EKSODOS 15:13 - Khasi CL Bible (BSI)

¹³ Me bat ïa la ka kular, me la ïalam noh ïa ki briew kiba me la pyllait im; da ka bor jong me, me la btin ïa ki sha ka ri kaba kyntang jong me.

KA BAIBL

¹³ “Da la ka jingisynei me la ïalam noh ïa uta u paidbah ïa uba me la siewspah: me la btin ïa ki ha ka bor jong me sha ka jaka shongneh ka jingkhuid jong me.

EKSODOS 15:13 ပူးပေါင်းရင်းမြစ်များ

JENESIS 19:16

U Lot u leh tud pynban. Hynrei U Trai u la leh-isynei ïa u; kumta kita ki rangbah ki shim ïa u, ïa ka tnga jong u, bad ïa ki ar ngut ki khun kynthei jong u na ka kti bad ki la ïalam noh ïa ki shabar kata ka nongbah.

2 SAMUEL 15:25

Nangta u syiem u ong ha u Sadok, “Khie leit rah biang ïa ka Synduk ka Jutang sha ka nongbah. Lada U Trai u sngewbha ïa nga, shisien ka sngi un shah ba ngan wan biang ban ïohi ïa ka bad ïa ka jaka ha kaba ka don.

NEHEMAÏAH 9:12

Da u lyoh me ïalam ïa ki ha ka por mynsngi, bad mynmiet me pynshai ïa ka lynti jong ki da ka ding.

SALM 106:9

U la ai hukum ïa ka Duriaw Basaw bad ka rkhiang; u ïalam ïa ki briew jong u sha shiliang halor ka khyndew ba-rkhiang.

SALM 74:2

To kynmaw ïa ki briew jong me, kiba me la jied na ka bynta ïa lade la slem bah, kiba me la wallam na ka jinglongmraw ban long ka jait ka jong me hi. To kynmaw ïa u lum Seïon, ha kaba shisien me la shong.

SALM 77:20

Me la ïalam ïa la ki briew kum u nongap langbrot, ha ka jingkhmih u Moses bad u Aaron.

SALM 78:35

Ki la kynmaw ba U Blei u long u nongïada jong ki, ba U Badonbor Baroh u la wan ïarap ïa ki.

SALM 80:1

To shahshkor ïa ngi, ko Nongap langbrot ka Israel; to sngew ïa ngi, ko nongïalam jong ka kynhun langbrot jong me. Me uba la shong halor ka khet halor jong ki kherub,

EKSODOS 15:16

Ka jingshyrkhei bad ka jingkhuslai ki wan hap halor jong ki. Ki ïohi ïa ka bor jong me, ko Trai, ki ïeng khlem lait kren da ka jingtieng, tad haduh ba ki briew jong me ki la ïaid lait sha shiliang — ki briew kiba me la pyllaitluid na ka jinglongmraw.

EKSODOS 15:17

Me wan ïalam ïa ki shapoh bad me buh ïa ki ha u lumbah jong me, ha ka jaka kaba me, ko Trai, me la jied na ka bynta ka ïing jong me, ka Templ kaba me hi me la tei.

EKSODOS 20:2

“Nga long U Trai U Blei jong phi uba la wan ïalam ïa phi na ka ri Ijipt, ka ri ha kaba phi la long ki mraw.

EKSODOS 6:6

Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

ISAÏAH 51:10

Dei ma me ruh uba la pynrngad ïa ka duriaw bad pynlong ka lynti ïaid lyngba ki um, khnang ba kito kiba me pyllait im kin ïoh ïaid lyngba.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 63:9

Ym dei u angel, hynrei dei U Trai hi uba pyllait im ïa ki. Ha ka jingieit bad ka jingisynei jong u, u la pyllait ïa ki. U la ju sumar ïa ki borabor ha ki por kiba mynshuwa,

JEREMAÏAH 2:6

Kim shym salia ïa nga, wat haba nga la pyllait ïa ki na Ijipt bad ïalam ïa ki lyngba ka ri khlaw: Ka jaka ki ri shyiap bad ki thliew shyiap, ka ri kaba tyrkhong bad kaba ma ha kaba ym don mano mano bashong basah bad ba ym don mano mano wat ban ïaid lyngba.

EPHESOS 2:4

Hynrei ka jingisynei U Blei ka shlei katta katta, bad ka jingieit jong u ïa ngi ka long kaba khraw katta katta,

1 PETROS 1:5

Ki long na ka bynta jong phi, kiba da ka jingngeit la ri kyndong da ka bor U Blei ïa ka jingpynim kaba la pynkhreh ban sa pynpaw ha kaba kut jong ka por.