EKSODOS 15:18 - Khasi CL Bible (BSI)

¹⁸ Ma me, ko Trai, men long u syiem junom la junom.”

KA BAIBL

¹⁸ U Trai un synshar ha la ka rta.”

EKSODOS 15:18 ပူးပေါင်းရင်းမြစ်များ

JENESIS 21:33

Te U Abraham u la thung uwei u dieng Tamarisk ha Beersheba bad u la mane ïa U Trai, U Blei Bymjukut.

SALM 10:16

U Trai u long u syiem junom la junom. Kito kiba mane ïa kiwei pat ki blei kin jah noh na ka ri jong u.

SALM 146:10

U Trai u long u syiem junom. U Blei jong pha, ko Seïon, un synshar baroh shi rta. To ïaroh ïa U Trai!

SALM 29:10

U Trai u synshar halor ki um kiba jylliew; u synshar kum u syiem junom.

SALM 9:8

U synshar ïa ka pyrthei da ka hok; u bishar da ka jinglehhok ïa ki jaitbynriew.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

DANIEL 4:3

“Katno kiba khraw ki long ki jingphylla jong U Blei kiba u pyn-i ha ngi! Katno kiba khrawbor ki long ki kambah kiba u leh! U Blei u long u syiem junom; un synshar ha ki por baroh.

DANIEL 7:14

La ai ha u ka iktiar, ka jingpyndonburom, bad ka bor ba kynja syiem, khnang ba ki briew jong ki jaitbynriew baroh, ki jait ki kynja, bad ki ktien ki thylliej kin shakri ïa u. Ka iktiar jong u kan neh junom, bad ka hima jong u kan ym kut shuh.

DANIEL 7:27

Ïa ka bor bad ka jingkhraw jong baroh ki hima ha ka pyrthei yn ai ha ki briew jong U Blei Bahakhlieh Tam Eh. Ka bor ba kynja syiem jong ki kan ym kut shuh bad ki nongsynshar baroh ha ka pyrthei kin shakri bad kohnguh ïa ki.”

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

DEUTERONOMI 33:5

U Trai u long u syiem jong ki Israel ki briew jong u, mynba ki jait bad ki nongïalam jong ki, ki ïalumlang.