EKSODOS 15:26 - Khasi CL Bible (BSI)

²⁶ U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

KA BAIBL

²⁶ bad u la ong, “Lada men sngap biang biang ruh ïa ka ktien jong U Trai U Blei jong me, bad lada men leh ruh ïa kata kaba dei ha khmat jong u, bad men shahshkor ruh ïa ki hukum jong u, da kaba rakhe ïa ki niam ki rukom jong u baroh, ngan ym da buh ha me kawei ruh keiñ na kita ki jingpang ïa kiba nga la wallam halor ki Ijipt: naba ma nga, nga long U Trai uba pynim ïa me.”

EKSODOS 15:26 ပူးပေါင်းရင်းမြစ်များ

1 SYIEM 11:33

Ngan leh ïa kane namar u Solomon u la kyntait ïa nga bad u la mane ïa ki blei nongwei: ka Astarte, ka blei ki Sidon; u Khemosh, u blei ki Moab; bad u Molekh, u blei ki Ammon. U Solomon u la lyndet ïa nga; u la leh palat, bad um shym la sumar ïa ki aiñ bad ki hukum jong nga kumba u Dabid u kpa jong u, u la leh.

1 SYIEM 11:38

Lada me kohnguh tylli ïa nga, me im hapoh ki hukum jong nga, bad me ïoh ïa ka jingmynjur jong nga da kaba leh ïa kaei kaba nga hukum, kumba u Dabid u shakri jong nga u la leh, ngan ïai don ryngkat bad me. Ngan pynlong ïa me u syiem ki Israel bad ngan pynthikna ba kiba hiarpateng na me kin synshar hadien jong me, kumba nga la leh ïa u Dabid.

2 SYIEM 2:21

bad u la leit sha ka umpohliew, u la bret ïa ka mluh ha ka um, bad u ong, “Kane ka dei kaba U Trai u ong: ‘Nga pynkhuid ïa kane ka um, bad kan ym pynjia shuh kano kano ka jingïap lane ki jinghap khun.’ ”

2 SYIEM 20:5

ban leit phai pat sha u Hesekaïah, u nongsynshar jong ki briew U Trai, bad ban ong ha u, “Nga, U Trai U Blei jong u Dabid u kpa tymmen jong me, nga la ïohsngew ïa ka jingduwai jong me bad nga la ïohi ïa ki ummat jong me. Ngan pynkhiah ïa me, bad hadien lai sngi men leit sha ka Templ.

2 SYIEM 22:2

U Josaïah u la leh ïa kaei kaba pynsngewbha ïa U Trai; u bud ïa ka nuksa jong u syiem Dabid, u kpa tymmen jong u, da kaba bud pyrkhing ïa baroh ki aiñ U Blei.

Ka Kitab U Job 5:18

U Blei u sop spaiñ ïa ki jingmong ba u pynlong; ki kti jong u ki pynpang ïa me, bad ki kti jong u ki pynkhiah.

SALM 103:3

U map ïa ki pop jong nga baroh bad u pynkhiah ïa ki jingpang jong nga baroh.

SALM 147:3

U pynkhiah ïa kiba la pait dohnud bad u sop spaiñ ïa ki jingmong jong ki.

SALM 81:9

Phim dei da lei lei ban mane ïa uwei pat u blei,

EKSODOS 12:29

Hamar shiteng synñia U Trai u la pynïap ïa u khun nyngkong baroh ha Ijipt, naduh u khun nyngkong jong u Pharaoh, u ban sa kiew khet, haduh u khun nyngkong jong u koidi uba ha ïingbyndi; ïa baroh kiba la kha nyngkong na ki mrad ruh la pynïap.

EKSODOS 19:5

Te mynta, lada phin kohnguh ïa nga bad sumar ïa ka jutang jong nga, phin long ki briew jong nga. Ka pyrthei baroh kawei ka long ka jong nga, bad phi pat phin long ki briew kiba nga la jied,

EKSODOS 19:6

ka jaitbynriew ba la pynkyntang sha nga, bad phin shakri ïa nga kum ki lyngdoh.”

EKSODOS 20:2

“Nga long U Trai U Blei jong phi uba la wan ïalam ïa phi na ka ri Ijipt, ka ri ha kaba phi la long ki mraw.

EKSODOS 23:25

Lada phi mane ïa nga U Trai U Blei jong phi, te ngan kyrkhu ïa phi da ka bam bad ka um, bad ngan weng noh ruh ïa ki jingpang jong phi baroh.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

ISAÏAH 57:18

“Nga la ïohi kumno ki im, hynrei ngan pynkhiah pat ïa ki. Ngan ïalam ïa ki bad ïarap ïa ki, bad ngan pyntngen ïa kito kiba ïam sngewsih.

JEREMAÏAH 11:7

Haba nga wallam ïa ki kpa tymmen jong ki na Ijipt, nga la maham kyntang ïa ki ban kohnguh ïa nga, bad nga la ïai maham ïa ki briew tad haduh kane ka sngi.

