EKSODOS 14:21 - Khasi CL Bible (BSI)

²¹ U Moses u kner ïa la ka kti halor ka duriaw, bad U Trai u kyndat ïa kata ka duriaw da ka lyer mihngi kaba jur. Kata ka lyer ka beh jur baroh shi miet bad ka pynlong dewryngkhiang ïa ka duriaw.

KA BAIBL

²¹ Te u Moses u la kner ïa la ka kti halor kata ka duriaw, bad U Trai u la pynphai pat ïa kata ka duriaw da ka lyer mihngi kaba jur ha kata baroh shi miet, bad u la pynrngad ïa ka duriaw, ïa kita ki um ruh la pynïakhlad.

EKSODOS 14:21 ပူးပေါင်းရင်းမြစ်များ

JENESIS 8:1

U Blei um shym la klet ïa u Noah, bad ïa ki mrad baroh kiba ïadon lem bad u ha ka lieng; u la pynlong ïa ka lyer ban beh, bad ka um ka la sdang hiar.

2 SYIEM 2:8

Nangta u Elijah u shim ïa ka jaiñkup jong u, u kli ïa ka, bad u tied ïa ka um da ka; ka um ka la kad arliang, bad ma u lem bad u Elisha ki la jam sha shiliang ha ka dewryngkhiang.

NEHEMAÏAH 9:11

Lyngba ka duriaw me pynlong ka lynti ïaid na ka bynta ki briew jong me bad me ïalam ïa ki lyngba ka khyndew ba-rkhiang. Ïa kito kiba beh ïa ki, me pynïap jyllop ha ka um bajylliew, kum u maw uba ngam ha ka duriaw ba-atphyllung.

Ka Kitab U Job 26:12

Ka dei ka jingkhlaiñ jong u kaba jop ïa ka duriaw; da ka jingtbit jong u, u pynjot ïa u Rahab u mrad kynsha.

Ka Kitab U Job 38:24

Hato me la ju poi sha ka jaka ha kaba ka sngi ka wan mih, lane sha ka jaka na kaba ka lyer mihngi ka beh?

SALM 136:13

U la kad arliang ïa ka Duriaw basaw, ka jingieit jong u ka neh bymjukut;

SALM 148:8

phi ka leilieh bad u phria, ka ïor bad ki lyoh, ki lyer bakhlaiñ kiba kohnguh ïa ka hukum jong u.

SALM 66:6

U pynkylla ïa ka duriaw sha ka dewryngkhiang; ki kpa tymmen jong ngi ki la jam lyngba ïa ka wah da ka kjat. Hangta ngi la ïashad kmen namar kaei kaba u la leh.

SALM 74:13

Da ka jingkhlaiñbor jong me, me la phiah arliang ïa ka duriaw bad me la tied pynpait ïa ki khlieh jong ki mrad kynsha ka duriaw;

SALM 78:13

U la kad arliang ïa ka duriaw bad u la ïalam ïa ki lyngba jong ka; u la pynlong ïa ki um ban ïeng kum ki kynroh.

EKSODOS 14:16

Rah ïa la u diengduh bad bat ïa u halor ka duriaw. Ka um kan sa kad arliang, bad ki Israel kin lah ban ïaid lyngba ïa kata ka duriaw halor ka khyndew kaba rkhiang.

EKSODOS 14:20

U lyoh u wanrah jingdum ïa ki nong Ijipt, hynrei u ai jingshai ïa ki Israel, bad kumta baroh shi miet ki paidïapom kim shym ïawan jan para ma ki.

EKSODOS 15:8

Me la pyrsad ïa ka duriaw bad ka um ka kynton shajrong eh; ka ïeng beit thik kum ka kynroh; ka bynta bajylliew tam jong ka duriaw ka kylla eh.

