EKSODOS 16:20 - Khasi CL Bible (BSI)

²⁰ Hynrei don ki bym shym shahshkor ïa u Moses, bad ki la tyngkai khyndiat. Ha ka step kaba bud kata kaba sah ka la boi ksaiñ bad ka sma iwjit, bad u Moses u la bitar ïa ki.

KA BAIBL

²⁰ Pynban, kim shym la sngap ïa u Moses; hynrei, don kiba la pynsah na ka haduh mynstep, te ka la man ksaiñ, bad ka la iwtung ruh: te u Moses u la bitar ïa ki.

EKSODOS 16:20 ပူးပေါင်းရင်းမြစ်များ

EKSODOS 16:19

U Moses u la ong ha ki, “Uno uno ruh um dei ban pynsah ïa ka wat tang khyndiat ruh na ka bynta kaba la shai.”

EKSODOS 16:21

Man ka step, uwei pa uwei u lum katba u lah ban bam, bad ynda ka la shit ka sngi, kaba sah baroh ha madan ka la um noh.

EKSODOS 16:24

Kumba u Moses u la hukum, kumta ruh ki buh ïa kaba tam haduh kawei pat ka sngi. Te kam shym la sniew, bad kam shym la boi ksaiñ.

JINGKHEIÑ 12:3

(U Moses u long u briew uba sngewrit; uba kham sngewrit ban ïa uno uno u briew ha ka pyrthei.)

JINGKHEIÑ 16:15

U Moses u la bitar lep, bad u ong ha U Trai, “Wat pdiang ïa kano kano ka jingainguh ba kine ki briew ki wallam. Ngam shym la leh bymdei ïa uwei ruh na ki; ngam shym la shim ruh wat tang kawei na ki kada jong ki.”

MATHAÏOS 6:19

“Wat kynshew spah na ka bynta ïa lade hangne ha ka pyrthei, ha kaba ki khñiang bad ka sarang ki pynjot, bad ki nongtuh ki prong bad ki tuh.

MARKOS 10:14

Haba U Jisu u la ïohi ïa kane, u la sngewbitar bad u la ong ïa ki synran jong u, “Shah ïa ki khynnah ban wan ha nga, bad wat khang ïa ki, namar ka Hima U Blei ka long na ka bynta kum kine.

MARKOS 3:5

U Jisu u la bitar katba u la peit sawdong ïa ki, hynrei ha ka kajuh ka por u la sngewsih na ka bynta jong ki, namar ba ki eh mynsiem bad leh bymdei. Te u la ong ha uta u briew, “Rah ïa la ka kti.” U la rah ïa ka, bad ka la khiah bha pat.

LOUKAS 12:15

Bad u la ïai kren ha ki baroh, “To khmih bha bad sumar ïa lade na kano kano ka jait jinglalot; namar ba ïa ka jingim bashisha jong u briew ym shym la pynlong da kiei kiei kiba u don, kam pher haduh katno u lah ban long uba riewspah.”

LOUKAS 12:33

Die noh ïa ki jingdon jingem jong phi baroh bad ai ïa ka pisa ha kiba duk. Pynbiang ïa lade ki pla kynshew ki ban ym jot noh, bad kynshew ïa ka spah jong phi ha bneng, ha kaba kan ym duna, namar ba ym don u nongtuh uba lah ban ïoh ïa ka, bad ym don khñiang ba lah ban pynjot ïa ka.

EPHESOS 4:26

Lada phi bitar, wat ai ba ka jingbitar jong phi kan ïalam ïa phi ban leh pop, wat bitar sah baroh shi sngi.

HEBRU 13:5

Sumar bad kiar ïa la ka jingim na kaba ieit spah, bad sngewhun bad kita kiei kiei kiba phi don. Namar U Blei u la ong, “Ngan ym iehnoh ïa phi, ngan ym kyntait ïa phi.”