EKSODOS 13:9 - Khasi CL Bible (BSI)

⁹ Kane ka jingrakhe kan long ka jingpynkynmaw, kum kaei kaei kaba la teh ha ka kti jong phi ne ha ka shyllangmat jong phi; kan pynkynmaw ïa phi ban ïai kren bad ïai puson ïa ka Aiñ U Trai, namar U Trai u la ïalam noh ïa phi na ka ri Ijipt da ka borbah jong u.

KA BAIBL

⁹ Kane te kan sa long ka dak ïa me ha ka kti jong me, bad kum ka jingpynkynmaw hapdeng ki khmat jong me, khnang ba ka hukum U Trai kan da long ha ka shyntur jong me: namar da ka kti badonbor U Trai u la ïalam noh ïa me na ka ri Ijipt.

EKSODOS 13:9 ပူးပေါင်းရင်းမြစ်များ

NEHEMAÏAH 1:10

“Ko Trai, kine ki dei ki shakri jong me, ki briew jong me hi. Me la pyllait ïa ki da ka bor bakhraw bad ka jingkhlaiñ jong me.

SALM 136:11

U la ïalam noh ïa ki paid Israel na Ijipt; ka jingieit jong u ka neh bymjukut;

SALM 136:12

da ka kti bakhlaiñ jong u, ka ksang'ti badonbor jong u; ka jingieit jong u ka neh bymjukut.

SALM 89:13

A katno uba donbor me long! A katno kaba khraw ka long ka jingkhlaiñ jong me!

EKSODOS 12:14

Phi dei ban rakhe ïa kane ka sngi kum ka Jingkhawai Niam ban pynkynmaw ïa phi ïa kaei kaba nga, U Trai, nga la leh. Rakhe ïa ka pateng la pateng bynriew.”

EKSODOS 12:41

Ha ka sngi kaba kut jong kita ki sawspah laiphew snem, baroh ki paid U Trai ki mihnoh na Ijipt.

EKSODOS 13:14

Hadien habud, ynda u khun jong phi u kylli ïa phi ka mut aïu kane ka jingrakhe, phin jubab ïa u, ‘Da kaba pyndonkam ïa la ka borbah, U Trai u la ïalam noh ïa ngi na ka ri Ijipt, ka ri ha kaba ngi la long ki mraw.

EKSODOS 13:16

Kane ka jingrakhe ka long ka jingpynkynmaw, kum kaei kaei kaba la teh ha ka kti jong ngi ne ha ka shyllangmat jong ngi; kan pynkynmaw ïa ngi ba U Trai u la ïalam noh ïa ngi na ka ri Ijipt da ka borbah jong u.’ ”

EKSODOS 13:3

U Moses u kren ha u paidbah, “Kynmaw ïa kane ka sngi — ka sngi ha kaba phi mihnoh na ka ri Ijipt, ka ri ha kaba phi long ki mraw. Kane ka dei ka sngi ba U Trai u la ïalam noh ïa phi da ka borbah jong u. Wat bam ïa u kpu ba la khleh thiat.

EKSODOS 3:20

Hynrei ngan pyn-i ïa la ka bor bad ngan pynshitom ïa ka ri Ijipt da kaba leh hangta ïa kiei kiei kiba shyrkhei. Hadien kata un sa shah ba phin leit.

PROBERB 1:9

Ki jinghikai jong ki kin pynbha ïa ka jinglong jong phi kum ka jaiñspong kaba ishongkhia ha ka khlieh jong phi, lane kum u jingdeng uba pyniphuh ïa ka dur jong phi.

PROBERB 3:21

Ko khun jong nga, batskhem ïa la ka jingstad bad ka jingsngewthuh. Wat shah lano lano ba kin lait noh na phi.

PROBERB 7:23

ha kaba u 'namsop u dung ha u klongsnam jong u. U long kum ka sim kaba tur ruma sha ka jar — um shym tip ba ka jingim jong u ka don ha ka jingma.

JINGRWAI SOLOMON 8:6

Khang ïa ka dohnud jong phi sha kano kano ka jingieit lait noh ka jong nga; wat bat ïano ïano ha ki kti jong phi lait na nga. Ka jingieit ka long kaba khlaiñbor kum ka jingïap; ka jingkwah kaba khlaiñ kum ka jingïap hi. Ka bthei ban kem ding bad ka ing kum ka ding baklang.

ISAÏAH 27:1

Ha kata ka sngi U Trai un pyndonkam ïa ka waitlam badonbor bad bashyrkhei jong u ban pynshitom ïa u Lebiathan, uta u Ïakjakor uba khih bad uba khyrwait, bad ban pynïap ïa uta u mrad kynsha uba im ha ka duriaw.

ISAÏAH 40:10

U Trai Nongsynshar u wan ban synshar da ka bor, u da wallam bad u ki briew ba u la pyllait im.

