EKSODOS 13:3 - Khasi CL Bible (BSI)

³ U Moses u kren ha u paidbah, “Kynmaw ïa kane ka sngi — ka sngi ha kaba phi mihnoh na ka ri Ijipt, ka ri ha kaba phi long ki mraw. Kane ka dei ka sngi ba U Trai u la ïalam noh ïa phi da ka borbah jong u. Wat bam ïa u kpu ba la khleh thiat.

KA BAIBL

³ Te u Moses u la ong ha u paidbah, “To kynmaw phi ïa kane ka sngi, ha kaba phi la wan noh na ka ri Ijipt, na kata ka ïing ka jingpynlong mraw; naba da ka kti badonbor U Trai u la ïalam noh ïa phi nangta: wat bam ïa u kpu ba dei thiat.

EKSODOS 13:3 ပူးပေါင်းရင်းမြစ်များ

JENESIS 15:16

Kan shim por saw pateng bynriew shuwa ba ki khun ki ksiew jong me kin wan phai pat shane; namar ngan ym pat beh noh ïa ki Amor tad ynda ki la long bymman haduh katta katta kat haduh ba ki dei ban shah pynshitom.”

1 KHRONIKL 16:12

Ma phi kiba hiarpateng na u Jakob, u shakri jong U Blei, kiba hiarpateng na u Israel, ïa uba U Blei u la jied, kynmaw ïa ki kambah kiba U Blei u la leh bad ki jingbishar kiba u la ai.

NEHEMAÏAH 1:10

“Ko Trai, kine ki dei ki shakri jong me, ki briew jong me hi. Me la pyllait ïa ki da ka bor bakhraw bad ka jingkhlaiñ jong me.

NEHEMAÏAH 9:10

Me pynjia ki kambah baphylla pyrshah ïa u Pharoah, pyrshah ïa ki rangbah synshar ki briew jong ka ri jong u, namar me tip kumno ki la banbeiñ ïa ki briew jong me. Me la jop ha kata ka por, ka nam kaba me dang don ha kane ka sngi.

SALM 105:5

Ma phi ki khun ki ksiew jong u Abraham, u shakri jong u; ma phi ki khun ki ksiew u Jakob, u briew uba u la jied: Kynmaw ïa ki kambah ba U Blei u la leh bad ki jingbishar kiba u la ai.

SALM 114:1

Mynba ki Israel ki la mihnoh na Ijipt, mynba ki khun ki ksiew jong u Jakob ki la mihnoh na kata ka ri nongwei,

SALM 136:11

U la ïalam noh ïa ki paid Israel na Ijipt; ka jingieit jong u ka neh bymjukut;

SALM 136:12

da ka kti bakhlaiñ jong u, ka ksang'ti badonbor jong u; ka jingieit jong u ka neh bymjukut.

SALM 89:14

Ïa ka hima jong me la seng nongrim ha ka hok bad ka jingbishar hok; ka jingieit bad ka jingïaineh ki paw ha ki kam jong me baroh.

EKSODOS 12:15

U Trai u la ong, “Hynñiew sngi lynter phin ym bam ïa u kpu ba la khleh thiat — bam tang ïa u kpu bakhlem thiat. Ha ka sngi kaba nyngkong phi dei ban bret noh ïa u thiat baroh na ïing jong phi, namar lada uno uno u bam ïa u kpu ba la khleh thiat ha kita ki hynñiew sngi, yn ym kheiñ shuh ïa u kum uwei na ki briew jong nga.

EKSODOS 12:17

Rakhe ïa kane ka Jingkhawai Niam, namar dei ha kane ka sngi ba nga la ïalam noh ïa ki jait jong phi na ka ri Ijipt. Pateng la pateng phi dei ban rakhe ïa kane ka sngi kum ka Jingkhawai Niam.

