EKSODOS 15:2 - Khasi CL Bible (BSI)

² U Trai u long u nongïada uba khlaiñ jong nga; u long ma u, uba la pyllait im ïa nga. U dei U Blei jong nga, bad ngan ïaroh ïa u, U Blei jong u kpa jong nga, bad ngan rwai shaphang ka jingkhraw jong u.

KA BAIBL

² U Trai u long ka bor bad ka jingrwai jong nga, bad u la wan long ka jingpynim ïa nga: U long ma U, U Blei jong nga, bad ngan pyndonburom ïa U; U Blei u kpa jong nga, bad ngan ïaroh burom ïa U.

EKSODOS 15:2 ပူးပေါင်းရင်းမြစ်များ

JENESIS 17:7

“Ngan bat ïa la ka kular bad me bad ki khun ki ksiew jong me ha ki pateng ki ban dang wan ba kan long ka jutang kaba ïaineh junom. Ngan long U Blei jong me bad U Blei jong ki khun ki ksiew jong me.

JENESIS 49:18

“Ko Trai, nga ap ïa ka jingpyllait im jong me.

2 SAMUEL 22:3

U Blei jong nga u long ka jingïada jong nga; bad nga shngain bad u, U ïada ïa nga kum ka stieh; u da ïa nga bad ri pynim ïa nga. U long u nongpynim jong nga. U ïada ïa nga bad u pyllait im ïa nga na ka jingumsnam.

2 SAMUEL 22:47

U Trai u im! To ïaroh ïa u nongïada jong nga! To pynbna ïa ka jingkhraw jong U Blei uba khlaiñ uba pynim ïa nga!

2 SAMUEL 22:51

U Blei u ai ki jingjop bakhraw ha u syiem jong u; u pynpaw ka jingieit baïaineh ha uba u la jied, ha u Dabid bad ha ki khun ki ksiew jong u junom.

2 SAMUEL 7:24

Me la pynlong ïa ki Israel, ki briew jong me hi junom, bad me, A Trai, me la long U Blei jong ki.

2 SAMUEL 7:5

“Khie leit ïathuh ha u Dabid u shakri jong nga ba nga ong ha u, ‘Mem dei ma me u ban tei ka templ ïa nga ba ngan shong.

1 SYIEM 8:13

Mynta nga la tei ïa ka Templ kaba khraw na ka bynta jong me, ka jaka na ka bynta jong me ba men shong junom la junom.”

1 SYIEM 8:27

“Hynrei me lah mo, A Blei, ban shong shisha ha ka pyrthei? Wat ka bneng baroh kam biang pura ban ngiam ïa me, kumta kumno ka lah ban long ba kane ka Templ ïa kaba nga la tei kan heh haduh katta?

1 KHRONIKL 16:14

U Trai u long U Blei jong ngi; ki hukum jong u ki long na ka bynta ka pyrthei baroh.

SALM 109:1

Nga ïaroh ïa me, A Blei; to wat sngap jar!

SALM 118:14

U Trai u la pynlong ïa nga uba donbor bad uba khlaiñ; u la pynim ïa nga.

SALM 118:21

Nga ïaroh ïa me, A Trai, namar me la ïohsngew ïa nga, bad me la ai ka jingjop ïa nga.

SALM 118:28

Me long U Blei jong nga, bad nga ainguh ïa me; ngan pynbna ïa ka jingkhraw jong me.

SALM 132:5

haduh ba ngan da ïoh pynbiang ka jaka ïa U Trai, ka jaka shong ïa U Blei Bakhlaiñbor jong u Jakob.”

SALM 140:7

Ko Trai Nongsynshar jong nga, u nongkyrshan bakhlaiñbor jong nga, me la ïada ïa nga ha ka thma.

SALM 145:1

Ngan pynbna ïa ka jingkhraw jong me, A U Blei bad u syiem jong nga; ngan ainguh ïa me junom la junom.

