EKSODOS 16:15 - Khasi CL Bible (BSI)

¹⁵ Haba ki Israel ki ïohi ïa ka, kim tip ka dei kaei, bad kumta ki ïakylli para ma ki, “Kaei mo kane?” Te u Moses u ong ha ki, “Une u dei u kpu ba U Trai u la ai ha phi ban bam.

KA BAIBL

¹⁵ Te haba ki khun Israel ki la ïohi ïa ka, ki la ïa-ong paralok hi, “Ka manna?” naba kim tip kaei ka long. Te u Moses u la ong ha ki, “Une uta u kpu ïa uba U Trai u la ai ha phi ba phin bam.

EKSODOS 16:15 ပူးပေါင်းရင်းမြစ်များ

NEHEMAÏAH 9:15

“Haba ki thngan, me ai kpu ïa ki na bneng, bad ka um na u mawsiang haba ki sliang. Me ong ïa ki ban shimti bad pynïaid ïa ka ri kaba me la kular ban ai ha ki.

NEHEMAÏAH 9:20

Ha ka jingbha jong me, me ong ïa ki ïa kaei kaba ki dei ban leh; me la bsa ïa ki da ka manna bad ai um ïa ki ban dih.

SALM 105:40

Ki pan, bad u phah ïa ki syiar khlaw; u ai ïa ki ka jingbam na bneng ban pynhun ïa ki.

SALM 78:24

u la ai kew ïa ki na bneng, da kaba phah sha tbian ïa ka manna na ka bynta jong ki ban bam.

EKSODOS 16:31

Ki paid Israel ki khot ïa kata ka jingbam, “ka manna”. Ka long kum u symbai balieh uba rit, bad ka shngiam kum u kpu lyngkniap ba la shet bad ka ngap.

EKSODOS 16:33

U Moses u la ong ha u Aaron, “Shim uwei u khiew, thep ar kilo ka manna ha u, nangta buh ïa u ha khmat U Trai, na ka bynta ki khun ki ksiew jong ngi.”

EKSODOS 16:4

U Trai u ong ha u Moses, “Mynta ngan pynhap bam na bneng ïa phi baroh. Ki briew ki dei ban mih shabar man ka sngi ban lum kat ban biang na ka bynta kata ka sngi. Da kumta nga lah ban tynjuh ïa ki ban shem la kin kohnguh ne em ïa ki jingbthah jong nga.

PROBERB 9:5

“Ale, bam na ka jingbam jong nga, bad dih na ka waiñ ba nga la khleh.

JINGKHEIÑ 21:5

Ki la khñium, “Balei phi wan ïalam ïa ngi na Ijipt ban ïap ha kane ka ri shyiap ha kaba ym don bam lane ka um? Ngim sngewlah shuh ban bam kum kane ka jingbam!”

LOUKAS 12:30

(Naba kiba mane blei thala jong kane ka pyrthei ki ïai pyrkhat shaphang kine kiei kiei baroh.) U Kpa jong phi u tip ba phi donkam ïa kine kiei kiei.

ÏOANNIS 6:49

Ki kpa tymmen jong phi ki la bam ïa ka mana ha ri shyiap, hynrei ki la ïap.

ÏOANNIS 6:58

Une te, u long u kpu uba la wan hiar na bneng; um long kum uta u kpu uba ki kpa tymmen jong phi ki la bam, hynrei hadien ki la ïap. Uta uba bam ïa une u kpu un im junom.”

1 KORINTH 10:3

Baroh ki la bam ïa ujuh u kpu ba kynja mynsiem bad ki la dih ïa kajuh ka jingdih ba kynja mynsiem. Ki la dih na uta u mawsiang ba kynja mynsiem ba la leit lem bad ki; bad uta u mawsiang u la long U Khrist hi.

DEUTERONOMI 8:16

Ha kata ka ri shyiap u la ai ha phi ïa ka manna ban bam, ka jingbam kaba ki kpa tymmen jong phi kim ju ïoh mynno mynno. U la pyndem bad tynjuh ïa phi, khnang ba ha kaba kut un pynmanbha ïa phi da kiei kiei kiba bha.

DEUTERONOMI 8:3

U la pyndem ïa phi, u la pynshahthngan ïa phi, bad hadien kata u la ai ha phi ïa ka manna ban bam, ka jingbam kaba ma phi bad ki kpa tymmen jong phi phim pat ju ïoh mynno mynno. Ban hikai ïa phi ba u briew um im tang da u kpu hynrei da ka ktien baroh kaba mih na U Trai.

HEBRU 9:4

Ha ka la buh ïa ka duwan ksiar na ka bynta ban thang ïa ki jingiwbih bad ïa ka Synduk ka Jutang ïa kaba la sop ksiar bad la don u khiew ksiar lem bad ka manna ha u, u diengduh jong u Aaron uba la mih sla, bad ki ar tylli ki mawlyngkniap ha kiba la thoh ïa ki hukum.

JOSHUA 5:12

Ka manna ka la sangeh noh ban hap, bad ki Israel kim ju ïoh shuh ïa ka. Naduh kata ka por ki bam ïa ka jingbam ba la pynmih ha Kanaan.

JINGPYNPAW 2:17

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ha kito kiba ïoh ïa ka jingjop ngan ai katto katne ka manna ba la buhrieh. Ngan ai ruh ha uwei pa uwei na ki ïa u maw balieh ha uba la thoh ïa ka kyrteng bathymmai kaba ym don mano mano batip lait noh tang uta uba ïohpdiang ïa ka.