EKSODOS 12:19

Hynñiew sngi lynter ym dei ban lap ïa u thiat ha ki ïing jong phi; namar lada uno uno u bam ïa u kpu uba la khleh thiat la u dei u nongwei ne u traishnong, yn ym kheiñ shuh ïa u kum uwei na ki briew jong nga.”

EKSODOS 12:2

“Une un long ha phi u bnai uba nyngkong jong ka snem.

EKSODOS 12:41

Ha ka sngi kaba kut jong kita ki sawspah laiphew snem, baroh ki paid U Trai ki mihnoh na Ijipt.

EKSODOS 12:42

Kata ka dei ka miet ba U Trai u ap miet ban ïalam noh ïa ki na ka ri Ijipt. Ïa kane kajuh ka miet la pynkyntang sha U Trai pateng la pateng kum ka miet ha kaba ki Israel ki dei ban ap miet.

EKSODOS 12:8

Ha kata ka miet, ïa ka doh dei ban syang, bad bam ïa ka lem bad u kpu khlem thiat bad ki jhur kthang.

EKSODOS 13:14

Hadien habud, ynda u khun jong phi u kylli ïa phi ka mut aïu kane ka jingrakhe, phin jubab ïa u, ‘Da kaba pyndonkam ïa la ka borbah, U Trai u la ïalam noh ïa ngi na ka ri Ijipt, ka ri ha kaba ngi la long ki mraw.

EKSODOS 13:9

Kane ka jingrakhe kan long ka jingpynkynmaw, kum kaei kaei kaba la teh ha ka kti jong phi ne ha ka shyllangmat jong phi; kan pynkynmaw ïa phi ban ïai kren bad ïai puson ïa ka Aiñ U Trai, namar U Trai u la ïalam noh ïa phi na ka ri Ijipt da ka borbah jong u.

EKSODOS 20:2

“Nga long U Trai U Blei jong phi uba la wan ïalam ïa phi na ka ri Ijipt, ka ri ha kaba phi la long ki mraw.

EKSODOS 20:8

“Kynmaw ban rakhe ïa ka Sabbaton bad sumar kyntang ïa ka.

EKSODOS 23:15

Ha u bnai Abib, u bnai ha uba phi la mihnoh na ka ri Ijipt, rakhe ïa Ka Jingkhawai Niam U Kpu Bakhlem Thiat ha ka rukom kaba nga la hukum ïa phi. Ha ki hynñiew sngi jong kane ka Jingkhawai Niam, wat bam ïa uno uno u kpu ba la khleh thiat. Wat ju wan mane ïa nga khlem da wallam kano kano ka jingainguh.

EKSODOS 3:20

Hynrei ngan pyn-i ïa la ka bor bad ngan pynshitom ïa ka ri Ijipt da kaba leh hangta ïa kiei kiei kiba shyrkhei. Hadien kata un sa shah ba phin leit.

EKSODOS 34:18

“Rakhe ïa ka Jingkhawai Niam U Kpu Bakhlem Thiat. Kumba nga la hukum ïa phi, bam ïa u kpu bakhlem thiat hynñiew sngi lynter ha u bnai Abib, namar dei ha uta u bnai ba phi la mihnoh na ka ri Ijipt.

EKSODOS 6:1

Nangta U Trai u la ong ha u Moses, “Mynta men sa ïohi aïu ngan leh ïa u Pharaoh. Ngan pynbor ïa u ban shah ïa ki briew jong nga ban leit. Ha ka jingshisha, ngan pynbor ïa u ban beh noh ïa ki na ka ri jong u.”

EKSODOS 6:6

Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

EKSODOS 6:7

Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

DANIEL 9:15

“A Trai U Blei jong ngi, me la pyn-i ïa ka bor jong me da kaba wallam noh ïa ki briew jong me na ri Ijipt, bad ïa ka bor jong me la ïai kynmaw. Ngi la leh pop; ngi la leh bakla.

MATHAÏOS 10:12

Haba phi rung shapoh ka ïing, to ong, ‘Ka jingsuk lem bad phi.’

