EKSODOS 14:27 - Khasi CL Bible (BSI)

²⁷ Kumta u Moses u kner ïa la ka kti halor ka duriaw, bad haba ka la kynjat shai ka duriaw ka dap biang kumba mynshuwa. Ki nong Ijipt ki la pyrshang ban lait im na ka um, hynrei U Trai u la bret ïa ki sha ka duriaw.

KA BAIBL

²⁷ Te haba u Moses u la kner noh ïa la ka kti halor ka duriaw, te kata ka duriaw ka la wan phai pat ha la ka bor hamar kaba mynstep; te ki Ijipt ki la phet ïap pyrshah ïa ka; bad U Trai u la kynther noh ïa kita ki Ijipt hapdeng ka duriaw

EKSODOS 14:27 ပူးပေါင်းရင်းမြစ်များ

NEHEMAÏAH 9:11

Lyngba ka duriaw me pynlong ka lynti ïaid na ka bynta ki briew jong me bad me ïalam ïa ki lyngba ka khyndew ba-rkhiang. Ïa kito kiba beh ïa ki, me pynïap jyllop ha ka um bajylliew, kum u maw uba ngam ha ka duriaw ba-atphyllung.

SALM 106:11

Hynrei ka um ka la pynngam jyllop ïa ki nongshun jong ki; ym don uwei ruh na ki uba lait.

SALM 136:15

hynrei u la pynngam jyllop ïa u syiem ka Ijipt bad ïa ka kynhun shipai jong u; ka jingieit jong u ka neh bymjukut.

SALM 78:53

U la ïalam ïa ki ha ka jingshngain, bad kim shym la sheptieng; hynrei ka duriaw ka la wan tyllep halor ki nongshun jong ki.

ISAÏAH 10:26

Ma nga, U Trai Badonbor baroh, ngan sympat ïa ki da u shabuk jong nga kumba nga la sympat ïa ki briew jong ka Midian ha u Mawsiang Oreb. Ngan pynshitom ïa ka Assyria kumba nga la pynshitom ïa ka Ijipt.

DEUTERONOMI 11:4

Phi la ïohi kumno U Trai u la pynduh lut ïa kynhun ïapom ki nong Ijipt, lem bad ki kulai bad ki kali thma jong ki, da kaba pynngam jyllop ïa ki ha ka Duriaw Basaw mynba ki beh nadien jong phi.

HEBRU 11:29

Dei ka jingngeit kaba la pynlong ïa ki khun Israel ba kin lah ban ïaid lyngba ïa ka Duriaw Basaw la kum ha ka dewryngkhiang; haba ki nong Ijipt ki la pyrshang ban leh kumta, ka um ka la tyllep noh ïa ki.

JOSHUA 24:7

Hynrei haba ki kpa tymmen jong phi ki poi ha Duriaw Basaw, ki la kyang sha nga ban ïoh jingïarap, bad nga la buh ïa ka jingdum hapdeng jong ki bad ki nong Ijipt. Nga la pynlong ïa ka duriaw ba kan tyllep halor ki nong Ijipt bad pynïap jyllop ïa ki. Phi tip kaei kaba nga la leh ïa ka Ijipt. “ ‘Phi la im slem bha ha ka ri shyiap.

JOSHUA 4:18

bad haba ki lyngdoh ki la poi ha ka rudwah, ka wah ka la sdang ban tuid biang bad ka la pynshlei ïa ki rud jong ka baroh sa shisien pat.