EKSODOS 15:16 - Khasi CL Bible (BSI)

¹⁶ Ka jingshyrkhei bad ka jingkhuslai ki wan hap halor jong ki. Ki ïohi ïa ka bor jong me, ko Trai, ki ïeng khlem lait kren da ka jingtieng, tad haduh ba ki briew jong me ki la ïaid lait sha shiliang — ki briew kiba me la pyllaitluid na ka jinglongmraw.

KA BAIBL

¹⁶ Ka jingsheptieng bad ka jingshyrkhei kin ngat ha ki; da ka jingkhraw ka ksang'ti jong me kin ïasngap jar kum u maw; tad ynda kita ki briew jong me kin ïalait shiliang, A Trai, tad ynda ki ïalait shiliang uta u paidbah ïa uba me la siewspah.

EKSODOS 15:16 ပူးပေါင်းရင်းမြစ်များ

JENESIS 35:5

Haba u Jakob bad ki khun shynrang jong u ki sdang ban mih, ka jingsheptieng kaba khraw ka la wan hap ha ki briew kiba don ha ki shnong ba-marjan, bad kim shym la beh satia ïa ki.

2 SAMUEL 7:23

Ym don kawei pat ka jaitbynriew ha ka pyrthei kaba kum ki Israel, ïa kiba me la pyllait im na ka jinglongmraw ban pynlong ïa ki, ki briew jong me hi. Kiei kiei kiba khraw bad kiba phylla me la leh na ka bynta jong ki, ki la pynphriang ïa ka nam jong me kylleng satlak ka pyrthei. Me la beh noh ïa kiwei pat ki jaitbynriew bad ïa ki blei jong ki katba ki briew jong me ki nang ïaid shaphrang, ki briew ïa kiba me la pyllaitluid na Ijipt ban long ki jong me hi.

SALM 105:38

Ki nong Ijipt ki la sheptieng ïa ki bad ki la kmen haba ki la mih.

SALM 74:2

To kynmaw ïa ki briew jong me, kiba me la jied na ka bynta ïa lade la slem bah, kiba me la wallam na ka jinglongmraw ban long ka jait ka jong me hi. To kynmaw ïa u lum Seïon, ha kaba shisien me la shong.

SALM 89:14

Ïa ka hima jong me la seng nongrim ha ka hok bad ka jingbishar hok; ka jingieit bad ka jingïaineh ki paw ha ki kam jong me baroh.

EKSODOS 11:7

Hynrei wat u ksew ruh un ym wiar ïa ki Israel lane ïa ki jingri jingdup jong ki. Te men tip ba nga U Trai nga pynïapher hapdeng ki nong Ijipt bad ki Israel.’ ”

EKSODOS 15:13

Me bat ïa la ka kular, me la ïalam noh ïa ki briew kiba me la pyllait im; da ka bor jong me, me la btin ïa ki sha ka ri kaba kyntang jong me.

EKSODOS 15:5

Ka duriaw kaba jylliew ka la tap ïa ki; ki la ngam sha trai duriaw kum u maw.

EKSODOS 15:6

“Ka kti kamon jong me, A Trai, ka long kaba khraw eh ha ka bor; ka pynlwet thiaw ïa u nongshun.

EKSODOS 18:8

U Moses u la ïathuh ha u Jethro ïa kaei kaei baroh kaba U Trai u la leh ïa u Pharaoh bad ïa ki nong Ijipt khnang ba un ïoh pyllait im ïa ki Israel. U la ïathuh ruh ha u ïa ki jingeh ba ki Israel ki la ïakynduh ha lynti bad kumno U Trai u la pyllait im ïa ki.

EKSODOS 20:2

“Nga long U Trai U Blei jong phi uba la wan ïalam ïa phi na ka ri Ijipt, ka ri ha kaba phi la long ki mraw.

EKSODOS 23:20

“Ngan phah ïa u angel ha shuwa jong phi ban ïada ïa phi haba phi leit jingleit bad ban ïalam ïa phi sha kata ka jaka kaba nga la pynkhreh.