LOUKAS 22:19

Nangta u la shim shi lyngkhot u kpu, bad U la ainguh ha U Blei, U la kdiah ïa u, bad U la ai ïa u ha ki, da kaba ong, “Une u long ka met jong nga, ïa kaba la ai na ka bynta jong phi. To leh ïa kane ban kynmaw ïa nga.”

1 KORINTH 5:8

To ngin rakhe ïa ka Jingkhawai Niam, te, ym da u kpu uba don u thiat uba rim jong ka pop bad ka jingbymman, hynrei da u kpu u bym don thiat, u kpu jong ka jingkhuid bad ka jingshisha.

EPHESOS 1:19

bad katno ka jingkhraw eh long kata ka bor kaba trei ha ngi kiba ngeit.

DEUTERONOMI 13:10

Lynthem maw ïa u haduh ba un da ïap! U la pyrshang ban khring noh ïa phi na U Trai U Blei jong phi, uba la pyllait ïa phi na ka ri Ijipt, ha kaba phi la long ki mraw.

DEUTERONOMI 13:11

Te ki Israel baroh kin sa ïohsngew aïu ka la jia, bad kin sheptieng; bad yn ym don shuh mano mano u ban leh kum ïa kata ka kam bymman.

DEUTERONOMI 13:5

Hynrei pynïap ïa uno uno u nongïathuhlypa lane uno uno u nongbatai ïa ki jingphohsniew uba ong ïa phi ban ïaleh pyrshah ïa U Trai, uba la pyllait ïa phi na ka ri Ijipt, ha kaba phi la long ki mraw. Kum uta u briew u long uba bymman bad u pyrshang ban khring noh ïa phi na kata ka rukom im ba U Trai u la hukum ïa phi. Ïa une dei ban pynïap, khnang ba phin lah ban pyllait ïa lade na kane ka jingbymman.

DEUTERONOMI 13:6

“Wat u hynmen u para jong phi, u khun jong phi, ka khun jong phi, ka tnga kaba phi ieit, lane u paralok uba jan eh jong phi, ki lah harieh harieh ban khring ïa phi ban leit mane ïa kiwei pat ki blei, ïa kiba phi bad ki kpa tymmen jong phi kim ju mane mynno mynno.

DEUTERONOMI 15:15

Kynmaw ba phi ruh phi la long ki mraw ha Ijipt bad U Trai U Blei jong phi u la pyllait ïa phi; dei namar kata ba nga ai ha phi mynta ka sngi ïa kane ka hukum.

DEUTERONOMI 16:1

“Burom ïa U Trai U Blei jong phi da kaba phi rakhe ïa ka Niam Ka Jinglait ha u bnai Abib, naba dei ha kawei ka miet jong uta u bnai ba u la pyllait ïa phi na Ijipt.

DEUTERONOMI 16:12

Kynmaw ba phi dei ban kohnguh ïa kine ki hukum; wat klet ruh ba phi la long ki mraw ha Ijipt.

DEUTERONOMI 16:3

Haba phi bam ïa kane ka jingbam, wat bam ïa u kpu ba la khleh thiat. Hynñiew sngi phin bam ïa u kpu khlem thiat, kumba phi la bam mynba phi la dei ban mihnoh kyrkieh na Ijipt. Bam ïa une u kpu — yn khot ïa u, u kpu ka jingshah shitom — ba katba phi dang im phin ïai kynmaw ïa kata ka sngi mynba phi mihnoh na Ijipt, kata ka jaka ka jingshah shitom.

DEUTERONOMI 24:18

Kynmaw ba phi la long ki mraw ha Ijipt bad ba U Trai U Blei jong phi u la pyllait ïa phi; dei namar kata ba nga la ai ha phi ïa kane ka hukum.

DEUTERONOMI 24:22

Wat klet ba phi la long ki mraw ha Ijipt; dei namar kata ba nga la ai ha phi ïa kane ka hukum.

