EKSODOS 14:29 - Khasi CL Bible (BSI)

²⁹ Hynrei ki Israel ki ïaid lyngba ïa ka duriaw ha ka khyndew kaba rkhiang, katba ki um ki ïeng kum ki kynroh na baroh arliang.

KA BAIBL

²⁹ Hynrei, ki khun Israel ki la ïaid ryngkew hapdeng kata ka duriaw, kita ki um ruh ki la long kum ka kynroh ïa ki sha kamon, bad sha kadiang jong ki de.

EKSODOS 14:29 ပူးပေါင်းရင်းမြစ်များ

2 SYIEM 2:8

Nangta u Elijah u shim ïa ka jaiñkup jong u, u kli ïa ka, bad u tied ïa ka um da ka; ka um ka la kad arliang, bad ma u lem bad u Elisha ki la jam sha shiliang ha ka dewryngkhiang.

NEHEMAÏAH 9:11

Lyngba ka duriaw me pynlong ka lynti ïaid na ka bynta ki briew jong me bad me ïalam ïa ki lyngba ka khyndew ba-rkhiang. Ïa kito kiba beh ïa ki, me pynïap jyllop ha ka um bajylliew, kum u maw uba ngam ha ka duriaw ba-atphyllung.

SALM 106:9

U la ai hukum ïa ka Duriaw Basaw bad ka rkhiang; u ïalam ïa ki briew jong u sha shiliang halor ka khyndew ba-rkhiang.

SALM 136:13

U la kad arliang ïa ka Duriaw basaw, ka jingieit jong u ka neh bymjukut;

SALM 78:13

U la kad arliang ïa ka duriaw bad u la ïalam ïa ki lyngba jong ka; u la pynlong ïa ki um ban ïeng kum ki kynroh.

EKSODOS 14:22

Ïa ki um la kad arliang, bad ki Israel ki ïaid lyngba ïa kata ka duriaw ha ka khyndew kaba rkhiang, katba kita ki um ki long kum ki kynroh ha baroh arliang.

EKSODOS 15:19

Ki Israel ki la ïaid lyngba ïa ka duriaw ha ka khyndew kaba rkhiang. Hynrei haba ki kali ïapom jong ki nong Ijipt lem bad ki kulai bad nongñiah ki leit shapoh ka duriaw, U Trai u pynïadait pat ïa ka um bad ka la tyllep ïa ki.

EKSODOS 15:8

Me la pyrsad ïa ka duriaw bad ka um ka kynton shajrong eh; ka ïeng beit thik kum ka kynroh; ka bynta bajylliew tam jong ka duriaw ka kylla eh.

ISAÏAH 11:15

U Trai un pynrngad ïa ka Sues, ka khmut duriaw, bad un wallam ka lyer khluit ban pynrngad ïa ka Ïuphratis, da kaba iehnoh ïa ki hynñiew tylli ki wahduid, khnang ba uno uno u lah ban ïaid sha shiliang.

ISAÏAH 43:2

Haba phi ïaid lyngba ïa ki um bajylliew, ngan long ryngkat bad phi; ki jingeh kin ym tyllep ïa phi. Haba phi ïaid lyngba ka ding, phin ym ing; ki jingtynjuh ba-eh kiba wan kin ym pynmynsaw ïa phi.

ISAÏAH 51:10

Dei ma me ruh uba la pynrngad ïa ka duriaw bad pynlong ka lynti ïaid lyngba ki um, khnang ba kito kiba me pyllait im kin ïoh ïaid lyngba.

ISAÏAH 51:13

Hato phi la klet ïa U Trai uba la thaw ïa phi, uba pynïar ïa ki bneng bad uba pynïeng ïa ki nongrim ka pyrthei? Balei phi im ha ka jingïai-sheptieng ïa ka jingbitar shla jong kito kiba banbeiñ ïa phi, jong kito kiba long ba la kloi ban pynjot ïa phi? Ka jingbitar shla jong ki kam lah shuh da lei lei ban ktah ïa phi.

1 KORINTH 10:1

Nga kwah ïa phi ban kynmaw, ko parabangeit jong nga, ïa kaei kaba la jia ïa ki kpa tymmen jong ngi kiba la bud ïa u Moses. Baroh ki la don hapoh ka jingïada jong u lyoh, bad baroh ki la ïaid lyngba ïa ka Duriaw Basaw.

JOSHUA 3:16

ka um ka sangeh ban tuid bad ka lang shi jaka, kham jngai na kaba wan tuid ha Adam, ka nongbah hajan ka Sarethan. Ïa ka jingtuid jong ka arsut sha ka Duriaw Baïap la pyndkut, bad u paidbah u la lah ban jam sha shiliang hajan ka Jerikho.