EKSODOS 14:16 - Khasi CL Bible (BSI)

¹⁶ Rah ïa la u diengduh bad bat ïa u halor ka duriaw. Ka um kan sa kad arliang, bad ki Israel kin lah ban ïaid lyngba ïa kata ka duriaw halor ka khyndew kaba rkhiang.

KA BAIBL

¹⁶ Bad to rah ma me ïa la u diengduh, bad to kner ruh ïa la ka kti halor ka duriaw, to pynïakhlad ruh ïa ka: te ki khun Israel kin ïoh ïaid ryngkew lyngba ïa ka duriaw.

EKSODOS 14:16 ပူးပေါင်းရင်းမြစ်များ

2 SYIEM 4:29

U Elisha u phai sha u Gehasi bad u ong, “Pynkloi! Shim ïa u diengduh jong nga bad khie leit. Wat sangeh ban khublei ïano ïano ba me ïakynduh, bad lada uno uno u khublei ïa me, wat shim por ban jubab. Leit beit sha ka ïing bad buh ïa u diengduh jong nga halor jong u khynnah.”

EKSODOS 14:15

U Trai u ong ha u Moses, “Balei me kyang jam ban ïoh jingïarap? Ong ïa ki paidbah ba kin nang ïaid shaphrang.

EKSODOS 14:26

U Trai u la ong ha u Moses, “Kner ïa la ka kti halor ka duriaw khnang ba ki um kin ïadait biang bad tyllep ïa ki nong Ijipt bad ïa ki kali ïapom jong ki, bad ïa ki nongñiah.”

EKSODOS 17:5

U Trai u ong ha u Moses, “Ïalam bad me katto katne ngut ki nongïalam jong ki Israel, bad leit sha shuwa jong u paidbah. Rah ruh ïa u diengduh da uba me la shoh ïa ka wah Nile.

EKSODOS 17:6

Nga ngan ïeng ha khmat jong me ha u mawsiang ha u Lum Sinai. Tied ïa u mawsiang; te ka um kan sa mih na u ba u paidbah un ïoh dih.” U Moses u leh kumta ha ka jingdon ryngkat ki nongïalam jong ki Israel.

EKSODOS 4:17

Shim ïa une u diengduh bad me, namar da u men sa leh ïa ki kambah.”

EKSODOS 4:2

Kumta U Trai u kylli ïa u, “Aïu me bat ha la ka kti?” “U diengduh,” u jubab.

EKSODOS 4:20

Kumta u Moses u ïalam ïa la ka tnga bad ïa la ki khun shynrang, u pynshong ïa ki ha ka kada, bad u leit bad ki sha Ijipt, u da rah ïa u diengduh uba U Blei u la ong ïa u ban rah.

EKSODOS 7:19

U Trai u ong ha u Moses, “Ong ïa u Aaron ban shim ïa la u diengduh bad ban rah ïa u halor ki wah, ki nur-um, bad ki pukri um baroh ha ka ri Ijipt. Ka um kan kylla snam, bad ha ka ri baroh kawei kan don ka snam, wat ha ki khiew dieng bad ki khiew maw ruh.”

EKSODOS 7:9

“Lada u Pharaoh u dawa ba phin pynshisha ïa lade da kaba leh kambah, ong ïa u Aaron ban shim ïa la u diengduh bad bret ïa u ha khmat u Pharaoh, bad un sa kylla bseiñ.”

ISAÏAH 10:26

Ma nga, U Trai Badonbor baroh, ngan sympat ïa ki da u shabuk jong nga kumba nga la sympat ïa ki briew jong ka Midian ha u Mawsiang Oreb. Ngan pynshitom ïa ka Assyria kumba nga la pynshitom ïa ka Ijipt.

HABAKKUK 3:8

Hato la dei ki wah kiba la pynlong ïa me ban bitar, A Trai! Hato la dei ka duriaw kaba la pynlong ïa me ban bitar shla? Me shong kulai halor ki lyoh; u lyoh ka 'erïong u la long ka kali ïapom jong me, mynba me la wallam jingjop ha la ki briew.

JINGKHEIÑ 20:11

Nangta u Moses u rah shajrong ïa u diengduh bad u la tied ar sien ïa uta u mawsiang; te ka um kaba heh ka la mih, bad baroh ki briew lem bad ki jingri ki la ïadih.

JOSHUA 8:18

Nangta U Trai u ong ha u Joshua, “Kdew ïa u sum jong me ha ka Ai; nga ai ïa ka ha me.” U Joshua u leh kumba la bthah,