EKSODOS 14:26 - Khasi CL Bible (BSI)

²⁶ U Trai u la ong ha u Moses, “Kner ïa la ka kti halor ka duriaw khnang ba ki um kin ïadait biang bad tyllep ïa ki nong Ijipt bad ïa ki kali ïapom jong ki, bad ïa ki nongñiah.”

KA BAIBL

²⁶ Te U Trai u la ong ha u Moses, “To kner noh ïa la ka kti halor ka duriaw, ba kita ki um kin tyllep pat halor ki Ijipt, halor ki kali ïapom jong ki, bad halor ki nongshong kulai jong ki.”

EKSODOS 14:26 ပူးပေါင်းရင်းမြစ်များ

EKSODOS 1:22

Khatduh eh, uta u syiem u hukum ïa ki briew jong u baroh, “Shim ïa u khunlung Hebru baroh uba dang shu lah kha bad bret ïa u sha wah Nile, hynrei ai ba ki khun kynthei kin im.”

EKSODOS 14:16

Rah ïa la u diengduh bad bat ïa u halor ka duriaw. Ka um kan sa kad arliang, bad ki Israel kin lah ban ïaid lyngba ïa kata ka duriaw halor ka khyndew kaba rkhiang.

EKSODOS 15:1

Nangta u Moses bad ki Israel ki rwai ïa kane ka jingrwai ha U Trai: “Ngan rwai ha U Trai namar ka jingjop kaba khraw jong u; sha duriaw u la bret ïa ki kulai bad ki nongshong kulai.

EKSODOS 15:4

“U bret ïa ka kynhun shipai jong ka Ijipt bad ïa ki kali ïapom jong ka sha ka duriaw; ki rangbah pynïaidkam bakynsai jong ka ki la ïap jyllop ha ka Duriaw Basaw

EKSODOS 7:19

U Trai u ong ha u Moses, “Ong ïa u Aaron ban shim ïa la u diengduh bad ban rah ïa u halor ki wah, ki nur-um, bad ki pukri um baroh ha ka ri Ijipt. Ka um kan kylla snam, bad ha ka ri baroh kawei kan don ka snam, wat ha ki khiew dieng bad ki khiew maw ruh.”

EKSODOS 8:5

U Trai u la ong ha u Moses, “Ong ïa u Aaron ba un rah ïa la u diengduh halor ki wah, halor ki nur-um, bad halor ki pung-um, bad pynmih ïa ki jakoid ba kin pyndap ïa ka ri Ijipt.”

ISAÏAH 11:16

Kan don ka surok bah shabar jong ka Assyria na ka bynta kito kiba ki briew jong u ki Israel kiba dang im hangta, kumba ka la don ïa ki kpa tymmen jong ki haba ki la iehnoh ïa ka Ijipt.

MATHAÏOS 7:2

naba U Blei un bishar ïa phi ha kajuh ka rukom kumba phi bishar ïa kiwei pat, bad un pyndei ha phi ïa kijuh ki jingthew kiba phi pyndei ïa kiwei pat.

MATHAÏOS 8:27

Uwei pa uwei baroh u la sngewphylla. “U briew uba kumno une u long?” ki la ong. “Wat ki lyer bad ki jingat phyllung ki kohnguh ïa u!”

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

JINGPYNPAW 16:6

Ki la theh noh ïa ka snam jong ki briew jong U Blei bad jong ki nongïathuhlypa, bad kumta me la ai ha ki ïa ka snam ban dih. Ki la ïoh ïa kaba ki dei hok ban ïoh!”