EKSODOS 15:6 - Khasi CL Bible (BSI)

⁶ “Ka kti kamon jong me, A Trai, ka long kaba khraw eh ha ka bor; ka pynlwet thiaw ïa u nongshun.

KA BAIBL

⁶ Ka kti kamon jong me, A Trai, ka long kaba donburom ha ka bor, ka kti kamon jong me, A Trai, ka la lympat lyngkhot lyngkhai ïa ki nongshun.

EKSODOS 15:6 ပူးပေါင်းရင်းမြစ်များ

SALM 17:7

Pyni ïa ka jingieit baphylla jong me bad to pynim ïa nga; ha ka liang jong me nga lait im na ki nongshun jong nga.

SALM 2:9

Men pynkheiñ ïa ki da u diengduh nar; men pynpra ïa ki lyngkhot lyngkhai kum ïa u khiew khyndew.’”

SALM 24:8

Uei une u syiem uba khraw? U dei U Trai, uba khlaiñ bad khrawbor, U Trai, uba jop ha ka thma.

SALM 44:3

Ki briew jong me kim shym la jop ïa ka ri da ki waitlam jong ki; kim shym la jop ïa ka da ka bor jong ki hi; ka la long da ka bor jong me bad ka jingkhlaiñ jong me, da ka jingthikna jong ka jingdon ryngkat jong me, kaba pyn-i ba me ieit ïa ki.

SALM 44:4

Me long u syiem jong nga bad U Blei jong nga; me ai jingjop ïa ki briew jong me,

SALM 60:5

To pyllait im ïa ngi da ka borbah jong me; to jubab ïa ki jingduwai jong ngi, khnang ba ki briew kiba me ieit kin ïohlait im.

SALM 74:11

Balei ba me la kyntait ban ïarap ïa ngi? Balei ba me buh ïa ki kti jong me shadien jong me?

SALM 77:10

Nangta nga la ong, “Kaba pynmong eh ïa nga ka dei kane — ba U Blei um long shuh uba donbor.”

SALM 89:14

Ïa ka hima jong me la seng nongrim ha ka hok bad ka jingbishar hok; ka jingieit bad ka jingïaineh ki paw ha ki kam jong me baroh.

SALM 98:1

To rwai ha U Trai ïa ka jingrwai bathymmai; u la leh ïa kiei kiei kiba phylla! Da ka bor jong u hi bad ka jingkhlaiñ bakhuid u la ïoh ïa ka jingjop.

EKSODOS 15:11

“Ko Trai, uei uba kat ma me hapdeng ki blei? Uei keiñ uba kum ma me, uba phylla ha ka jinglongkhuid? Uei uba lah ban leh ki kambah bad ki kamphylla kum ma me?

EKSODOS 15:12

Me kner ïa la ka kti kamon, bad ka khyndew ka nguid ïa ki nongshun jong ngi.

EKSODOS 15:16

Ka jingshyrkhei bad ka jingkhuslai ki wan hap halor jong ki. Ki ïohi ïa ka bor jong me, ko Trai, ki ïeng khlem lait kren da ka jingtieng, tad haduh ba ki briew jong me ki la ïaid lait sha shiliang — ki briew kiba me la pyllaitluid na ka jinglongmraw.

EKSODOS 18:8

U Moses u la ïathuh ha u Jethro ïa kaei kaei baroh kaba U Trai u la leh ïa u Pharaoh bad ïa ki nong Ijipt khnang ba un ïoh pyllait im ïa ki Israel. U la ïathuh ruh ha u ïa ki jingeh ba ki Israel ki la ïakynduh ha lynti bad kumno U Trai u la pyllait im ïa ki.

EKSODOS 3:20

Hynrei ngan pyn-i ïa la ka bor bad ngan pynshitom ïa ka ri Ijipt da kaba leh hangta ïa kiei kiei kiba shyrkhei. Hadien kata un sa shah ba phin leit.

EKSODOS 6:1

Nangta U Trai u la ong ha u Moses, “Mynta men sa ïohi aïu ngan leh ïa u Pharaoh. Ngan pynbor ïa u ban shah ïa ki briew jong nga ban leit. Ha ka jingshisha, ngan pynbor ïa u ban beh noh ïa ki na ka ri jong u.”

ISAÏAH 30:14

Phin sa pra kum u khra, uba la phret jin haduh ba ym don shuh ka lyngkhot, da kaba yn lah ban khat ïa ki rnga bakhluit, lane tong um na ka pung-um.”

ISAÏAH 51:9

A Trai to khie bad ïarap ïa ngi! Pyndonkam ïa la ka bor bad pynim ïa ngi; pyndonkam ïa ka kum ha ka por mynbarim. Dei ma me uba la ot lyngkhot lyngkhai ïa u Rahab u mrad duriaw bakynsha.

ISAÏAH 52:10

U Trai un pyndonkam ïa ka bor bakhuid jong u; un pynim ïa la ki briew, bad ka pyrthei baroh kan ïohi ïa kata.

ISAÏAH 63:12

Hangno u don U Trai, uba da ka bor jong u, u la leh ki kam bakhraw lyngba u Moses, u da kad arliang ïa ki um ka duriaw bad ïalam ïa ki briew jong u lyngba ki um kiba jylliew, ban ïoh ïa ka nam baneh junom na ka bynta ïa lade?” Ha ka jingïalam U Trai, ki kjat jong ki, ki long skhem kum ki kulai khlaw, bad kim ju jynthut.

JEREMAÏAH 13:14

Nangta ngan lynthaw ïa ki kum ïa ki khra uwei pyrshah ïa uwei pat, uba tymmen bad uba samla kumjuh. Ym don ka jingsngewsynei, ka jingsngewlem, lane ka jingisynei ka ban pynsangeh ïa nga na kaba pynïap ïa ki.”

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

1 SAMUEL 2:10

Ïa ki nongïaleh pyrshah ïa U Trai yn pynjot; kum u pyrthat na bneng un tied pyrshah ïa ki. U Trai un bishar ïa ka pyrthei baroh kawei; Un ai ka bor ha la u syiem, Un pynlong ïa u syiem ba la jied jong u ban ïoh ïa ka jingjop.”