SALM 18:46

U Trai u im! To ïaroh ïa u nongïada ïa nga! To pynbna ïa ka jingkhraw jong U Blei uba pynim ïa nga.

SALM 22:10

Nga la shaniah ha me naduh ka sngi ba kha ïa nga, bad me la ju ïailong U Blei jong nga.

SALM 22:3

Hynrei me shongkhet kum uba Bakhuid Tam, uta uba ki Israel ki ïaroh.

SALM 27:1

U Trai u long ka jingshai jong nga bad ka jingpynim jong nga; ngan ym sheptieng ïano ïano ruh. U Trai u ïada ïa nga na ki jingjynjar baroh; ngan ym sheptieng lano lano ruh.

SALM 28:8

U Trai u ïada ïa ki briew jong u; u ïada bad pynim ïa u syiem ba la jied jong u.

SALM 30:1

Nga ïaroh ïa me, A Trai, namar me la ri pynim ïa nga bad khang ïa ki nongshun jong nga na kaba leh risa halor jong nga.

SALM 34:3

To pynbna ryngkat bad nga ïa ka jingkhraw U Trai, to ngin ïaroh lang ïa ka kyrteng jong u!

SALM 48:14

“Une U Blei u dei U Blei jong ngi junom la junom; un ïalam ïa ngi ha ki por baroh ki ban wan.”

SALM 59:17

Ngan ïaroh ïa me, u nongkyrshan jong nga. Ka jakarieh jong nga dei ha U Blei, U Blei uba ieit ïa nga.

SALM 68:20

U Blei jong ngi u long U Blei uba pynim; u long U Trai, u Trai jong ngi, uba pyllait im ïa ngi na ka jingïap.

SALM 99:5

To ïaroh ïa U Trai U Blei jong ngi; to mane ha khmat ka khet jong u! Uba Khuid long ma u!

SALM 99:9

To ïaroh ïa U Trai U Blei jong ngi, bad to mane ha u lum bakyntang jong u! U Trai U Blei jong ngi u long uba khuid.

EKSODOS 14:13

U Moses u la jubab, “Wat sheptieng! Ïeng skhem, bad phin sa ïohi aïu U Trai un leh mynta ka sngi ban pyllait im ïa phi; lano lano ruh phin ym ïohi shuh ïa kine ki nong Ijipt.

EKSODOS 3:6

Nga long U Blei jong ki kpa tymmen jong me, U Blei jong u Abraham, u Isaak bad u Jakob de.” Kumta u Moses u tap ïa la ka khmat, namar um nud ban peit sha U Blei.

EKSODOS 4:22

Te me dei ban ong ha u ba ma nga, U Trai, nga ong, ‘U Israel u long u khun nyngkong jong nga.

EKSODOS 40:34

Nangta u lyoh u tap ïa ka Ïingjaiñ baroh kawei, bad ka burom batyngshaiñ na ka jingdon ryngkat U Trai ka pyndap ïa ka.

EKSODOS 6:7

Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 25:1

A Trai, me long U Blei jong nga; ngan pyndonburom ïa me bad ïaroh ïa ka kyrteng jong me. Me la leh kiei kiei kiba phylla; me la long uba ïaineh ha kaba pyntreikam ïa ki jingthmu jong me kiba me la thmu naduh mynbarim.

ISAÏAH 45:17

Hynrei ïa ki Israel la pynim da U Trai, bad ka jingjop jong u ka neh junom; ki briew jong ka kin ym jahburom.’ ”

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 66:1

U Trai u ong, “Ka bneng ka long ka khet jong nga bad ka khyndew ka long ka jingïuhkjat jong nga. Kaba kumno keiñ ka ïing men tei ïa nga, bad kaba kumno ka jaka ba ngan shong?

JEREMAÏAH 3:23

Ngim shym la ïoh jingïarap ei ei da ka jingmane jong ngi ka bym dei ïa me halor ki kliar lum. Ka jingïarap ïa ki Israel ka wan tang na U Trai U Blei jong ngi.