DEUTERONOMI 26:8

Da ka borbah bad ka jingkhlaiñ jong u, u la pyllait ïa ngi na Ijipt. U leh ki kambah bad ki kamphylla, bad u la pynjia ïa kiei kiei kiba sngewtriem.

DEUTERONOMI 4:34

Ju don mo u blei uba nud ban leit shim ïa ka jaitbynriew napdeng kawei pat ka jaitbynriew bad pynlong ïa ka, ka jong u hi, kumba U Trai U Blei jong phi u la leh ïa phi ha Ijipt? Phi la ïohi da la ki khmat ba u la pyndonkam ïa la ka borbah; u la wallam ïa ki khlam bad ïa ka thma, u la leh ïa ki kambah bad ki kamphylla, bad u la pynjia ïa kiei kiei kiba ishyrkhei.

DEUTERONOMI 5:15

Phi dei ban kynmaw ba phi la long ki mraw ha Ijipt, bad ba nga, U Trai U Blei jong phi, nga la pyllait im ïa phi da ka borbah jong nga. Dei namar kata ba nga hukum ïa phi ban rakhe ïa ka Sabbaton.

DEUTERONOMI 5:6

‘Nga long U Trai U Blei jong phi, uba la pyllait im ïa phi na ka ri Ijipt, ha kaba phi la long ki mraw.

DEUTERONOMI 6:12

kynmaw ba phin ym klet ïa U Trai uba la pyllait ïa phi na ka ri Ijipt, ha kaba phi la long ki mraw.

DEUTERONOMI 6:21

Ïathuh ïa ki, ‘Ngi la long ki mraw u Pharaoh ha Ijipt, bad U Trai u la pyllait ïa ngi da ka borbah jong u.

DEUTERONOMI 7:8

Hynrei ka long namar ba U Trai u ieit ïa phi bad u bat ïa la ka kular kaba u la ai ha ki kpa tymmen jong phi, bad namar kata u la ïalam noh ïa phi da ka borbah jong u bad u la pyllait na ka jinglongmraw ïa phi na u Pharaoh u syiem ka Ijipt.

DEUTERONOMI 8:14

kynmaw ban ym sngewsarong bad ban ym klet ïa U Trai U Blei jong phi uba la pyllait ïa phi na ka ri Ijipt ha kaba phi la long ki mraw.

DEUTERONOMI 9:12

“Nangta U Trai u ong ha nga, ‘Khie leit hiar kloi na une u lum, namar kita ki briew jong me ïa kiba me la ïalam na Ijipt, ki la mut sniew bad ki la leh bymman. Ki lah da kynriah noh na kata ka lynti ïa kaba nga la hukum ïa ki, bad ki la thaw pynban ïa ka durblei na ka bynta ïa lade.’

JOSHUA 24:17

U Trai U Blei jong ngi u la wallam ïa ki kpa jong ngi bad ïa ngi ruh na ka jinglongmraw ha Ijipt, bad ngi la ïohi ïa ki kambah ba u la leh. U la ri pynim ïa ngi shano shano shaba ngi leit hapdeng ki jaitbynriew baroh ba ngi la ïaid lyngba.

NONGBISHAR 2:12

Ki la sangeh ban mane ïa U Trai, U Blei ki kpa tymmen jong ki, U Blei uba la wallam ïa ki na Ijipt, bad ki la sdang ban mane ïa kiwei pat ki blei, ki blei jong ki jaitbynriew kiba don sawdong jong ki. Ki mane dem ïa ki, bad ki la pynlong ïa U Trai ban bitar.

NONGBISHAR 6:8

bad u la phah ha ki ïa u nongïathuhlypa uba wallam ha ki ïa kane ka khubor na U Trai, U Blei ki Israel: “Nga la wallam ïa phi na ka jinglongmraw ha Ijipt.