EKSODOS 15:1 - Khasi CL Bible (BSI)

¹ Nangta u Moses bad ki Israel ki rwai ïa kane ka jingrwai ha U Trai: “Ngan rwai ha U Trai namar ka jingjop kaba khraw jong u; sha duriaw u la bret ïa ki kulai bad ki nongshong kulai.

KA BAIBL

¹ Ynda kumta, u Moses bad ki khun Israel ki la ïarwai ïa kane ka jingrwai ha U Trai, bad ki la kren, da kaba ong, “Ngan rwai ha U Trai, naba u la jop da ka burom bakhraw: ïa u kulai bad la u nongshong kulai u la bred sha ka duriaw.

EKSODOS 15:1 ပူးပေါင်းရင်းမြစ်များ

NEHEMAÏAH 9:11

Lyngba ka duriaw me pynlong ka lynti ïaid na ka bynta ki briew jong me bad me ïalam ïa ki lyngba ka khyndew ba-rkhiang. Ïa kito kiba beh ïa ki, me pynïap jyllop ha ka um bajylliew, kum u maw uba ngam ha ka duriaw ba-atphyllung.

Ka Kitab U Job 36:24

La ïai ïaroh ïa u namar kaei kaba u leh; phi ruh phi dei ban ïaroh ïa u.

SALM 105:43

Kumta u ïalam noh ïa ki briew ba la jied jong u, bad ki rwai bad pyrta da ka jingkmen.

SALM 106:12

Te ki briew jong u ki la ngeit ïa ki kular jong u bad ki rwai ki jingïaroh ïa u.

SALM 107:15

Ki dei ban sngewnguh ïa U Trai na ka bynta ka jingieit baneh jong u, na ka bynta kiei kiei kiba phylla kiba u la leh na ka bynta jong ki.

SALM 107:8

Ki dei ban sngewnguh ïa U Trai na ka bynta ka jingieit baneh jong u, na ka bynta kiei kiei kiba phylla kiba u la leh ïa ki.

SALM 32:7

Me long ka jakarieh jong nga; men pyllait im ïa nga na ka jingjynjar; nga rwai jam ïa ka jingpynim jong me, namar ba me ïada ïa nga.

SALM 76:6

Haba me byrngem ïa ki, A Blei jong u Jakob, ki kulai bad ki nongshong jong ki, ki kyllon ïap.

SALM 76:7

Hynrei ïa me, A Trai, baroh ki sheptieng. Ym don mano mano ba lah ban ïeng ha ka jingdon ryngkat jong me haba me bitar.

EKSODOS 14:26

U Trai u la ong ha u Moses, “Kner ïa la ka kti halor ka duriaw khnang ba ki um kin ïadait biang bad tyllep ïa ki nong Ijipt bad ïa ki kali ïapom jong ki, bad ïa ki nongñiah.”

EKSODOS 14:27

Kumta u Moses u kner ïa la ka kti halor ka duriaw, bad haba ka la kynjat shai ka duriaw ka dap biang kumba mynshuwa. Ki nong Ijipt ki la pyrshang ban lait im na ka um, hynrei U Trai u la bret ïa ki sha ka duriaw.

EKSODOS 15:21

Ka Miriam ka la rwai na ka bynta jong ki: “To rwai ha U Trai namar ba u la jop ka jingjop badonburom; u la bret ïa ki kulai bad ïa ki nongshong jong ki sha ka duriaw.”

EKSODOS 18:11

Mynta nga tip ba U Trai u kham khraw ban ïa ki blei baroh, namar u la leh ïa kane mynba ki nong Ijipt ki la lehbeiñ shaba palat ïa ki Israel.”

PROBERB 29:6

Ki briew basniew ki ngat ha la ki jong ki pop, katba ki briew bahok ki kmen bad ki laitluid.

ISAÏAH 42:10

To rwai ka jingrwai bathymmai ïa U Trai; rwai ïa ka jingïaroh jong u, ko ka pyrthei baroh! ïaroh ïa u, phi kiba ïaid lynti ha duriaw; ïaroh ïa u, ko ki jingthaw baroh ka duriaw! Rwai, phi ki ri bajngai bad baroh kiba shong hangta.

JEREMAÏAH 51:21

ban pynkhynñiuh ïa ki kulai bad ïa ki nongshong kulai, ban pynkhynñiuh ïa ki kali ïapom bad ïa ki nongñiah jong ki,

HOSIA 2:17

Ngan ym shah shuh ba kan dang kren ïa ka kyrteng u Baal.

HABAKKUK 3:18

Ngan ïai lehkmen bad shadkmen, namar U Trai U Blei u long u nongpynim jong nga.

JINGKHEIÑ 21:17

Te ki Israel ki rwai ïa kane ka jingrwai: “Ko ki pukri, pynkyrsoi ïa ka um jong phi, Da ka jingrwai ngin pdiang sngewbha ïa ka.

KOLOSSAI 2:15

Bad halor kata ka diengphna, U Khrist u la pyllaitluid ïa lade na ka bor jong ki nongsynshar ba kynja mynsiem bad na ki bor synshar; u la pynlong ka jingthadrong ïa ki da kaba ïalam ïa ki kum ki mraw ha ka jingïaid paidbah kaba jop jong u.

JINGPYNPAW 15:3

bad ki da rwai ïa ka jingrwai u Moses, u shakri jong U Blei, bad ïa ka jingrwai U Khunlangbrot: “U Trai uba U Blei Badonbor Baroh, katno kiba khraw bad kiba phylla long ki kam jong me! U Syiem jong ki jaitbynriew, katno kiba dei bad kiba shisha ki long lynti jong me!