EKSODOS 23:22

Hynrei lada phi kohnguh ïa u, bad leh kat ïa kaba nga hukum, ngan ïaleh pyrshah ïa ki nongshun jong phi baroh.

EKSODOS 23:27

“Ngan pynlong ïa ki briew kiba ïeng pyrshah ïa phi ban sheptieng ïa nga; ngan pynkulmar thlim ïa kito kiba phi ïaleh pyrshah, bad ngan pynher krad ïa ki nongshun jong phi.

EKSODOS 6:7

Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

ISAÏAH 51:10

Dei ma me ruh uba la pynrngad ïa ka duriaw bad pynlong ka lynti ïaid lyngba ki um, khnang ba kito kiba me pyllait im kin ïoh ïaid lyngba.

ISAÏAH 63:12

Hangno u don U Trai, uba da ka bor jong u, u la leh ki kam bakhraw lyngba u Moses, u da kad arliang ïa ki um ka duriaw bad ïalam ïa ki briew jong u lyngba ki um kiba jylliew, ban ïoh ïa ka nam baneh junom na ka bynta ïa lade?” Ha ka jingïalam U Trai, ki kjat jong ki, ki long skhem kum ki kulai khlaw, bad kim ju jynthut.

JEREMAÏAH 31:11

Nga la pyllaitluid ïa ki paid Israel bad pynim ïa ki na ka hima bakhrawbor.

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

DEUTERONOMI 11:25

Shano shano shaba phi leit ha kata ka ri, U Trai U Blei jong phi un pynlong ïa ki briew ba kin sheptieng ïa phi, kumba u la kular, bad ym don mano mano ruh ban pynsangeh ïa phi.

DEUTERONOMI 2:25

U briew baroh un khynñiuh da ka jingsheptieng tang shu ïohsngew ïa ka kyrteng jong phi.’

DEUTERONOMI 2:4

U la ong ïa nga ban ai ha phi ïa kine ki jinghikai: ‘Mynta phin ïaid lyngba ïa ka ri lum Edom, ka ri ki kur ki jait jong phi, ki khun ki ksiew u Iso.

DEUTERONOMI 32:6

Pleng da kumne mo phi siew kylliang ïa U Trai, a, phi ka jaitbynriew kaba bieit bad kaba anna? Hato um dei u kpa jong phi, uba la thaw ïa phi, uba la seng ïa phi kum kawei ka jaitbynriew?

DEUTERONOMI 32:9

hynrei ïa ki khun ki ksiew u Jakob u la jied na ka bynta ïa lade.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

JOSHUA 2:9

bad ka ong ha ki, “Nga tip ba U Trai u la ai ha phi ïa kane ka ri. Uwei pa uwei ha ka ri u la dap da ka jingsheptieng ïa phi.

JOSHUA 4:24

Namar kane, uwei pa uwei ha ka pyrthei un tip haduh katno ka bor jong U Trai ka long kaba khraw, bad ba phin burom ïa U Trai U Blei jong phi junom.”

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

2 PETROS 2:1

Ki nongïathuhlypa balamler ki la ju mih ha ki por ba la leit noh hapdeng ki briew, bad ha kajuh ka rukom, ki nonghikai balamler kin mih hapdeng jong phi. Kin wallam ïa ki jinghikai bapynjot bad bymshisha ïa ki jinghikai shongtynrai bad kin len ïa U Kynrad uba la siewspah ïa ki, bad kumta kin wallam ha lade ïa ka jingpynjot kaba kynsan.

1 SAMUEL 2:9

“U ïada ïa ka jingim jong kito kiba shaniah ha u, hynrei kiba bymman kin shu jah lngaid ha ka jingdum; u briew u jop ym da ka bor la jong.

1 SAMUEL 25:37

Nangta, ynda u la pyngngad, ka la ïathuh ha u ïa kaei kaei baroh. U la ïohpang kyndit bad u la long kum uba ïap baroh shi rynïeng.