EKSODOS 7:19

U Trai u ong ha u Moses, “Ong ïa u Aaron ban shim ïa la u diengduh bad ban rah ïa u halor ki wah, ki nur-um, bad ki pukri um baroh ha ka ri Ijipt. Ka um kan kylla snam, bad ha ka ri baroh kawei kan don ka snam, wat ha ki khiew dieng bad ki khiew maw ruh.”

ISAÏAH 23:11

U Trai u la kner ïa la ka kti halor ka duriaw bad u la jop ïa ki hima. U la hukum ban pynjot ïa ki jaka pdeng jong ki jingkhaïi pateng ka Phoenisia.

ISAÏAH 43:16

La slem mynshuwa U Trai u la thaw ïa ka lynti lyngba ka duriaw, ka lynti lyngba ki um kiba phaloh.

ISAÏAH 44:27

Da ki ktien ka hukum nga pyntyrkhong ïa ka duriaw-bah.

ISAÏAH 50:2

“Balei ba ki briew jong nga kim jubab haba nga la leit sha ki ban pynim ïa ki? Balei ba kim phai ktien haba nga la khot ïa ki? Hato nga tlot eh ban pynim ïa ki? Nga lah ban pynrngad noh ïa ka duriaw da kaba shu hukum bad pynkylla ïa ki wah sha ka ri shyiap, ba ki dohkha kiba don ha ki kin ïap na ka jingduna um.

ISAÏAH 51:10

Dei ma me ruh uba la pynrngad ïa ka duriaw bad pynlong ka lynti ïaid lyngba ki um, khnang ba kito kiba me pyllait im kin ïoh ïaid lyngba.

ISAÏAH 51:15

“Nga long U Trai U Blei jong phi; nga pynphaloh ïa ka duriaw bad nga pynlong ïa ki jingat phyllung ban kyrhuh. Ka kyrteng jong nga ka long U Trai Badonbor Baroh!

ISAÏAH 63:12

Hangno u don U Trai, uba da ka bor jong u, u la leh ki kam bakhraw lyngba u Moses, u da kad arliang ïa ki um ka duriaw bad ïalam ïa ki briew jong u lyngba ki um kiba jylliew, ban ïoh ïa ka nam baneh junom na ka bynta ïa lade?” Ha ka jingïalam U Trai, ki kjat jong ki, ki long skhem kum ki kulai khlaw, bad kim ju jynthut.

HABAKKUK 3:8

Hato la dei ki wah kiba la pynlong ïa me ban bitar, A Trai! Hato la dei ka duriaw kaba la pynlong ïa me ban bitar shla? Me shong kulai halor ki lyoh; u lyoh ka 'erïong u la long ka kali ïapom jong me, mynba me la wallam jingjop ha la ki briew.

KI KAM 7:36

U la ïalam ïa ki briew na ka ri Ijipt, u da leh ki kambah bad ki kamphylla ha ka ri Ijipt bad ha ka Duriaw Basaw bad haduh sawphew snem ha ka ri shyiap.

JOSHUA 2:10

Ngi la ïohsngew kumno U Trai u la pynrngad ïa ka Duriaw Basaw ha khmat jong phi mynba phi mihnoh na Ijipt. Ngi la ïohsngew ruh kumno phi la pynïap ïa u Sihon bad ïa u Og, ki ar ngut ki syiem Amor ha ka phang mihngi jong ka Jordan.

JOSHUA 3:17

Katba u paidbah u dang ïaid sha shiliang ha ka khyndew kaba rkhiang, ki lyngdoh kiba bah ïa ka Synduk ka Jutang U Trai ki ïeng ha ka dewryngkhiang hapdeng jong ka Jordan tad haduh ba uta u paidbah un da jam sha shiliang.

JOSHUA 4:23

Ïathuh ïa ki ba U Trai U Blei jong phi u la pynrngad ïa ka um jong ka Jordan na ka bynta jong phi haduh ba phin da la jam sha shiliang, kumba u la pynrngad ïa ka Duriaw Basaw na ka bynta jong ngi.