EKSODOS 14:4 - Khasi CL Bible (BSI)

⁴ Ngan pynmutlop ïa u, bad un sa wan thwet nadien jong phi; bad kumta ka jingjop jong nga ïa u Pharaoh bad ka kynhun shipai jong u kan long ka burom ïa nga. Te ki nong Ijipt kin sa tip ba nga long U Trai.” Ki Israel ki leh kumba la hukum ïa ki.

KA BAIBL

⁴ Bad nga ngan pyneh ïa ka dohnud u Pharaoh, ba un beh nadien jong ki; kumta, ngan ïoh burom halor u Pharaoh, bad halor ki paidïapom jong u baroh; ba ki Ijipt kin ïoh tip ba nga, nga long U Trai.” Te ki la leh kumta.

EKSODOS 14:4 ပူးပေါင်းရင်းမြစ်များ

NEHEMAÏAH 9:10

Me pynjia ki kambah baphylla pyrshah ïa u Pharoah, pyrshah ïa ki rangbah synshar ki briew jong ka ri jong u, namar me tip kumno ki la banbeiñ ïa ki briew jong me. Me la jop ha kata ka por, ka nam kaba me dang don ha kane ka sngi.

EKSODOS 10:2

bad ba phi lah ban ïathuh ha ki khun ki ksiew jong phi kumno nga la pynpaw bieit ïa ki nong Ijipt haba nga leh ïa kine ki kambah. Phi baroh phin tip ba nga long U Trai.”

EKSODOS 10:27

U Trai u la pynmutlop ïa u Pharaoh, bad um shym la shah ïa ki ban leit.

EKSODOS 12:28

Nangta ki la leit bad leh kumta kumba U Trai u la hukum ïa u Moses bad u Aaron.

EKSODOS 14:23

Ki nong Ijipt ruh ki la beh kthong ïa ki bad ki la leit nadien jong ki sha ka duriaw lem bad ki kulai, ki kali ïapom bad ki nongñiah.

EKSODOS 14:25

U la pynsahkut ïa ki shalyntem jong ki kali ïapom jong ki, bad kumta ki la ïaid da kaba shitom eh. Ki nong Ijipt ki la ong, “U Trai u ïaleh pyrshah ïa ngi na ka liang ki Israel. Ïa ngin ïaphet noh nangne.”

EKSODOS 14:3

U Pharaoh un sa tharai ba ki Israel ki la phet sakma bad ba ki la shah khang kut ha ka ri shyiap.

EKSODOS 14:5

Haba la ïathuh ha u Pharaoh ba uta u paidbah u la phet, ma u bad ki rangbah synshar jong u ki kylla ka jingmut jong ki, bad ki la ong, “Ngi la leh aïu? Ngi la shah ïa ki Israel ba kin phet noh, bad ngi la duh ïa ki kum ki mraw jong ngi!”

EKSODOS 14:8

U Trai u la pynmutlop ïa u Pharaoh, bad une u la beh kthong ïa ki Israel, kiba la mihnoh da ka jingjop.

EKSODOS 18:11

Mynta nga tip ba U Trai u kham khraw ban ïa ki blei baroh, namar u la leh ïa kane mynba ki nong Ijipt ki la lehbeiñ shaba palat ïa ki Israel.”

EKSODOS 6:7

Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

EKSODOS 7:17

Mynta te, ko Syiem Kynrad, U Trai u ong ba phin sa tip u long uei da kaei kaba un sa leh. Ha khmih, ngan tied ïa ka sla um da une u diengduh, bad ka um kan kylla snam.

EKSODOS 7:3

Hynrei ngan pynmutlop ïa u Pharaoh, bad un ym shahshkor ïa me, kam pher katno kiei kiei kiba shyrkhei ba nga leh ha ka ri Ijipt. Nangta ngan wallam ka jingpynshitom kaba tyngeh ha ka Ijipt bad ngan ïalam ïa ki jait jong ki briew jong nga na ka ri Ijipt.

