EKSODOS 14:25 - Khasi CL Bible (BSI)

²⁵ U la pynsahkut ïa ki shalyntem jong ki kali ïapom jong ki, bad kumta ki la ïaid da kaba shitom eh. Ki nong Ijipt ki la ong, “U Trai u ïaleh pyrshah ïa ngi na ka liang ki Israel. Ïa ngin ïaphet noh nangne.”

KA BAIBL

²⁵ Te haba u la weng noh ïa ki shalyntem ki kali jong ki, u la pynïaid khia ïa ki: katba ki Ijipt ki la ïa-ong, “Ïa, ngin ïaphet ïap noh na khmat ki Israel; naba U Trai u ïaleh na ka bynta jong ki pyrshah ïa ki Ijipt.”

EKSODOS 14:25 ပူးပေါင်းရင်းမြစ်များ

2 KHRONIKL 20:29

Kawei pa kawei ka hima kaba la ïohsngew kumno U Trai u la jop ïa ki nongshun jong ki Israel, ka la sheptieng haduh katta katta.

NEHEMAÏAH 4:14

Nga ïohi ba ki briew ki khuslai, kumta nga ong ha ki bad ha ki nongïalam bad ki rangbah synshar jong ki, “Wat sheptieng ïa ki nongshun jong ngi. Kynmaw kumno U Trai u long uba khraw bad uba shyrkhei, bad u ïaleh na ka bynta ki briew ka ri jong phi, ki khun jong phi, ki tnga jong phi, bad ki ïing jong phi.”

NEHEMAÏAH 6:16

Haba ki nongshun jong ngi kiba don ha ki jaitbynriew sawdong jong ngi ki ïohsngew ïa kane, ki la sngewthuh ba ki la poi ha ka jinglehrain, namar baroh ki tip ba ïa ka jingtrei la pyndep da ka jingïarap U Blei.

NEHEMAÏAH 9:11

Lyngba ka duriaw me pynlong ka lynti ïaid na ka bynta ki briew jong me bad me ïalam ïa ki lyngba ka khyndew ba-rkhiang. Ïa kito kiba beh ïa ki, me pynïap jyllop ha ka um bajylliew, kum u maw uba ngam ha ka duriaw ba-atphyllung.

Ka Kitab U Job 11:20

Hynrei ki bymman kin peit sawdong ha ka jinglyng-a bad kin shem ba ym don lynti ban phet ïap. Tang kawei ka jingkyrmen ïa ki ka long ba ka jingïap kan wan.

Ka Kitab U Job 20:24

Haba un pyrshang ban phet ïap na ka waitlam nar, ka ryntieh rnong kan siat ban pynkyllon ïa u.

Ka Kitab U Job 27:22

kan beh halor jong ki khlem jingisynei katba ki pyrshang katba don la ka bor ban lait im.

SALM 35:1

To ïeng pyrshah ïa kito kiba pyrshah ïa nga, A Trai, bad to ïeng ïaleh ïa kito kiba ïaleh pyrshah ïa nga!

SALM 46:9

U pynsangeh ïa ki thma ha kylleng sawdong ka pyrthei; u pynkheiñ ïa ki ryntieh, u kdiah ïa ki sum, bad u thang ïa ki stieh ha ka ding.

SALM 68:12

“Ki syiem bad ki shipai jong ki, ki ïaphet krad!” Ki kynthei ha ïing ki ïasam ïa kaei kaba la ïoh kurup:

SALM 76:6

Haba me byrngem ïa ki, A Blei jong u Jakob, ki kulai bad ki nongshong jong ki, ki kyllon ïap.

EKSODOS 14:14

U Trai un ïaleh na ka bynta jong phi, bad phim donkam ban leh ei ei ruh em.”

EKSODOS 14:18

Ynda nga la jop ïa ki, ki nong Ijipt kin tip ba nga long U Trai.”

EKSODOS 14:4

Ngan pynmutlop ïa u, bad un sa wan thwet nadien jong phi; bad kumta ka jingjop jong nga ïa u Pharaoh bad ka kynhun shipai jong u kan long ka burom ïa nga. Te ki nong Ijipt kin sa tip ba nga long U Trai.” Ki Israel ki leh kumba la hukum ïa ki.

EKSODOS 15:3

U Trai u long u khla-ka-wait; Ka kyrteng jong u ka long U Trai.

ISAÏAH 31:4

U Trai u la ong ha nga, “Kam pher kumno ki nongaplangbrot ki kynhied bad ki pyrta, kim lah ban pyntieng ïa u sing ba un phet na ka jingri ba u la pynïap; ha kajuh ka rukom, ym don kano kano kaba lah ban khang ïa nga, U Trai Badonbor Baroh na kaba ïada ïa u Lum Seïon.

JEREMAÏAH 51:21

ban pynkhynñiuh ïa ki kulai bad ïa ki nongshong kulai, ban pynkhynñiuh ïa ki kali ïapom bad ïa ki nongñiah jong ki,

AMOS 1:14

Kumta ngan phah ka ding ha ki kynroh ka nongbah Rabbah, bad kan thang duh ïa ki kut jong ka. Te kan don ki jingkhynwin ha ka sngi ïaleh thma, bad ka jingïaleh kaba jur kum ka 'erlangthari.

AMOS 5:19

Kan long kum haba u briew u phet ïap na u sing bad u ïakynduh ïa ka dngiem! lane kum haba u briew u wan sha la ïing bad buh ïa la ka kti ha ka kynroh — tang ban shah puh ha u bseiñ!

AMOS 9:1

Nga la ïohi ïa U Trai ba u ïeng harud ka duwan. U la ai ka hukum: “Tied tyngeh ïa ki khlieh rishot jong ka Templ haduh ba ka shyngkub baroh kawei kan da khih. Pynpait ïa ki bad ai ba kin hap halor ki khlieh jong ki briew. Ngan pynïap ha ka thma ïa ki briew kiba dang sah. Yn ym don u ban ïohphet; wat uwei ruh un ym lait im.

DEUTERONOMI 1:30

U Trai U Blei jong phi un ïalam ïa phi, bad un ïaleh na ka bynta jong phi, kumba phi la ïohi ïa u ba u leh ha Ijipt

DEUTERONOMI 3:22

Wat tieng ïa ki, namar U Trai U Blei jong me un ïaleh na ka bynta jong me.’ ”

DEUTERONOMI 32:31

Ki nongshun jong ki, ki tip ba ki blei jong ki, ki tlot, kim long kiba donbor kum U Blei ki Israel.

JOSHUA 10:14

Ym pat ju don mynno mynno, bad yn ym don lano lano, ba la don kum kata ka sngi, mynba U Trai u la shahshkor ïa u bynriew. U Trai u ïaleh ha ka liang ki Israel!

NONGBISHAR 4:15

Haba u Barak u tur ïaleh lem bad la ka kynhun shipai, U Trai u buh ïa u Sisera ha ka jingshaïong jingmut lem bad ki kulai ïapom bad ki rangbah jong u baroh. U Sisera u hiar na la ka kali ïapom bad u phet ïap da ka kjat.