EKSODOS 15:15 - Khasi CL Bible (BSI)

¹⁵ Ki nongïalam jong ka Edom ki la sngewshyrkhei; ki rangbah bakhlaiñbor jong ka Moab ki sngewkyiuh; ki briew ka Kanaan ki duh noh ïa ka jingshlur jong ki.

KA BAIBL

¹⁵ Te ki syiem Edom kin kyndit; ki briew bakhraw batri ka Moab, ka jingkhynñiuh kan kem ïa ki: ki Kanaan baroh kin sa um noh.

EKSODOS 15:15 ပူးပေါင်းရင်းမြစ်များ

JENESIS 36:15

Kine ki long ki jait kiba la hiarpateng na u Iso. U Eliphas, u khun nyngkong jong u Iso, u dei u kpa tymmen jong kine ki jait: ki Teman, ki Omar, ki Sepho, ki Kenas,

JENESIS 36:16

ki Korah, ki Gatam, bad ki Amalek. Kine baroh ki long ki khun ki ksiew na ka Adah ka tnga jong u Iso.

JENESIS 36:40

U Iso u long u kpa tymmen jong kine harum ki jait nong Edom: ki Timna, ki Albah, ki Jetheth, ki Oholibamah, ki Elah, ki Pinon, ki Kenas, ki Teman, ki Mibsar, ki Magdiel, bad ki Iram. La tip ïa ka jaka ha kaba kawei kawei ka jait ka shong ka sah da ka kyrteng jong kata hi ka jait.

2 SAMUEL 17:10

Nangta wat ki rangbah kiba shlur tam, ki bym ju tieng kum ki sing, kin sheptieng namar uwei pa uwei ha Israel u tip ba u kpa jong phi u dei u shipai bakhraw bad ba ki rangbah jong u ki dei ki nongïaleh kiba satar.

SALM 48:5

Hynrei haba ki ïohi ïa u, ki la sngewkyndit; ki la sheptieng bad ki phet noh.

SALM 68:2

Kumba ïa ka tdem la beh noh, kumta ruh beh noh ïa ki; kumba ka bthing ka um ha khmat ka ding, kumta ruh ai ba ki bymman kin ïap ha ka jingdon ryngkat jong U Blei.

ISAÏAH 13:7

Ki kti jong uwei pa uwei kin noh kyrwep, bad ka jingshlur jong uwei pa uwei kam lah kyrda.

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

JEREMAÏAH 49:23

Kane ka dei kaei kaba U Trai u ong shaphang ka Damaskos: “Ki briew ha ki nongbah jong ka Hamath bad ka Arpad ki khuslai bad ki sngew jynjar namar ki la ïohsngew ïa ki khubor basniew. Ka jinglyng-a ka tyllun halor jong ki kum ka duriaw, bad kim ïoh jahthait.

ESEKIEL 21:7

Haba ki kylli ïa me balei ba me ud, ïathuh ïa ki ba ka long na ka daw ka khubor kaba la ïohpdiang. Haba ka wan, ki dohnud jong ki kin dap da ka jingsheptieng, ki kti jong kin noh kyrwep, ka jingshlur jong ki kan duh, bad ki khohsiew jong ki kin kyiuh. Ka por ka la poi; ka long hangne.” U Trai Nongsynshar u la kren.

NAHUM 2:10

Ïa ka Ninebeh la pynjot, la iehnoh, kaba kynjah! Ki dohnud ki um da ka jingsheptieng; ki khohsiew ki khynñiuh, ka jingkhlaiñ ka la jah noh; ki durkhmat ki la kylla lieh blaid blaid.

HABAKKUK 3:6

Haba u sangeh, ka pyrthei ka khih; u tang shu peit, ki jaitbynriew ki kyiuh. Ki lumbah ba bymjukut ki khih; ki lumrit baneh junom ki ngam shapoh, ki lumrit ha kiba u ju ïaid ha ki por mynbarim.

HABAKKUK 3:7

Nga la ïohi ïa ki briew ka Kushan ba ki sheptieng bad ki briew ka Midian ki khynñiuh.

DEUTERONOMI 2:4

U la ong ïa nga ban ai ha phi ïa kine ki jinghikai: ‘Mynta phin ïaid lyngba ïa ka ri lum Edom, ka ri ki kur ki jait jong phi, ki khun ki ksiew u Iso.

DEUTERONOMI 20:8

“Kita ki rangbah synshar kin ong ruh ha uta u paidïapom, ‘Don mo hangne uba sheptieng bad uba rit mynsiem? Lada don, ai un leit phai sha la ïing, ïoh ba u pynsyier mynsiem ïa kiwei pat.’

JOSHUA 14:8

Ki rangbah kiba ïaleit ryngkat bad nga, pynban, ki pynsheptieng ïa ki briew jong ngi. Hynrei nga, nga la kohnguh hok ïa U Trai U Blei jong nga.

JOSHUA 2:11

Ngi tang shu ïohsngew shaphang kata, ngi la sheptieng; ngi la duh ïa ka jingshlur jong ngi baroh namar jong phi. U Trai U Blei jong phi u long U Blei ha bneng shajrong bad hangne ha ka pyrthei.

JOSHUA 2:24

“Ngi thikna ba U Trai u la ai ha ngi ïa ka ri baroh kawei. Ki briew baroh hangta ki la sngewsheptieng ïa ngi.”

JOSHUA 2:9

bad ka ong ha ki, “Nga tip ba U Trai u la ai ha phi ïa kane ka ri. Uwei pa uwei ha ka ri u la dap da ka jingsheptieng ïa phi.

JOSHUA 5:1

Ki syiem Amor baroh ha ka phang sepngi jong ka Jordan bad ki syiem Kanaan baroh kiba harud ka Duriaw Mediterranian ki la ïohsngew ba U Trai u la pynrngad ïa ka Jordan haduh ba ki paid Israel kin da jam ïa ka. Ki la sheptieng bad khaw-eit namar ki Israel.

1 SAMUEL 14:16

Ki rangbah ap phira jong u Saul ha Gibeah ha ri Benjamin ki ïohi ïa ki Philistia ba ki phet ha ka jingkulmar.