EKSODOS 14:31 - Khasi CL Bible (BSI)

³¹ Haba ki Israel ki ïohi ïa ka borbah da kaba U Trai u jop ïa ki Ijipt, ki la ïeng da kaba tiengburom ïa U Trai; bad kumta ki la shaniah ha U Trai bad ha u Moses u shakri jong u.

KA BAIBL

³¹ Te ki Israel ki la ïohi ïa kata ka kambah ka bakhraw kaba U Trai u la leh halor kita ki Ijipt, bad uta u paidbah u la sheptieng ïa U Trai: bad ki la ngeit ruh ha U Trai bad ha u Moses u shakri jong u.

EKSODOS 14:31 ပူးပေါင်းရင်းမြစ်များ

2 KHRONIKL 20:20

Dang step eh, ha ka sngi kaba bud, u paidbah u mih ban leit sha ka ri khlaw hajan Tekoa. Katba ki dang sdang leit, u Jehoshaphat u kren ïa ki da kine ki ktien: “Ko ki briew ka Judah bad Jerusalem! Buh ïa ka jingngeit jong phi ha U Trai U Blei jong phi, bad phin long skhem. Ngeit ïa kaei kaba ki nongïathuhlypa ki ong ïa phi bad phin jop.”

NEHEMAÏAH 9:9

“Me ïohi kumno ki kpa tymmen ki la shahshitom ha Ijipt; me ïohsngew ïa ka jingkhot jong ki na ka bynta ka jingïarap ha ka Duriaw Basaw.

SALM 119:120

Namar jong me nga sheptieng; la pyndap ïa nga da ka jingtieng namar ki jingbishar jong me.

EKSODOS 19:9

U Trai u ong ha u Moses, “Ngan wan ha me ha u lyoh uba rben, khnang ba u paidbah un ïohsngew ïa nga ba nga ïakren bad me, bad un sa ngeit ïa me naduh mynta.” U Moses u la ïathuh ha U Trai ïa ka jubab jong uta u paidbah,

EKSODOS 4:31

Ki paidbah ki la ngeit, bad haba ki ïohsngew ba U Trai u la wan sha ki bad ba u la ïohi kumno ki la shah lehbeiñ tyngeh, ki la nguh la dem bad ki la ïamane ruh.

LOUKAS 8:13

Ki symbai kiba hap halor ka jaka maw ki ïeng na ka bynta kito kiba ïohsngew ïa ka khubor bad kiba pdiang ïa ka da kaba kmen. Hynrei kam shym ngam jylliew hapoh jong ki; ki ngeit tang shipor hynrei haba ka por jingtynjuh ka wan poi, ki hap noh.

ÏOANNIS 11:45

Bun na ki briew kiba la wan jngoh ïa ka Mari ki la ïohi ïa kaei kaba U Jisu u la leh, bad ki la ngeit ha u.

ÏOANNIS 2:11

U Jisu u la leh ïa kane ka kambah kaba nyngkong ha Kana ha Galilaïa; hangta, u la pynpaw ïa ka burom jong u, bad ki synran jong u ki la ngeit ha u.

KI KAM 8:13

U Simon hi ruh u la ngeit; bad hadien ba la pynbaptis ïa u, u la bud ha kti ha kjat ïa u Philip bad u la sngewlyngngoh haba u la ïohi ïa ki kamphylla bad ki kambah ïa kiba la leh.

HEBRU 3:5

U Moses u long uba lah ban shaniah ha ka ïing U Blei kum u shakri, bad u kren ïa kiei kiei kiba U Blei un sa kren ha ki por ki ban sa wan.

JOSHUA 24:7

Hynrei haba ki kpa tymmen jong phi ki poi ha Duriaw Basaw, ki la kyang sha nga ban ïoh jingïarap, bad nga la buh ïa ka jingdum hapdeng jong ki bad ki nong Ijipt. Nga la pynlong ïa ka duriaw ba kan tyllep halor ki nong Ijipt bad pynïap jyllop ïa ki. Phi tip kaei kaba nga la leh ïa ka Ijipt. “ ‘Phi la im slem bha ha ka ri shyiap.

JOSHUA 4:14

Kaei kaba U Trai u la leh ha kata ka sngi, ka la pynlong ïa ki paid Israel ban ñiew ïa u Joshua u riewkhraw. Ki burom ïa u shi lynter ka jingim jong u, kumba ki la burom ïa u Moses.

JOSHUA 4:24

Namar kane, uwei pa uwei ha ka pyrthei un tip haduh katno ka bor jong U Trai ka long kaba khraw, bad ba phin burom ïa U Trai U Blei jong phi junom.”

1 SAMUEL 12:16

Mynta, namar kata, ïeng thik hangto, bad phin ïohi ïa ka kam kaba khraw ïa kaba U Trai un leh ha khmat jong phi.

1 SAMUEL 12:18

Kumta u Samuel u la duwai, bad U Trai u phah ïa u pyrthat bad u slap ha kata ka sngi. Te uta u paidbah baroh u la sheptieng ïa U Trai bad ïa u Samuel,