EKSODOS 15:11 - Khasi CL Bible (BSI)

¹¹ “Ko Trai, uei uba kat ma me hapdeng ki blei? Uei keiñ uba kum ma me, uba phylla ha ka jinglongkhuid? Uei uba lah ban leh ki kambah bad ki kamphylla kum ma me?

KA BAIBL

¹¹ “Uei uba kat ma me, A Trai, hapdeng ki blei? uei uba kat ma me uba tyngshaiñ ha ka jingkhuid, uba itieng ha ki jingïaroh, uba leh ïa ki kam phylla?

EKSODOS 15:11 ပူးပေါင်းရင်းမြစ်များ

2 SAMUEL 7:22

Katno me long uba khraw; A Trai Nongsynshar! Ym don uwei pat uba kum ma me, ngi la ju tip ba dei tang ma me hi uba long U Blei.

1 SYIEM 8:23

bad u duwai, “A Trai U Blei ki Israel, ym don U Blei uba kum ma me ha bneng shajrong ne ha khyndew shapoh! Me bat ïa ka jutang bad me pynpaw ïa la ka jingieit ha la ki jong ki briew kiba kohnguh ïa me naduh ka mynsiem.

1 KHRONIKL 16:25

U Trai u long uba khraw bad uba eh dei ban ïaroh; ïa u dei ban ai ka burom palat ban ïa kiwei ki blei baroh.

2 KHRONIKL 2:5

Nga thmu ban tei ka Templ kaba khraw, namar U Blei jong ngi u kham khraw ban ïa uno uno uwei pat u blei.

2 KHRONIKL 6:14

U duwai, “A Trai, U Blei ki Israel, ym don U Blei uba kum ma me ha ka bneng lane ha ka pyrthei baroh. Me bat ïa la ka jutang bad ki briew jong me bad me pynpaw ïa ka jingieit jong me haba ki im ha ka jingkohnguh ïa me da la ka mynsiem baroh.

SALM 113:5

Ym don uno uno uba kum U Trai U Blei jong ngi. U shong ha kiba kynjang shajrong,

SALM 119:120

Namar jong me nga sheptieng; la pyndap ïa nga da ka jingtieng namar ki jingbishar jong me.

SALM 136:4

Tang ma u hi u leh ïa ki kambah bakhraw; ka jingieit jong u ka neh bymjukut.

SALM 145:17

U Trai u long uba hok ha baroh kaba u leh, uba isynei ha baroh ki jingleh jong u.

SALM 22:23

“To ïaroh ïa u, phi ki shakri jong U Trai! Pyndonburom ïa u, phi ki khun ki ksiew jong u Jakob! To mane ïa u, phi ki paid Israel!

SALM 35:10

Da ka dohnud jong nga baroh ngan ong ha U Trai, “Ym don uno uno kum ma me, me ïada ïa uba tlot na uba khlaiñ, ïa uba duk na u nongbanbeiñ.”

SALM 60:2

Me la pynlong ïa ka ri ban kyiuh, bad me la ot rynghang ïa ka; mynta to pynkhiah ïa ki jingmong jong ka, namar ka la sdang ban twa.

SALM 66:5

To wan bad peit aïu U Blei u la leh, ki kam baphylla jong u hapdeng ki briew.

SALM 77:11

Ngan kynmaw ïa ki kam bakhraw jong me, A Trai; ngan kynmaw pat ïa ki jingphylla kiba me la leh ha ki por mynbarim.

SALM 77:14

Me long U Blei uba leh ki kambah; me la pyn-i ïa ka bor jong me hapdeng ki jaitbynriew.

SALM 77:19

Me la ïaid lyngba ki jingat phyllung; me la jam ïa ka duriaw kaba jylliew, hynrei ïa ki dien'jat jong me ym lah ban ïohi.

SALM 86:10

Me long uba donbor bad me leh ïa kiei kiei kiba phylla, tang ma me hi me long U Blei.

SALM 86:8

Ym don u blei kum ma me, A Trai, ym don uba leh kum kaei kaba me la leh.

SALM 89:18

Ma me, A Trai, me la jied ïa u nongïada jong ngi; ma me, U Blei Uba Khuid jong ki Israel, me la ai ha ngi ïa u syiem jong ngi.

SALM 90:11

Uei uba sngew ïa ka borbah ka jingbitar jong me? Uei uba tip kaei ka jingsheptieng ba ka jingbitar shla jong me kan wallam?

EKSODOS 18:11

Mynta nga tip ba U Trai u kham khraw ban ïa ki blei baroh, namar u la leh ïa kane mynba ki nong Ijipt ki la lehbeiñ shaba palat ïa ki Israel.”

EKSODOS 20:3

“Wat mane ïa uwei pat u blei hynrei tang ïa nga.

EKSODOS 3:20

Hynrei ngan pyn-i ïa la ka bor bad ngan pynshitom ïa ka ri Ijipt da kaba leh hangta ïa kiei kiei kiba shyrkhei. Hadien kata un sa shah ba phin leit.

EKSODOS 8:10

U Pharaoh u jubab, “Duwai na ka bynta jong nga la shai.” U Moses u ong, “Ngan leh kumba phi ong, ba phin ïoh tip ba ym don mano mano ruh uba kum U Trai U Blei jong ngi.

