EKSODOS 13:2 - Khasi CL Bible (BSI)

² “Pynkyntang ha nga ïa uba la kha nyngkong baroh, namar kat uba la kha nyngkong napdeng ki Israel, la u briew ne u mrad, u long u jong nga.”

KA BAIBL

² “To pynkyntang ha nga ïa uba la kha nyngkong baroh, ïa kaei kaei baroh keiñ ïa kaba la kha nyngkong hapdeng ki khun Israel, na u briew bad na u mrad de: u long u jong nga.”

EKSODOS 13:2 ပူးပေါင်းရင်းမြစ်များ

NEHEMAÏAH 10:36

Ïa u khun nyngkong ba kha ha ngi, ngin leit rah sha ki lyngdoh ka Templ, kumba donkam da ka Hukum, ngin pynkyntang ïa u sha U Blei. Ngin pynkyntang ruh ïa uwei pa uwei u khun masi banyngkong jong ngi, bad ïa uwei pa uwei u khunlangbrot bad uwei pa uwei u khunblang jong ngi.

NEHEMAÏAH 10:37

Ngin leit rah sha ki lyngdoh ha ka Templ ïa u kpu im jong u kew ba la lum nyngkong jong kawei pa kawei ka snem bad kiwei ki jingkñia waiñ, umphniang Olib bad baroh ki jait soh. Ngin leit rah sha ki Lebi, kiba lum ïa kiba shiphew na ki jaka rep ha ki nongrit, kiba shiphew na ki jingthung kiba mih ha ka ri jong ngi.

EKSODOS 13:1

U Trai u ong ha u Moses,

EKSODOS 22:28

“Wat kren sniew ïa U Blei, bad wat tim wat tla ïa u nongïalam jong ki briew jong phi.

EKSODOS 23:19

“Wallam man ka snem sha ka ïing U Trai U Blei jong phi ïa u soh nyngkong uba phi ot. “Wat shet ïa u khunblang ne khunlangbrot ha ka dud ka kmie jong u.

EKSODOS 4:22

Te me dei ban ong ha u ba ma nga, U Trai, nga ong, ‘U Israel u long u khun nyngkong jong nga.

ESEKIEL 16:20

“Nangta pha la shim ïa ki khun shynrang bad ki khun kynthei kiba pha la kha ïa nga bad pha la ainguh ïa ki kum ka jingkñia ha ki bleithaw. Hato kam shym long kaba sniew eh ban ym ïaineh ha nga,

ESEKIEL 16:21

khlem da shim ïa ki khun jong nga bad kñia ïa ki ha ki bleithaw?

LEBITIKOS 27:26

Uba la kha nyngkong na u jingri, u la long lypa u jong U Trai, kumta uno uno um lah ban pynkyntang ïa u sha U Trai kum ka jingainguh mon sngewbha. U khun masi, u khunlangbrot ne u khunblang u long u jong U Trai,

JINGKHEIÑ 18:15

“Uno uno ïa uba la kha nyngkong, la u dei u briew ne u jingri, ba ki Israel ki wanrah sha nga u long u jong me. Hynrei me dei ban pdiang ïa ka jingsiew ban thied pat ïa uwei pa uwei u khun ba la kha nyngkong, bad uwei pa uwei u jingri ba la kha nyngkong, ïa uba la ñiew ba u long u bymkhuid.

JINGKHEIÑ 3:12

“Ki Lebi mynta ki long ki jong nga. Mynba nga la pynïap ïa u khun nyngkong baroh jong ki nong Ijipt, nga la pynkyntang kum la u jong ïa u khun nyngkong na kawei pa kawei ka ïing Israel bad ïa uba la kha nyngkong na uwei pa uwei u mrad. Mynta, nga ïoh noh da ki Lebi kum la ki jong ha ka jaka ki khun shynrang ba la kha nyngkong jong ki Israel; ki kin long ki jong nga. Nga long U Trai.”

LOUKAS 2:23

kumba la thoh ha ka aiñ jong U Trai: “Ïa uwei pa uwei u khun nyngkong dei ban pynkyntang sha U Trai.”

DEUTERONOMI 15:19

“Buh kyrpang sha U Trai U Blei jong phi ïa ki shynrang baroh ba la kha nyngkong na ki masi bad ki langbrot jong phi; wat pyntreikam ïa kita ki masi, bad wat ot shñiuh ïa kita ki langbrot.

HEBRU 12:23

Phi la wan sha ka jingïalumlang kaba kmen jong ki khun shynrang ba la kha nyngkong jong U Blei, kiba ïa ki kyrteng jong ki la thoh ha bneng. Phi la wan sha U Blei uba long u nongbishar ki bynriew baroh, bad sha ki mynsiem jong ki briew kiba bha ïa kiba la pynjanai.