EKSODOS 15:17 - Khasi CL Bible (BSI)

¹⁷ Me wan ïalam ïa ki shapoh bad me buh ïa ki ha u lumbah jong me, ha ka jaka kaba me, ko Trai, me la jied na ka bynta ka ïing jong me, ka Templ kaba me hi me la tei.

KA BAIBL

¹⁷ Men wallam ïa ki shapoh, bad men thung ruh ïa ki ha u lum ka bynta skhem jong me, kata ka jaka, A Trai, ïa kaba me la khreh ïa lade ban shong duh ha ka, kata ka jaka kyntang keiñ, A Trai, ïa kaba ki kti jong me keiñ ki la pynskhem.

EKSODOS 15:17 ပူးပေါင်းရင်းမြစ်များ

2 SAMUEL 7:10

Nga la jied ka jaka ïa ki briew jong nga ki Israel bad nga la pynsah ïa ki hangta, ha kaba kin im khlem da shah banbeiñ shuh. Naduh ba ki rung sha kane ka ri, ki la shah tur ïaleh ha ki riewrunar, hynrei kane kan ym jia shuh. Nga kular ban sumar ïa me na ki nongshun jong me baroh bad ban ai ha me ki khun ki ksiew.

1 SYIEM 8:13

Mynta nga la tei ïa ka Templ kaba khraw na ka bynta jong me, ka jaka na ka bynta jong me ba men shong junom la junom.”

SALM 114:2

ka Judah ka la kylla long ka jaitbynriew kaba khuid jong U Trai, bad ka Israel ka kylla long ka jingïohkynti jong u hi.

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

SALM 44:2

Kumno ba ma me hi me la beh noh ïa kiba mane blei thala bad pynshong neh ïa ki briew jong me ha ka ri jong ki; kumno me la pynshitom ïa kiwei pat ki jaitbynriew bad pynlong ïa la ki jong ban roi kyrhai.

SALM 68:16

Balei na ki syntai lum bakhraw jong me, me khmih da ka jingibeiñ ïa u lumbah ha uba U Blei u la jied ban shong? U Trai un shong hangta junom!

SALM 76:2

U don ka ïing jong u ha Jerusalem; u shong ha u lum Seïon.

SALM 80:15

To wan bad pynim ïa une u dieng sohwaiñ uba me la thung, une u dieng sohwaiñ ba dang lung uba me la pynkhlaiñ ïa u katba u nang san!

SALM 80:8

Me la wallam ïa u dieng sohwaiñ na Ijipt; me la beh noh ïa kiwei pat ki jaitbynriew bad me la thung ïa u ha ka ri jong ki.

EKSODOS 15:13

Me bat ïa la ka kular, me la ïalam noh ïa ki briew kiba me la pyllait im; da ka bor jong me, me la btin ïa ki sha ka ri kaba kyntang jong me.

EKSODOS 23:20

“Ngan phah ïa u angel ha shuwa jong phi ban ïada ïa phi haba phi leit jingleit bad ban ïalam ïa phi sha kata ka jaka kaba nga la pynkhreh.

EKSODOS 25:8

Ki dei ruh ban shna ka Ïingjaiñ kaba kyntang na ka bynta jong nga, khnang ba ngan ïoh shong hapdeng jong ki.

EKSODOS 32:34

Mynta khie leit, ïalam ïa u paidbah sha kata ka jaka kaba nga la ïathuh ïa me. Kynmaw ba u angel jong nga un ïalam ïa phi, hynrei ka por kan poi ha kaba ngan pynshitom ïa kine ki briew namar ka pop jong ki.”

JEREMAÏAH 2:21

Nga la thung ïa me kum ïa u dieng sohwaiñ ba la jied na u symbai uba bha tam. Hynrei ha khmih me la kylla long uei! Me la long kum u dieng sohwaiñ uba pyut bad u bymdondor ei ei.

JEREMAÏAH 31:23

U Trai Badonbor baroh, U Blei ki Israel, u ong, “Haba ngan wallam pat ïa ki briew sha ka ri jong ki, sa shisien pat kin ong ha ka ri Judah bad ki shnong jong ka, “ ‘To U Trai un kyrkhu ïa u lum bakyntang jong ka Jerusalem, ka jaka bakhuid ha kaba u shong.’

JEREMAÏAH 32:41

Ngan sngewbha ha kaba leh kiei kiei kiba bha na ka bynta jong ki, bad ngan buh pynskhem junom ïa ki ha kane ka ri.

ESEKIEL 37:26

Ngan pynlong ka jutang bad ki ka ban pynneh ïa ka jingsngewskhem jong ki junom. Ngan tei skhem ïa ki bad ngan pynroi ïa ka jingbun briew jong ki, bad ngan buh ïa ka Templ jong nga ha ka ri jong ki, ha kaba kan neh junom.

ESEKIEL 37:28

Haba nga pynïeng ïa ka Templ jong nga hangta ba kan don hapdeng jong ki junom, te ki jaitbynriew kin sa tip ba ma nga, U Trai, nga la jied ïa ki Israel ba kin long ki briew ki jong nga hi.”

DEUTERONOMI 33:19

Ki khot sngewbha ïa ki nongwei sha u lum jong ki, Bad hangta ki kñia ki jingainguh kiba biang. Ki ïohlum spah na duriaw, Bad na u shyiap harud duriaw.”

JOSHUA 22:19

Hynrei mynta, lada ka ri jong phi kam bit kam biang na ka bynta ban mane Blei ha ka, wan noh sha shiliang sha ka ri jong U Trai, ha kaba ka Ïingjaiñ jong u ka ïeng. Kam kynti katto katne ka jaka hapdeng jong ngi. Hynrei wat ïaleh pyrshah ïa U Trai, lane pynlong ïa ngi ki nongïaleh pyrshah da kaba tei ka duwan nalor ka duwan U Trai U Blei jong ngi.