EKSODOS 15:20 - Khasi CL Bible (BSI)

²⁰ Te ka Miriam ka nongïathuhlypa, ka para jong u Aaron, ka la shim ïa la ka kanjari, bad ki kynthei baroh ruh ki la ïabud nadien jong ka, ki da tem ïa ki kanjari, bad ki da ïashad ruh.

KA BAIBL

²⁰ Te ka Miriam ka nongïathuhlypa, ka hynmen u Aaron, ka la shim ka kanjari ha la ka kti; ki kynthei baroh ruh ki la ïamih noh hadien jong ka da ki kanjari bad ki jingshad.

EKSODOS 15:20 ပူးပေါင်းရင်းမြစ်များ

JENESIS 31:27

Balei me shukor ïa nga bad mih jar jar khlem da ïathuh ïa nga? Lada me la ïathuh ïa nga, ngan jin da la phah ïa me da ka jingkmen bad da ki jingkyn-ud sur ha ki kanjari bad ki duitara.

2 SAMUEL 1:20

Wat pynbna ïa ka ha Gath lane ha ki surok ka Ashkelon. Wat pynlong ïa ki kynthei Philistia ban kmen, wat ai ba ki khun kynthei jong ki bymngeit blei kin risa.

2 SAMUEL 6:14

U Dabid, uba shu pien tang da ka jaiñ linen, u la shadkmen da ka bor jong u baroh ban burom ïa U Trai.

2 SAMUEL 6:16

Katba dang wallam ïa ka Synduk shapoh ka nongbah, ka Mikhal, ka khun jong u Saul, ka la peit na ka jingkhangïit bad ka la ïohi ïa u Syiem Dabid ba u shad bad kynthih kylleng sawdong ha ka jingshad bakyntang, bad ka la i ngiah ïa u.

2 SAMUEL 6:5

U Dabid bad ki Israel baroh ki la ïashad kmen bad ïarwai shitrhem da ka bor baroh ban burom ïa U Trai. Ki da tem ïa ki duitara, ki jingtem ksai, ki ksing, ki kanjari, bad ki shakuriaw.

2 SYIEM 22:14

U Hilkaïah, u Ahikam, u Akhbor, u Shaphan, bad u Asaïah, ki leit ban kylli na ka briew kaba kyrteng ka Huldah, ka nongïathuhlypa, kaba shong ba sah ha ka jaka ba kham thymmai jong ka Jerusalem. (U Shallum u tnga jong ka, u khun jong u Tikbah bad u ksiew jong u Harhas, uba dei khmih ïa ki barandi ka Templ.) Ki batai ha ka, ïa kaei kaba la jia,

1 KHRONIKL 15:16

U Dabid u hukum ïa ki nongïalam jong ki Lebi ban pynkhamti ha ki kynhun Lebi bapher bapher ban rwai bad ban tem ki jingtem jong ka jingkmen ha ki duitara bad ki shakuriaw.

1 KHRONIKL 6:3

U Amram u don ar ngut ki khun shynrang, u Aaron bad u Moses, bad kawei ka khun, ka Miriam. U Aaron u don saw ngut ki khun shynrang: u Nadab, u Abihu, u Eleasar, bad u Ithamar.

NEHEMAÏAH 6:14

Nga duwai, “A Blei, to kynmaw ïa kaei kaba u Tobiah bad u Sanballat ki la leh bad to pynshitom ïa ki. To kynmaw ïa kato ka kynthei, ka Noadaïah, bad baroh kiwei ki nongïathuhlypa kiba la pyrshang ban pyntieng ïa nga.”

SALM 149:3

To ïaroh ïa ka kyrteng jong u da ka jingshad; to tem ki ksing bad ki duitara ha ka jingïaroh ïa u.

SALM 150:4

To ïaroh ïa u da ki ksing bad ka jingshad. To ïaroh ïa u da ki duitara bad ki tangmuri.

SALM 30:11

Me la pynkylla ïa ka jingsngewsih jong nga sha ka jingshadkmen; me la shim noh ïa ka jingsngewsih jong nga bad kerkut ïa nga da ka jingkmen.

SALM 68:11

U Trai u ai ïa ka hukum, bad bun ki kynthei ki rah ïa ka khubor:

SALM 68:25

Ki nongrwai ki don ha khmat, ki nongtem nongput ki don hadien, hapdeng jong ki don ki samla kynthei kiba tem ïa ki kanjari:

SALM 68:26

“To ïaroh ïa U Blei ha ka jingïakynduh lang jong ki briew jong u; to ïaroh ïa U Trai, phi ki khun ki ksiew baroh jong u Jakob!”

SALM 81:2

To sdang ka put ka tem, bad tem ïa ka kanjari, tem ïa ka sur sngewtynnat ha ki duitara bad ki nebel.