EKSODOS 8:6

Kumta u Aaron u rah ïa la u diengduh halor kita ki um; te ki jakoid ki ïamih bad ki tap lin ïa kata ka ri.

EKSODOS 9:14

Naba ha kane ka kynti ngan pynshitom ym tang ïa ki rangbah synshar bad ïa ki briew jong me, hynrei ïa me hi ruh, khnang ba men ïoh tip ba ym don uba kum ma nga ha ka pyrthei baroh.

ISAÏAH 30:11

Wat ïeng ha ka lynti jong ngi bad wat kah ïa ka lynti ïaid jong ngi. Ngim kwah ban ïohsngew shaphang U Blei Bakhuid jong phi ki Israel.”

ISAÏAH 40:18

Badno lah ban nujor ïa U Blei? Kumno phi lah ban batai kaei ba u long?

ISAÏAH 40:25

Badno lah ban ïanujor ïa U Blei bakhuid? Don uno uno ba kum ma u?

ISAÏAH 46:9

To kynmaw ïa kaei kaba la jia la slem bah; to pdiang ba tang ma nga, nga long U Blei bad ym don uwei pat kum ma nga.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 6:3

Ki ïa-pyrta uwei ïa uwei pat: “Bakhuid, Bakhuid, Bakhuid! U Trai Badonbor Baroh u long uba khuid! Ka burom jong u ka pyndap ïa ka pyrthei.”

JEREMAÏAH 10:16

U Blei jong u Jakob um long kum ma ki; u long uta uba thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

JEREMAÏAH 49:19

Kum u sing uba wan mih na ki khlaw barben artet ïa ka Jordan haduh ki jaka phlang bajyrngam, ngan wan bad ban pynlong ïa ki nong Edom ban phet krad kyndit na ka ri jong ki. Nangta u nongïalam uba nga jied un synshar ïa ka hima. Uno uba lah ban ïanujor bad nga? Uno uba nud ban ïakob bad nga? Uei u nongsynshar uba lah ban ïeng pyrshah ïa nga?

LEBITIKOS 19:2

“Long kiba khuid, namar nga, U Trai U Blei jong phi, nga long uba khuid.

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

LOUKAS 12:5

Ngan pyn-i ha phi ïano ban sheptieng: To sheptieng ïa U Blei, uba, hadien ka jingpynïap, u don ka bor ban bret sha ka dujok. To ngeit ïa nga, u long ma u uta uba phi dei ban sheptieng!

DEUTERONOMI 1:30

U Trai U Blei jong phi un ïalam ïa phi, bad un ïaleh na ka bynta jong phi, kumba phi la ïohi ïa u ba u leh ha Ijipt

DEUTERONOMI 3:24

‘Ko Trai Nongsynshar, me la pyn-i ha la u shakri dang tang ïa kaba sdang jong ki kam kiba khraw bad kiba phylla jong me. Ym don blei ha bneng ne ha khyndew uba lah ban leh ïa ki kam kiba khraw kiba me, me la leh!

DEUTERONOMI 33:26

Ko Israel, ym don u blei uba kum U Blei jong phi, Uba ïaid ha ka burom ha sahit bneng, Uba ïaid ha ki lyoh ban wan ïarap ïa phi.

DEUTERONOMI 4:34

Ju don mo u blei uba nud ban leit shim ïa ka jaitbynriew napdeng kawei pat ka jaitbynriew bad pynlong ïa ka, ka jong u hi, kumba U Trai U Blei jong phi u la leh ïa phi ha Ijipt? Phi la ïohi da la ki khmat ba u la pyndonkam ïa la ka borbah; u la wallam ïa ki khlam bad ïa ka thma, u la leh ïa ki kambah bad ki kamphylla, bad u la pynjia ïa kiei kiei kiba ishyrkhei.

JINGPYNPAW 13:4

Uwei pa uwei u la mane ïa u Ïakjakor namar ba u la ai ïa la ka bor synshar ha uta u mradkhlaw. Ki la mane ruh ïa uta u mradkhlaw, bad ki la ong, “Uei uba kum u mradkhlaw? Uei uba lah ban ïaleh pyrshah ïa u?”

JINGPYNPAW 15:4

Uei u ban ym ïeng ha ka jingtiengburom ïa me, A Trai? Uei u ban kyntait ban pynbna ïa ka jingkhraw jong me? Tang ma me hi uba khuid. Baroh ki jaitbynriew kin wan bad mane ïa me, namar ïa ki jingleh bahok jong me la ïohi da baroh.”

JINGPYNPAW 4:8

Baroh kita ki saw tylli ki jingthaw ba-im, ki don mar hynriew tylli ki thapniang, bad ïa ki la tap da ki khmat, shapoh bad shabar. Mynsngi bad mynmiet kim ju sangeh noh na kaba rwai: “Bakhuid, bakhuid, bakhuid, long U Trai U Blei Badonbor Baroh, Uba la long, uba long bad u ban sa wan.”

1 SAMUEL 2:2

“Ym don uba khuid kum U Trai; ym don uba kum ma u, ym don nongïada uba kum U Blei jong ngi.