JEREMAÏAH 17:24

“Ïathuh ïa kine ki briew ba ki dei ban kohnguh ïa baroh ki hukum jong nga. Kim dei ban kit kano kano ka jingkit shapoh lyngba ki khyrdop jong kane ka nongbah ha ka Sabbaton. Ki dei ban rakhe ïa ka Sabbaton kum ka sngi bakyntang bad kim dei ban leh ïa kano kano ka kam.

JEREMAÏAH 30:17

Ngan pynkoit pat ïa phi; ngan pynkhiah ïa ki jingmong jong phi, la ki nongshun jong phi ki ong, ‘Ka Seïon ka dei kaba shah kyntait; ym don mano mano ba salia ïa ka.’ Ma nga, U Trai, nga la kren.”

JEREMAÏAH 33:6

Hynrei ngan sa pynkhiah ïa kane ka nongbah bad ki briew jong ka bad ngan pynïoh pat ha ki ïa ka jingkoit jingkhiah. Ngan pyn-i ha ki ïa ka jingsuk kyrhai bad ka jingshongshngain.

JEREMAÏAH 7:23

Hynrei nga la hukum ïa ki ban kohnguh ïa nga, khnang ba ngan ïoh long U Blei jong ki bad ki kin ïoh long ki briew jong nga. Bad nga la ong ha ki ban im kumba nga la lah hukum ïa ki, khnang ba kiei kiei kin bit kin biang ïa ki.

JEREMAÏAH 8:22

Hato ym don dawai ha Gilead? Hato ym don doktor hangta? Balei te ba ïa ki briew jong nga ym shym la pynkhiah?

ESEKIEL 18:5

“Tharai don u briew uba bha shisha, uba hok bad uba beit.

HOSIA 11:3

Pynban dei ma nga uba hikai ïa ki Israel ban ïaid. Nga la rah ïa ki briew jong nga ha la ki ksang'ti, hynrei kim shym la pdiang ba nga la sumar ïa ki.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

LEBITIKOS 26:13

Nga, U Trai U Blei jong phi, uba wallam ïa phi na ka ri Ijipt khnang ba phin ym long shuh ki mraw. Nga la pynkheiñ ïa ka bor kaba pynpoh ïa phi, bad nga la pynlah ïa phi ban ïaid ha ka burom.”

LEBITIKOS 26:3

“Lada phi im kat kum ki aiñ jong nga, bad kohnguh ïa ki hukum jong nga,

JINGKHEIÑ 12:13

Kumta u Moses u la kyang ha U Trai, “A Blei, to pynkhiah ïa ka!”

DEUTERONOMI 12:25

Lada phi kohnguh ïa kane ka hukum, U Trai un sngewbha, bad ma phi bad ki khun ki ksiew jong phi phin manbha.

DEUTERONOMI 12:28

Da shahshkor ïa kata baroh kaba nga la hukum ïa phi, ba ma phi bad ki khun ki ksiew jong phi phin manbha junom, namar ba phi leh ïa kata kaba dei bad kaba pynsngewbha ïa U Trai U Blei jong phi.

DEUTERONOMI 13:18

lada phi kohnguh ïa ki hukum jong u baroh kiba nga la ai ha phi mynta ka sngi, bad phi leh ruh ïa kata kaba u kwah.

DEUTERONOMI 28:27

U Trai un shoh ïa phi da ki tohjaw, kumba u la leh ïa ki nong Ijipt. Un pynlong ïa ka met jong phi ban dap da ka prum. Yn tap ïa phi da ka sarew, bad phin daitbuid, hynrei yn ym don jingpynkhiah.

DEUTERONOMI 28:58

“Lada phim kohnguh ïa ki jinghikai U Blei ïa kiba la thoh ha kane ka kitab, bad lada phim ñiewburom ïa ka kyrteng kaba phylla bad kaba khraw jong U Trai U Blei jong phi,

DEUTERONOMI 28:60

Un pynngat ha phi sa shisien ïa ki jingpang kiba sngewshyrkhei, kiba phi la mad ha Ijipt, bad phin ym ïohkhiah.

DEUTERONOMI 32:39

“ ‘Nga, bad tang ma nga hi, nga long U Blei; ym don uwei pat u blei uba shisha. Nga pynïap bad nga ai jingim, nga pynmong bad nga pynkoit, bad ym don uba lah ban ïaleh pyrshah ïa kaei ba nga leh.

DEUTERONOMI 5:1

U Moses u khot lang ïa ki Israel baroh bad u ong ha ki, “Ko phi ki Israel, shahshkor ïa ki hukum baroh ïa kiba ngan ai ha phi mynta ka sngi. Pule ïa ki bad pynthikna ba phi kohnguh ïa ki.

DEUTERONOMI 7:15

U Trai un pyllait ïa phi na ka jait jingpang baroh, bad un ym pynngat ha phi wat tang kawei ruh na ki jingpang kiba sngewtriem ba phi la mad ha ka ri Ijipt, hynrei un pynngat ïa ki ha ki nongshun jong phi.