EKSODOS 2:4

Ka hynmen jong uta u khunlung ka ap khmih kham na pajih ban ïohi kan jia aïu ïa u.

EKLESIASTIS 3:4

U buh ka por ban sngewsih bad ka por ban kmen, ka por ban ïam sngewsih bad ka por ban shad,

JEREMAÏAH 31:4

Sa shisien pat ngan tei ïa phi. Sa shisien pat phin shim ïa ki kanjari bad phin shad da ka jingkmen.

MIKAH 6:4

Nga la wan ïalam noh ïa phi na ka ri Ijipt; nga la pyllait ïa phi na ka jinglongmraw; nga la phah ïa u Moses, u Aaron, bad ka Miriam ban ïalam ïa phi.

JINGKHEIÑ 12:1

U Moses u la shongkurim ïa ka kynthei nong Kush bad ka Miriam bad u Aaron ki wad dong ïa u na ka bynta kata.

JINGKHEIÑ 12:2

Ki ong, “Hato U Trai u la kren tang lyngba u Moses? Hato um shym la kren lyngba jong ngi ruh?” U Trai u la ïohsngew aïu ki ong.

JINGKHEIÑ 20:1

Ha u bnai uba nyngkong, u paid Israel baroh u wan poi ha ka ri khlaw Sin bad u shong dara ha Kadesh. Hangta ka Miriam ka la ïap bad la tep ïa ka.

JINGKHEIÑ 26:59

uba shongkurim ïa ka Jokhebed ka khun u Lebi, ïa kaba la kha ha Ijipt. Ka la ïoh ar ngut ki khun shynrang na u Amram: u Aaron bad u Moses, bad kawei ka khun kynthei, ka Miriam.

LOUKAS 2:36

La don kawei ka nongïathuhlypa kaba la tymmen bha, ka riewkynthei kaba kyrteng ka Anna, ka khun jong u Phanuel na ka jait Asher. Ka la shongkurim tang hynñiew snem bad mynta ka la dap phraphew saw snem ka rta. Kam ju mih shuh na ka Templ; mynsngi bad mynmiet ka la mane ïa U Blei, da kaba shahjingit bad duwai.

KI KAM 21:9

U la don saw ngut ki khun kynthei ki bym pat shongkurim kiba la pynbna ïa ka khubor jong U Blei.

1 KORINTH 11:5

Bad kano kano ka briew kaba duwai ne pynbna ïa ka khubor U Blei ha ka jingïamane Blei lang khlem da tap ïa la ka khlieh ka pynjahburom ïa la u tnga; kam don jingïapher hapdeng jong ka bad ka briew kaba la khi noh ïa la ka khlieh.

1 KORINTH 14:34

Kumba ka long ha ki balang jong u paidlang U Blei, ki kynthei ki dei ban sngap jar ha ki jingïaseng. Ym shah ïa ki ban kren; kumba ka Hukum ki Jiw ka ong, kim dei ban leh trai khlieh.

NONGBISHAR 11:34

Haba u Jephthah u wan phai sha la ïing ha Mispah, ka khun jong u ka wan ban ïakynduh ïa u, ka da shad bad tem ïa ka ksing. Ka dei ka khun marwei jong u.

NONGBISHAR 21:21

Haba ki theisamla na Shiloh ki wan shad ha ka por ka Jingkhawai Niam, phi to wan mih na kita ki bri sohwaiñ. Uwei pa uwei na phi un shim da ka bor napdeng kita ki theisamla bad ïalam ban long ka tnga jong phi sha ka jaka ki Benjamin.

NONGBISHAR 4:4

Mynta ka Deborah, ka tnga jong u Lappidoth, ka long ka nongïathuhlypa, bad ka shakri kum ka nongbishar ïa ki Israel ha kata ka por.

1 SAMUEL 10:5

Nangta men leit kiew sha u Lum jong U Blei ha Gibeah, ha kaba don ka jaka sher dara jong ki Philistia. Ha ka jaka rung shapoh shnong, men ïakynduh ïa ka kynhun ki nongïathuhlypa kiba dang wan hiar na ka duwan kaba ha uta u lum, ki da tem da put ïa ki duitara, ki ksing, ki sharati, bad ki kanjari. Kin sa ïashad bad ïarisa.

1 SAMUEL 18:6

Katba u Dabid u dang wan phai hadien ba u la pynïap ïa u Goliath bad katba ki shipai ki dang wan phai sha la ïing, ki kynthei na man la ka shnong ha Israel ki ïamih ban leit ïashem ïa u syiem Saul. Ki da ïarwai ïa ki jingrwai sngewkmen, ki da ïashad bad ki tem ïa ki kanjari bad ki jingtem ksai.