EKSODOS 14:12 - Khasi CL Bible (BSI)

¹² Hato ngim shym la ong lypa ha phi shuwa ba ngin mih ba kane kan sa jia? Ngi la ong ïa phi ban ym pynsalia ïa ngi bad ban shah ïa ngi ban ïailong ki mraw jong ki nong Ijipt. Kan jin da la kham bha ban long ki mraw hangta ban ïa kaba ïap hangne ha ri shyiap.”

KA BAIBL

¹² Kane kam long kata ka ktien ba ngi la ïathuh ha me ha ka ri Ijipt, da kaba ong, ‘To iehnoh ïa ngi, ba ngin ïoh shakri ïa kine ki Ijipt?’ Naba ka la kham bha ïa ngi ban shakri ïa ki Ijipt, ban ïa ka ban ïap ha kane ka ri khlaw.”

EKSODOS 14:12 ပူးပေါင်းရင်းမြစ်များ

SALM 106:7

Ki kpa tymmen jong ngi ha Ijipt kim shym la sngewthuh ïa ki kam baphylla jong U Blei; ki la klet ba bunsien u la pyn-i ha ki ïa ka jingieit jong u, bad ki la ïaleh pyrshah ïa U Badonbor Baroh ha ka Duriaw Basaw.

EKSODOS 13:17

Mynba u Pharaoh u shah ïa uta u paidbah ban leit noh, U Blei um shym ïalam ïa ki na ka lynti kaba poi shatei sha ka phang Philistia, wat la ka long kaba jan tam. U Blei u ong, “Ngam kwah ba kine ki briew kin kylla dien bad kin leit phai pat sha Ijipt haba ki ïohi ba ki hap ban ïaleh thma.”

EKSODOS 3:9

Da shisha nga la ïohsngew ïa ka jingud ki briew jong nga, bad nga la ïohi ruh kumno ki nong Ijipt ki pynshitom beiñ ïa ki.

EKSODOS 5:21

Ki la ong ha u Moses bad u Aaron, “U Trai u la ïohi ïa kaei kaba phi la leh, bad un pynshitom ïa phi namar ba phi pynlong ïa u Pharaoh bad ïa ki rangbah pynïaidkam jong u ban isih ïa ngi. Phi la ai daw ïa ki ban pynïap ïa ngi.”

EKSODOS 6:9

U Moses u la ïathuh ïa kane ha ki Israel, hynrei kim shym sngap ïa u, namar ka mynsiem jong ki ka la pait la pra na kata ka jinglongmraw basohsat jong ki.

HOSIA 4:17

Ki paid Israel ki don hapoh ka jingshoh bieit ki bleithaw. Ai kin ïaid ha la ka jong ka lynti.

JONAH 4:3

Mynta, A Trai, ai ba ngan ïap noh. Ka kham bha ïa nga ban ïap ban ïa ka ban im.”

JONAH 4:8

Hadien ba ka sngi ka la mih, U Blei u la phah ïa ka lyer mihngi kaba shit, bad u Jonah u la jan ïapler na ka jingshit jong ka sngi kaba shoh halor ka khlieh jong u. Kumta u la kwah ban ïap noh. “Ka kham bha ïa nga ban ïap noh ban ïa kaba im,” u la ong.

MARKOS 1:24

“Kaei kaba me kwah na ngi, ko Jisu na Nasareth? Hato me la wan hangne ban pynjot ïa ngi? Nga tip me long uei — me long u nonglamktien bakhuid jong U Blei!”

MARKOS 5:7

“Ko Jisu, U Khun jong U Blei Bahakhlieh Tam Eh! Me kwah aïu bad nga? Nga kyrpad ïa me ban ym pynshitom ïa nga!”