EKSODOS 15:25 - Khasi CL Bible (BSI)

²⁵ U Moses u kyrpad jur ïa U Trai, bad U Trai u pyn-i ha u ïa uwei u lyngkhot dieng, ïa uba u la bret hapoh ka um; bad ka um ka la kylla long kaba bit ban dih. Dei hangta ba U Trai u ai ha ki ïa ki aiñ ba kin bud, bad dei hangta ruh ba u la tynjuh ïa ki.

KA BAIBL

²⁵ Te u la duwai ha U Trai; te U Trai u la pyni ïa u dieng ïa u, ïa uba haba u la bred ha kita ki um, kita ki um keiñ ki la bang. Hangta u la buh ïa ka hukum bad ka rukom ïa ki, bad hangta u la tynjuh ïa ki;

EKSODOS 15:25 ပူးပေါင်းရင်းမြစ်များ

2 SYIEM 2:21

bad u la leit sha ka umpohliew, u la bret ïa ka mluh ha ka um, bad u ong, “Kane ka dei kaba U Trai u ong: ‘Nga pynkhuid ïa kane ka um, bad kan ym pynjia shuh kano kano ka jingïap lane ki jinghap khun.’ ”

2 SYIEM 4:41

U Elisha u pan khyndiat u 'purew, u ber ïa u ha uta u khiew, bad u ong, “To theh kham bun ka syrwa na ka bynta jong ki.” Bad kam shym don kano kano kaba sniew ha ka.

2 SYIEM 6:6

“Hangno u hap?” u Elisha u kylli. Ynda uta u briew u kdew ha u ïa kata ka jaka, bad u Elisha u daiñ ïa uwei u dieng, u pashat ïa u ha ka um, bad u pynper ïa u khlieh sdie.

SALM 50:15

Khot kyrpad ïa nga haba ka jingeh ka wan; ngan pyllait ïa phi, bad phin ïaroh ïa nga.”

SALM 66:10

Me la buh ïa ngi ha ka jingtynjuh, A Blei; kumba ïa ka rupa la phrang da ka ding kumta me la tynjuh ïa ngi.

SALM 81:7

Haba phi la don ha ka jingjynjar, phi la khot kyrpad ïa nga, bad nga la pyllait im ïa phi. Na ka jakarieh jong nga ha ka 'erïong nga la jubab ïa phi. Nga la tynjuh ïa phi ha ki um ka Meribah.

SALM 91:15

Haba ki khot ïa nga, ngan jubab ïa ki; haba ki don ha ka jingjynjar, ngan long ryngkat bad ki. Ngan pyllait im ïa ki bad ngan pyndonburom ïa ki.

SALM 99:6

U Moses bad u Aaron ki la long ki lyngdoh jong u, bad u Samuel u la long uwei uba la duwai ha u; kiba la khot kyrpad ïa U Trai, bad u la jubab ïa ki.

EKSODOS 14:10

Haba ki Israel ki ïohi ïa u Pharaoh bad u paidïapom jong u ba ki tur sha ki, ki la sheptieng shikatdei eh, bad ki kyang jam sha U Trai ban ïoh jingïarap.

EKSODOS 16:4

U Trai u ong ha u Moses, “Mynta ngan pynhap bam na bneng ïa phi baroh. Ki briew ki dei ban mih shabar man ka sngi ban lum kat ban biang na ka bynta kata ka sngi. Da kumta nga lah ban tynjuh ïa ki ban shem la kin kohnguh ne em ïa ki jingbthah jong nga.

EKSODOS 17:4

U Moses u la duwai jur ha U Trai, bad u ong, “Aïu nga lah ban leh bad kine ki briew? Mynta ki khreh sa ban lynthem maw ïa nga!”

EKSODOS 20:20

U Moses u jubab, “Wat sheptieng, U Blei u la wan tang ban tynjuh ïa phi bad pynlong ïa phi ban ïai kohnguh ïa u, khnang ba phin ym leh pop.”

PROBERB 17:3

Ïa ka ksiar bad ïa ka rupa la phrang ha ka ding, bad ïa ka dohnud jong u briew la phrang da U Trai.

JEREMAÏAH 15:1

Nangta U Trai u la ong ha nga, “Wat lada u Moses bad u Samuel kin ïeng hangne ban ïasaid bad nga, ngan ym pyn-i jingisynei ei ei ïa kine ki briew. Pynlong ïa ki ban leit noh; pynlong ïa ki ban phet noh na khmat jong nga.

JEREMAÏAH 9:7

Namar kane U Trai Badonbor Baroh u ong, “Ngan phrang ïa ki briew jong nga kum ïa ka nar bad buh ïa ki ha ka jingtynjuh. Ki briew jong nga ki la leh ïa kaba sniew — sa kaei pat kaba nga lah ban leh bad ki?

ESEKIEL 47:7

bad haba nga la poi hangta nga la ïohi ba la don bun bha ki dieng ha baroh arliang ka rudwah.

ESEKIEL 47:8

U la ong ïa nga, “Kane ka um ka tuid lyngba ka ri shaphang mihngi bad sha ka Them Jordan bad sha ka Duriaw Baïap. Haba ka tuid sha ka Duriaw Baïap, ka pynmih bujli ïa ka um mluh jong kata ka duriaw da ka um kaba bha.

1 KORINTH 1:18

Naba ka khubor shaphang ka jingïap U Khrist halor ka diengphna ka long ka jingibieit ha kito kiba jot noh; hynrei ïa ngi kiba la pynim, ka long ka bor U Blei.

DEUTERONOMI 13:3

U Trai U Blei jong phi u pyndonkam ïa u ban tynjuh ïa phi, ban khmih la phi ieit ne em ïa U Trai da ka dohnud jong phi baroh.

DEUTERONOMI 8:16

Ha kata ka ri shyiap u la ai ha phi ïa ka manna ban bam, ka jingbam kaba ki kpa tymmen jong phi kim ju ïoh mynno mynno. U la pyndem bad tynjuh ïa phi, khnang ba ha kaba kut un pynmanbha ïa phi da kiei kiei kiba bha.

DEUTERONOMI 8:2

Kynmaw kumno U Trai U Blei jong phi u la ïalam ïa phi baroh shi lynter lynti lyngba ka ri shyiap ha kine ki sawphew snem kiba la dep ba un pyndem ïa phi, u da tynjuh ïa phi ba un ïoh tip aïu phi thmu ban leh, bad la phin kohnguh ne em ïa ki hukum jong u.

NONGBISHAR 2:22

Ngan pyndonkam ïa ki ban shem la kine ki Israel kin bud ne em ïa ki lynti jong nga, kumba ki kpa tymmen jong ki, ki la leh.”

NONGBISHAR 3:1

Kumta te, U Trai u iehnoh katto katne ki jaitbynriew ha ka ri ban tynjuh ïa ki Israel ki bym pat mad ïa ki thma ha ri Kanaan.

NONGBISHAR 3:4

Kine ki long ban tynjuh ïa ki Israel, ban lap la kin kohnguh ne em ïa ki hukum ba U Trai u la ai ha ki kpa tymmen jong ki da u Moses.