EKSODOS 15:14 - Khasi CL Bible (BSI)

¹⁴ Ki jaitbynriew ki la ïohsngew, bad ki la kyiuh da ka jingsheptieng; ïa ki Philistia la kynrup da ka jingsngewtriem.

KA BAIBL

¹⁴ Ki briew kin ïohsngew, bad kin ïasheptieng, ki jingkhuslai kin ngat ha ki nongshong ka ri Philistia.

EKSODOS 15:14 ပူးပေါင်းရင်းမြစ်များ

1 KHRONIKL 14:17

Ka nam u Dabid ka saphriang kylleng, bad U Trai u pynlong ïa ki hima baroh ban sheptieng ïa u.

SALM 48:6

Hangta la kem ïa ki da ka jingsheptieng bad ka jingjynjar, kum ka briew ka ban sa kha khun,

SALM 48:7

kum ki liengbah ba la kynting ha ka 'erïong bajur.

ISAÏAH 14:29

Ko ki briew ka Philistia, u dieng uba la tied ïa phi u la kheiñ, hynrei phim don kano kano ka daw ban shadkmen. Haba uwei u bseiñ u ïap, uwei pat uba kham sniew u wan ha ka jaka jong u. Ka pylleng bseiñ ka pynmih ïa u Ïakjakor uba her.

ISAÏAH 14:31

To ud bad to kyang ban ïoh jingïarap, phi baroh ki nongbah ka Philistia! To sngewshyrkhei, phi baroh! U lyoh pui pui u wan na ka phang bashatei — u long ka kynhun shipai bym don ki khawpud hapoh ka kyrdan jong ka.

ISAÏAH 23:5

Wat ki nong Ijipt kin kyndit bad khuslai haba ki tip ba ïa ka Tyros la pynjot.

ESEKIEL 32:9

“Shibun ki jaitbynriew kin shah pynshitom haba ngan pynphriang ïa ka khubor jingpynjot ïa me lyngba ki ri kiba mem pat ju ïohsngew.

HABAKKUK 3:6

Haba u sangeh, ka pyrthei ka khih; u tang shu peit, ki jaitbynriew ki kyiuh. Ki lumbah ba bymjukut ki khih; ki lumrit baneh junom ki ngam shapoh, ki lumrit ha kiba u ju ïaid ha ki por mynbarim.

HABAKKUK 3:7

Nga la ïohi ïa ki briew ka Kushan ba ki sheptieng bad ki briew ka Midian ki khynñiuh.

JINGKHEIÑ 14:14

kin sa ïathuh ïa kata ha ki briew kiba shong ha kane ka ri. Kine ki briew ki la lah ïohsngew ba me, A Trai, me don lem bad ngi, bad ba me paw ha kaba ïohi shai haba u lyoh jong me u sangeh halor jong ngi bad ba me leit ha shuwa jong ngi ha u rishot lyoh mynsngi bad u rishot ding mynmiet.

JINGKHEIÑ 22:5

Kumta u syiem Balak u la phah ïa ki nonglamktien ban ïakynduh ïa u Balaam u khun jong u Beor, uba don ha Pethor hajan ka wah Ïuphratis ha ka ri jong ki Amaw. Ki wallam sha u ïa kane ka khubor na u Balak, “Nga kwah ïa phi ban tip ba kawei ka jaitbynriew baroh kawei ka la wan na Ijipt; kita ki briew ki la saphriang kylleng bad ki thmu ban knieh ïa ka ri jong ngi.

DEUTERONOMI 2:25

U briew baroh un khynñiuh da ka jingsheptieng tang shu ïohsngew ïa ka kyrteng jong phi.’

JOSHUA 10:2

Ki briew ka Jerusalem ki sngewkyndit shikatdei eh da ka jingsheptieng ha kane, namar ka Gibeon ka long ka nongbah kaba heh kum kano kano ka nongbah kaba don la u syiem; ka kham heh ban ïa ka Ai, bad ki rangbah jong ka ki long ki riewïaleh kiba tbit.

JOSHUA 2:11

Ngi tang shu ïohsngew shaphang kata, ngi la sheptieng; ngi la duh ïa ka jingshlur jong ngi baroh namar jong phi. U Trai U Blei jong phi u long U Blei ha bneng shajrong bad hangne ha ka pyrthei.

JOSHUA 9:24

Ki la jubab, “Bah, ngi la leh ïa ka namar ngi la tip shisha ba U Trai U Blei jong phi u la hukum ïa u Moses u shakri jong u ban ai ha phi ïa ka ri baroh kawei, bad ban pynïap ïa ki briew baroh kiba shong ha ka katba phi nang ïaid sha khmat. Ngi la leh ïa ka namar ba ngi la sngewsheptieng ïa phi; ngi don ha ka jingsyier ïa la ka jingim.

JOSHUA 9:9

Nangta ki ïathuh ha u ïa kane ka khana: “Bah, ngi la wan na ka ri kaba jngai, namar ngi la ïohsngew shaphang U Trai U Blei jong phi. Ngi la ïohsngew ïa kaei kaei baroh kaba u la leh ha Ijipt

1 SAMUEL 4:7

ki la sheptieng, bad ki ong, “U blei u la wan poi ha dara jong ki! Ngi la shahjop! Kum kane kam pat ju jia ha ngi mynno mynno!

1 SAMUEL 4:8

Uei keiñ uba lah ban pyllait ïa ngi na kine ki blei kiba khlaiñbor? Kine ki dei kita ki blei kiba la shoh ïap ïa ki Ijipt ha ka ri shyiap!