EKSODOS 14:11 - Khasi CL Bible (BSI)

¹¹ Ki la ong ha u Moses, “Hato ym don jingtep mo ha Ijipt? Hato phin hap wan ïalam ïa ngi hangne ha ri shyiap ban ïap? Peit aïu phi la leh ïa ngi da kaba phi wan ïalam noh ïa ngi na ka ri Ijipt!

KA BAIBL

¹¹ Ki la ïa-ong ruh ha u Moses, “Namar bymdon ki jingtep ha ka ri Ijipt, ba me la ïalam noh ïa ngi ban ïap ha kane ka ri khlaw? balei ba me la leh kumne bad ngi ban ïalam noh ïa ngi na ka ri Ijipt?

EKSODOS 14:11 ပူးပေါင်းရင်းမြစ်များ

JENESIS 43:6

U Jakob u ong, “Balei keiñ phi pynjynjar sat ïa nga katne katne ba phi da ïathuh ha uta u briew ba phi don sa uwei u para?”

EKSODOS 13:17

Mynba u Pharaoh u shah ïa uta u paidbah ban leit noh, U Blei um shym ïalam ïa ki na ka lynti kaba poi shatei sha ka phang Philistia, wat la ka long kaba jan tam. U Blei u ong, “Ngam kwah ba kine ki briew kin kylla dien bad kin leit phai pat sha Ijipt haba ki ïohi ba ki hap ban ïaleh thma.”

EKSODOS 32:1

Haba ki paidbah ki la ïohi ba u Moses um pat shym wan hiar na u lum hynrei u la sah slem hangta, ki la ïalumlang sawdong ïa u Aaron, bad ki la ong ha u, “Ngim tip satia ka la jia aïu ïa une u Moses, uba la ïalam ïa ngi ban mihnoh na ka ri Ijipt; kumta to thaw ïa ngi u blei u ban ïalam ïa ngi.”

EKSODOS 5:21

Ki la ong ha u Moses bad u Aaron, “U Trai u la ïohi ïa kaei kaba phi la leh, bad un pynshitom ïa phi namar ba phi pynlong ïa u Pharaoh bad ïa ki rangbah pynïaidkam jong u ban isih ïa ngi. Phi la ai daw ïa ki ban pynïap ïa ngi.”

EKSODOS 5:22

Nangta u Moses u la phai biang sha U Trai bad u la ong, “A Trai, balei me lehbeiñ sat ïa la ki briew? Balei me phah ïa nga shane?

JINGKHEIÑ 11:1

Ki paidbah ki la sdang ban ujor ha U Trai shaphang ki jingjynjar jong ki. Haba U Trai u la ïohsngew ïa ki, u la bitar lep bad u phah da ka ding ha kita ki paidbah. Kata ka ding ka klang hapdeng jong ki bad ka la pynjot ïa kawei ka dong jong ka jaka shong dara.

JINGKHEIÑ 11:15

Lada me leh kumne ïa nga, to sngewsynei ïa nga bad pynïap noh ïa nga, khnang ba ngan ym hap shah shuh ïa kane ka jingleh badonbor jong me.”

JINGKHEIÑ 14:22

yn ym don uwei ruh na kine ki briew ki ban im ban ïohrung sha kata ka ri. Ki la ïohi ïa ka jingshai batyngshaiñ na ka jingdon ryngkat jong nga, bad ïa ki kambah ba nga la leh ha Ijipt bad ha ka ri khlaw, hynrei ki la tynjuh ïa ka jingïaishah jong nga la bunsien bad ki la kyntait ban kohnguh ïa nga.

JINGKHEIÑ 16:41

Ha ka sngi kaba bud, ka kynhun baroh ka la khñium pyrshah ïa u Moses bad u Aaron, bad ka ong, “Phi la pynïap katto katne ngut ki briew jong U Trai.”