EKSODOS 15:22 - Khasi CL Bible (BSI)

²² Nangta u Moses u ïalam noh ïa ki Israel na ka Duriaw Basaw sha ka ri shyiap Shur. Lai sngi lynter ki la ïaid lyngba ïa ka ri shyiap, hynrei kim shym lap um satia.

KA BAIBL

²² Kumta, u Moses u la ïalam ïa ki Israel na ka Duriaw Basaw, ki la ïaleit ruh sha ka ri khlaw jong ka Shur; te ki la ïaid lai sngi lynti ha kata ka ri khlaw, bad kim shym la shem um.

EKSODOS 15:22 ပူးပေါင်းရင်းမြစ်များ

JENESIS 16:7

U angel jong U Trai u la ïashem ïa ka Hagar harud ka umpohliew ha ka ri shyiap ha ka lynti sha Shur bad u ong,

JENESIS 20:1

U Abraham u la kynriah noh na Mamre sha ki bynta bashathie jong ka Kanaan bad u la shong la sah hapdeng ka Kadesh bad ka Shur.

JENESIS 25:18

Ki khun ki ksiew jong u Ishmael ki la shong la sah ha ka jaka kaba hapdeng ka Habilah bad ka Shur, sha ka phang mihngi jong ka ri Ijipt ha ka lynti sha Assyria. Kine ki la shong kyrpang na kiwei pat ki khun ki ksiew jong u Abraham.

SALM 136:16

U la ïalam ïa la ki briew lyngba ka ri shyiap; ka jingieit jong u ka neh bymjukut.

SALM 77:20

Me la ïalam ïa la ki briew kum u nongap langbrot, ha ka jingkhmih u Moses bad u Aaron.

SALM 78:52

Nangta u la ïalam shabar ïa ki briew jong u kum u nongap langbrot bad u la ïalam lynti ïa ki lyngba ka ri shyiap.

SALM 78:53

U la ïalam ïa ki ha ka jingshngain, bad kim shym la sheptieng; hynrei ka duriaw ka la wan tyllep halor ki nongshun jong ki.

EKSODOS 17:1

Ka kynhun Israel baroh ka la mihnoh na ka ri shyiap Sin, da kaba ïaid na kawei ka jaka sha kawei pat ka jaka kat kum ka hukum U Trai. Ki la sher dara ha Rephidim, hynrei ym don umdih hangta.

EKSODOS 3:18

“Ki briew jong nga kin shahshkor ïa kaei kaba me ong ha ki. Nangta me dei ban leit bad ki nongïalam jong ki Israel sha u Pharaoh bad ong ha u, ‘U Trai, U Blei jong ki Hebru, u la pynpaw ïa lade ha ngi. Mynta shah ïa ngi ban leit lai sngi lynti sha ka ri shyiap ban ai jingkñia ha U Trai, U Blei jong ngi.’

JINGKHEIÑ 33:8

Ki la mihnoh na Pi Hahiroth bad ki la ïaid lyngba ïa ka Duriaw Basaw sha ka ri shyiap Shur; hadien ba ki la ïaid lai sngi, ki la sher dara ha Marah.

1 SAMUEL 15:7

U Saul u jop ïa ki Amalek, da kaba ïaleh shi lynter lynti naduh Habilah haduh Shur, ha ka phang mihngi jong ka Ijipt;

1 SAMUEL 27:8

Ha kata ka por u Dabid bad ki rangbah jong u ki ju leit hiarthma ïa ki briew jong ka Geshur, ki Girsi, bad ki Amalek, kiba la ju shong ha kata ka thain naduh mynhyndai. U ju leit lute ïa ka ri jong ki haduh Shur, baroh shi lynter lynti haduh ka ri Ijipt,