EKSODOS 14:13 - Khasi CL Bible (BSI)

¹³ U Moses u la jubab, “Wat sheptieng! Ïeng skhem, bad phin sa ïohi aïu U Trai un leh mynta ka sngi ban pyllait im ïa phi; lano lano ruh phin ym ïohi shuh ïa kine ki nong Ijipt.

KA BAIBL

¹³ Te u Moses u la ong ha uta u paidbah, “Wat sheptieng phi, to sangeh, to khmih ruh ïa ka jingpynim jong U Trai ïa kaba un sa pyni ha phi ha kane ka sngi: namar kita ki Ijipt ïa kiba phi la ïohi ha kane ka sngi, phin ym ïohi shuh ïa ki lano lano ruh.

EKSODOS 14:13 ပူးပေါင်းရင်းမြစ်များ

JENESIS 15:1

Hadien kane, u Abram u la ïoh ka jingïohipaw bad ïohsngew ïa U Trai ba u ong ha u, “Wat sheptieng, ko Abram. Ngan ïada ïa me na ka jingma, bad ngan ai ha me ka bainong kaba khraw.”

JENESIS 26:24

Ha kata ka miet U Trai u la mihpaw ha u bad u ong, “Nga long U Blei jong u kpa jong me u Abraham. Wat sheptieng, nga don ryngkat bad me. Ngan kyrkhu ïa me, bad ngan ai ha me bun ki khun ki ksiew namar ka jingkular jong nga ïa u shakri jong nga u Abraham.”

JENESIS 46:3

“Nga long U Blei, U Blei jong u kpa jong me,” u ong. “Wat sheptieng ban leit hiar sha Ijipt; hangta ngan pynlong ïa ki khun ki ksiew jong me ka jaitbynriew kaba khraw.

JENESIS 49:18

“Ko Trai, nga ap ïa ka jingpyllait im jong me.

2 SYIEM 6:16

“Wat sheptieng,” u Elisha u jubab. “Ngi don kham bun ha ka liang jong ngi ban ïa kaba ki don ma ki.”

1 KHRONIKL 11:14

kumta ma u bad ki rangbah jong u ki ïeng hapdeng jong ka lyngkha bad ki la ïaleh ïa ki Philistia. U Trai u la ai jingjop ïa u.

2 KHRONIKL 20:15

U Jahasiel u ong, “Ko syiem bad baroh ma phi u paid Judah bad Jerusalem, U Trai u ong ba phim dei ban rit mynsiem ne sheptieng ban ïeng pyrshah ïa kane ka kynhun shipai ba bun paid. Ka thma ka shong ha U Blei, ym ha phi.

2 KHRONIKL 20:17

Phin ym hap ban ïaleh ïa kane ka thma. Shu don ha la ki jaka bad ap; phin ïohi U Trai u ai jingjop ïa phi. Ko ki briew jong ka Judah bad Jerusalem, wat sangeh ne sheptieng. Leit sha ka thma, bad U Trai un long ryngkat bad phi!”

NEHEMAÏAH 9:9

“Me ïohi kumno ki kpa tymmen ki la shahshitom ha Ijipt; me ïohsngew ïa ka jingkhot jong ki na ka bynta ka jingïarap ha ka Duriaw Basaw.

SALM 3:8

Ka jingjop ka wan na U Trai — to un kyrkhu ïa ki briew jong u.

SALM 68:21

U Blei da shisha un pynpait ïa ki khlieh jong ki nongshun jong u, jong kito kiba ïai bteng ha ki jingim pop jong ki.

SALM 78:53

U la ïalam ïa ki ha ka jingshngain, bad kim shym la sheptieng; hynrei ka duriaw ka la wan tyllep halor ki nongshun jong ki.

SALM 91:8

Men shu peit bad men ïohi kumno ki bymman ki shah pynshitom.

EKSODOS 14:30

Ha kata ka sngi U Trai u pyllait im ïa ki Israel na ki Ijipt, bad ki Israel ki ïohi ïa ki ba ki thiah ïap harud duriaw.

EKSODOS 20:20

U Moses u jubab, “Wat sheptieng, U Blei u la wan tang ban tynjuh ïa phi bad pynlong ïa phi ban ïai kohnguh ïa u, khnang ba phin ym leh pop.”