JEREMAÏAH 31:33

Ka jutang bathymmai kaba ngan pynlong bad ki paid Israel kan long kane: Ngan buh ïa ka aiñ jong nga hapoh jong ki bad thoh ïa ka ha ki dohnud jong ki. Ngan long U Blei jong ki, bad kin long ki briew jong nga.

JEREMAÏAH 32:38

Te kin long ki briew jong nga, bad ngan long U Blei jong ki.

HABAKKUK 3:13

Me mihnoh ban pyllait ïa la ki briew, ban pyllait ïa u syiem ba la jied jong me. Me pynkyllon ïa u nongïalam jong ki bymman bad pynjot thiaw ïa ki nongbud jong u.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

LOUKAS 1:77

ban ïathuh ha ki briew jong u ba yn pynim ïa ki da kaba ki ïoh ka jingmap ïa ki pop jong ki.

LOUKAS 2:30

Da la ki jong ki khmat nga la ïohi ïa ka jingpynim jong me,

ÏOANNIS 4:22

Phi ki nong Samaria phim da tip shai ïano phi mane; hynrei ma ngi ki Jiw ngi tip ïano ngi mane, namar ka long na ki Jiw ba ka jingpynim ka wan.

ÏOANNIS 5:23

Uno uno u bym burom ïa U Khun um burom ïa U Kpa uba la phah ïa u.

KI KAM 4:12

Ïa ka jingpynim dei ban shem tang lyngba jong u; ha ka pyrthei baroh ym don uno uno ïa uba U Blei u la ai uba lah ban pynim ïa ngi.”

2 KORINTH 5:19

Ka khubor jong ngi ka long ba U Blei u la pynlong paralok ïa u bynriew baroh lyngba U Khrist. U Blei um shym la buh jingkheiñ ïa ki pop jong ki, bad u la ai ha ngi ka khubor kaba ïathuh kumno u pynlong ïa ki, ki paralok jong u.

EPHESOS 2:22

Ha u, ïa phi ruh la tei lang lem bad kiwei pat da U Mynsiem jong u ha ka jaka ha kaba U Blei u shong.

DEUTERONOMI 10:21

U long uba phi dei ban ïaroh — u long U Blei jong phi; bad phi la ïohi da la ki khmat ïa ki kam kiba khraw bad kiba phylla kiba u la leh na ka bynta jong phi.

PHILIPPI 2:11

bad baroh kin pynbna shynna ba U Jisu Khrist u long U Trai, ïa ka burom U Blei uba U Kpa.

PHILIPPI 4:13

Nga don ka bor ban mad ïa baroh ki jinglong da ka bor kaba U Khrist u ai ïa nga.

KOLOSSAI 2:9

Naba ka jingdap pura jong ka jinglong Blei ka shong tylli ha U Khrist, ha ka jinglongbriew jong u, bad la ai ha phi ïa ka jingim ba-dap pura ha u.

JINGPYNPAW 15:3

bad ki da rwai ïa ka jingrwai u Moses, u shakri jong U Blei, bad ïa ka jingrwai U Khunlangbrot: “U Trai uba U Blei Badonbor Baroh, katno kiba khraw bad kiba phylla long ki kam jong me! U Syiem jong ki jaitbynriew, katno kiba dei bad kiba shisha ki long lynti jong me!

JINGPYNPAW 19:1

Hadien kane, nga la ïohsngew ïa kaei kaba sawa kum ka jingkyrhuh jong ki paidbah babun ha bneng, da kaba ong, “To ïaroh ïa U Blei! Ka Jingpynim, ka burom, bad ka bor ki long ki jong U Blei jong ngi!

NONGBISHAR 5:21

Ka jingshlei um ha ka Kishon ka la rong noh ïa ki — Ka lat lat ka wah Kishon. Ngan nang ïaid, nang ïaid shaphrang, da ka jingkhlaiñ!