ISAÏAH 44:5

“Uwei hadien uwei, ki briew kin ong, ‘nga long u jong U TRAI’. Kin ïawan ban ïasnoh bad u paid Israel. Uwei pa uwei un shon ha ka ksang'ti jong u ïa ka kyrteng jong U Trai bad un khot ïa lade uwei na ki briew U Blei.”

ISAÏAH 49:16

Ko Jerusalem, ngam lah ban klet ïa pha! Nga la thoh ïa ka kyrteng jong pha ha ki lynghoh kti jong nga.

ISAÏAH 51:9

A Trai to khie bad ïarap ïa ngi! Pyndonkam ïa la ka bor bad pynim ïa ngi; pyndonkam ïa ka kum ha ka por mynbarim. Dei ma me uba la ot lyngkhot lyngkhai ïa u Rahab u mrad duriaw bakynsha.

ISAÏAH 59:21

Bad ngan pynlong ka Jutang bad phi: Nga la ai ha phi ïa ka bor jong nga bad ki jinghikai jong nga kin long bad phi junom, bad naduh mynta phi dei ban kohnguh ïa nga bad hikai ïa ki khun jong phi bad ïa ki pateng jong phi ban kohnguh ïa nga ha ki por baroh ki ban wan.”

JEREMAÏAH 22:24

U Trai u la ong ha u syiem Jehoïakhin, u khun jong u Jehoïakim u syiem ka Judah, “Kumba da shisha nga long U Blei Uba im. Wat la me long kum ka sati muhor ha ka kti kamon jong nga, ngan weng noh ïa me,

DANIEL 9:15

“A Trai U Blei jong ngi, me la pyn-i ïa ka bor jong me da kaba wallam noh ïa ki briew jong me na ri Ijipt, bad ïa ka bor jong me la ïai kynmaw. Ngi la leh pop; ngi la leh bakla.

JOEL 2:11

U Trai u kyrhuh ïa ki hukum sha ka kynhun shipai jong u. Ki shipai kiba kohnguh ïa u ki long shibun bad kiba khlaiñbor. Haduh katno ka long kaba shyrkhei ka sngi jong U Trai! Uei u ban lait im na ka?

JINGKHEIÑ 15:39

Ki ksai jyrthiaw kin long kum ki jingpynkynmaw, bad man ka por ba phi ïohi ïa ki, phin kynmaw ïa ki hukum jong nga baroh bad kohnguh ïa ki; te kumta phin ym phai noh na nga bad bud ïa ki jingkwah mon bad ki jingkwah brai jong phi.

MATHAÏOS 23:5

Ki leh ïa kiei kiei baroh khnang ba ki briew kin ïohi ïa ki. Peit ïa ki jingteh 'sai snieh kiba don ki jingthoh bakhuid ïa kiba ki teh ha ki shyllangmat bad ki ksang'ti jong ki, bad khmih haduh katno ki long kiba heh! Khmih ruh katno kiba jrong ki ksai jyrthiaw ha ki jaiñkup jong ki!

Ka Shithi U Paul Sha Ki Nong Rom 10:8

Kaei kaba ka ong ka long kane: “Ka khubor U Blei ka don hajan jong phi, ha ki rmiang shyntur jong phi bad ha ka dohnud jong phi” — kata, ka khubor jong ka jingngeit kaba ngi ïalap.

DEUTERONOMI 30:14

Em, ka don hangne bad phi. Phi tip ïa ka bad phi lah ban sot ïa ka; kumta mynta, kohnguh ïa ka.

DEUTERONOMI 5:15

Phi dei ban kynmaw ba phi la long ki mraw ha Ijipt, bad ba nga, U Trai U Blei jong phi, nga la pyllait im ïa phi da ka borbah jong nga. Dei namar kata ba nga hukum ïa phi ban rakhe ïa ka Sabbaton.

DEUTERONOMI 6:21

Ïathuh ïa ki, ‘Ngi la long ki mraw u Pharaoh ha Ijipt, bad U Trai u la pyllait ïa ngi da ka borbah jong u.

DEUTERONOMI 6:6

Wat klet lano lano ïa kine ki hukum ïa kiba nga ai ha phi mynta ka sngi.

DEUTERONOMI 6:8

Kum ka dak ka jingpynkynmaw, teh ïa ki ha ki ksang'ti jong phi bad deng ïa ki ha ki shyllangmat jong phi.

JINGPYNPAW 18:8

Namar kane, ha ka shi sngi yn sa shoh ïa ka da ki khlam — ka jingpang, ka jingsngewsih bad ka 'nemsniew. Bad yn thang ïa ka da ka ding, namar ba U Trai uba U Blei, uba bishar ïa ka, u long uba khlaiñbor.”

NONGBISHAR 2:12

Ki la sangeh ban mane ïa U Trai, U Blei ki kpa tymmen jong ki, U Blei uba la wallam ïa ki na Ijipt, bad ki la sdang ban mane ïa kiwei pat ki blei, ki blei jong ki jaitbynriew kiba don sawdong jong ki. Ki mane dem ïa ki, bad ki la pynlong ïa U Trai ban bitar.