EKSODOS 7:5

Te ki nong Ijipt kin tip ba nga long U Trai, haba nga rah ïa la ka kti pyrshah ïa ki bad ïalam noh ïa ki Israel na ka ri jong ki.”

EKSODOS 9:16

Hynrei ban pyn-i ha me ïa ka bor jong nga, nga la shah ba men dang im, khnang ba yn ïoh pynbna ïa ka kyrteng jong nga ha ka pyrthei baroh kawei.

ESEKIEL 20:9

Hynrei ngam shym la leh kumta, naba kata kan wallam ka jingjahburom ïa ka kyrteng jong nga, namar ha ka jingdon ryngkat jong ki briew ha kiba hapdeng jong ki, ki shong ki sah nga la lah pynbna ha ki Israel ba nga ngan ïalam noh ïa ki na Ijipt.

ESEKIEL 28:22

Ïathuh ïa ki briew hangta ïa kaei kaba ma nga, U Trai Nongsynshar, nga ong shaphang jong ki: Nga long u nongshun jong pha, ko Sidon; ki briew kin ïaroh ïa nga namar kaei kaba nga leh ïa pha. Kin ïoh tip ba nga long U Trai, haba nga pyn-i katno uba khuid nga long da kaba pynshitom ïa kito kiba im hapdeng jong pha.

ESEKIEL 32:15

Ynda nga la pynlong kynjah ïa ka Ijipt bad pynjot noh ïa baroh kiba shong ha ka, kin sa tip ba nga long U Trai.

ESEKIEL 38:16

Men sa tur ïaleh ïa ki briew jong nga ki Israel kum ka 'erïong kaba beh halor ka ri. Haba ka por ka poi, ngan phah ïa me ban hiarthma ïa ka ri jong nga, khnang ban pyn-i ha ki jaitbynriew uei nga long, ban pyn-i ïa ka jinglongkhuid jong nga da kaei kaba nga leh lyngba jong me.

ESEKIEL 38:23

Ha kane ka rukom ngan pyn-i ïa baroh ki jaitbynriew ba nga long uba khraw bad uba khuid. Kin sa tip, te, ba nga long U Trai.”

ESEKIEL 39:13

Uwei pa uwei ha ka ri un ïarap lang ha kaba tep ïa ki, bad ïa ki yn ai burom na ka bynta kane, ha ka sngi jong ka jingjop thiaw jong nga. Ma nga, U Trai Nongsynshar, nga la kren.

LEBITIKOS 10:3

Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

Ka Shithi U Paul Sha Ki Nong Rom 11:8

Kumba ka Jingthoh Bakhuid ka ong, “U Blei u la pynluin ïa ki jingmut bad ki dohnud jong ki, haduh kane hi ka sngi kim lah ban ïohi ne ïohsngew.”

Ka Shithi U Paul Sha Ki Nong Rom 9:17

Naba ka Jingthoh Bakhuid ka ong ïa u syiem ka Ijipt, “Nga la pynlong syiem ïa me khnang ban pyndonkam ïa me ban pyn-i ïa ka bor jong nga bad ban pynphriang ïa ka nam jong nga ha ka pyrthei baroh kawei.”

Ka Shithi U Paul Sha Ki Nong Rom 9:18

Kumta te, U Blei u isynei ïa uno uno uba u kwah, bad u pyneh dohnud ïa uno uno uba u kwah.

JOSHUA 11:20

U Trai u la pynlong ïa ki ban kut jingmut ban ïaleh ïa ki Israel, ba kumta kin shah pynrem sha ka jingpynjot thiaw bad ba baroh kin shah pynïap khlem ka jingisynei. Kane ka long kaba U Trai u la hukum ïa u Moses.

NONGBISHAR 4:7

Ngan wallam ïa u Sisera, u rangbah ai hukum jong ka kynhun shipai jong u Jabin, ban ïaleh pyrshah ïa phi ha ka wah Kishon. Un don ki kali ïapom bad ki shipai, hynrei ngan ai ha me ka jingjop halor jong u.’ ”