kata ka ri shyiap u la ai ha phi ïa ka manna ban bam, ka jingbam kaba ki kpa tymmen jong phi kim ju ïoh mynno mynno. U la pyndem bad tynjuh ïa phi, khnang ba ha kaba kut un pynmanbha ïa phi da kiei kiei kiba bha.

DEUTERONOMI 8:3

U la pyndem ïa phi, u la pynshahthngan ïa phi, bad hadien kata u la ai ha phi ïa ka manna ban bam, ka jingbam kaba ma phi bad ki kpa tymmen jong phi phim pat ju ïoh mynno mynno. Ban hikai ïa phi ba u briew um im tang da u kpu hynrei da ka ktien baroh kaba mih na U Trai.