ISAÏAH 26:3

Ma me, A Trai, me ai ka jingsuk bajanai ïa kito kiba batskhem ïa ka jingthmu jong ki bad kiba buh ïa la ka jingshaniah ha me.

ISAÏAH 30:15

U Trai Nongsynshar, U Blei Bakhuid ki Israel, u ong ha ki briew, “Phai noh bad to shaniah jar jar ha nga. Te phin long khlaiñ bad skhem.” Hynrei phi kyntait ban leh ïa kata!

ISAÏAH 35:4

To ïathuh ïa baroh kiba rit mynsiem, “To long khlaiñ bad wat sheptieng! U Blei un wan ban pyllait ïa phi, un wan ban pynshitom ïa ki nongshun jong phi.”

ISAÏAH 43:11

“Nga hi marwei nga long U Trai, uba tang marwei uba lah ban pynim ïa phi.

ISAÏAH 7:4

Ong ïa u ban da husiar, ban long jai jai, bad ban ym sheptieng lane khih jingmut. Ka jingbitar u Syiem Resin bad ki Syria jong u bad ka jong u Syiem Pekah kam long shuh kaba don jingma ban ïa ka tdem jong ki ar tylli ki shynraiñ dieng kiba don ding.

JEREMAÏAH 3:23

Ngim shym la ïoh jingïarap ei ei da ka jingmane jong ngi ka bym dei ïa me halor ki kliar lum. Ka jingïarap ïa ki Israel ka wan tang na U Trai U Blei jong ngi.

SNGEWSYNEI 3:26

Kumta ka long kaba bha tam ïa ngi ban ap ha ka jingïaishah — ban ap ïa u ban pynim ïa ngi —

HOSIA 1:7

Hynrei ngan pyn-i jingieit ïa ki briew ka Judah. Ma nga U Trai U Blei jong ki ngan pyllait im ïa ki; hynrei ngan ym leh ïa kata da ka thma — da ki waitlam lane ki ryntieh, bad ki khnam lane ki kulai bad ki shipai shong kulai.”

HOSIA 13:4

U Trai u ong, “Nga long U Trai U Blei jong phi, uba ïalam noh ïa phi na ka ri Ijipt. Phim don uwei pat U Blei lait na nga. Nga dei tang ma nga u nongpynim jong phi.

HOSIA 13:9

“Ngan pynjot ïa phi, ko ki paid Israel! Te uei uba lah ban ïarap ïa phi?

HABAKKUK 3:13

Me mihnoh ban pyllait ïa la ki briew, ban pyllait ïa u syiem ba la jied jong me. Me pynkyllon ïa u nongïalam jong ki bymman bad pynjot thiaw ïa ki nongbud jong u.

HABAKKUK 3:8

Hato la dei ki wah kiba la pynlong ïa me ban bitar, A Trai! Hato la dei ka duriaw kaba la pynlong ïa me ban bitar shla? Me shong kulai halor ki lyoh; u lyoh ka 'erïong u la long ka kali ïapom jong me, mynba me la wallam jingjop ha la ki briew.

JINGKHEIÑ 14:9

Wat ïaleh pyrshah ïa U Trai bad wat sheptieng ïa ki briew kiba shong hangta. Ngin jop da kaba suk ïa ki. U Trai u don lem bad ngi bad u la jop ïa ki blei kiba ïada ïa ki; kumta te wat sheptieng.”

MATHAÏOS 28:5

U angel u la kren ha ki kynthei. “Phim dei ban sheptieng,” u la ong. “Nga tip phi ïawad ïa U Jisu, uba la shah sahnarphna.

DEUTERONOMI 20:3

‘To sngap, ko Israel! Mynta ka sngi phin leit ban ïaleh thma. Wat sheptieng ïa ki nongshun jong phi, wat noh mynsiem, lane wat sngew syier.

1 SAMUEL 11:13

Hynrei u Saul u ong, “Ym dei ban pynïap ïano ïano ha kane ka sngi, naba kane ka dei ka sngi ba U Trai u la pyllait im ïa ki Israel.”

1 SAMUEL 12:16

Mynta, namar kata, ïeng thik hangto, bad phin ïohi ïa ka kam kaba khraw ïa kaba U Trai un leh ha khmat jong phi.