EKSODOS 13:17 - Khasi CL Bible (BSI)

¹⁷ Mynba u Pharaoh u shah ïa uta u paidbah ban leit noh, U Blei um shym ïalam ïa ki na ka lynti kaba poi shatei sha ka phang Philistia, wat la ka long kaba jan tam. U Blei u ong, “Ngam kwah ba kine ki briew kin kylla dien bad kin leit phai pat sha Ijipt haba ki ïohi ba ki hap ban ïaleh thma.”

KA BAIBL

¹⁷ Te, mynba u Pharaoh u la pyllait noh ïa uta u paidbah, U Blei um shym la ïalam ïa ki na lynti ka ri ki Philistia, la kata ka la jan ruh; naba U Blei u la ong, “Ba ïoh uta u paidbah un kylla, haba ki ïohi ïa ka thma, bad un leit phai pat sha ka ri Ijipt.”

EKSODOS 13:17 ပူးပေါင်းရင်းမြစ်များ

1 SYIEM 8:47

Lada jia ba ha kata ka ri ki kylla-kaba-mut bad ki duwai sha me, ki da phla haduh katno ki la long kiba pop bad kiba bymman, to sngap ïa ki jingduwai jong ki A Trai.

NEHEMAÏAH 9:17

Ki la kyntait ban kohnguh; ki la klet ïa baroh kaba me la leh; ki la klet noh ïa ki kambah kiba me la leh. Ha ka jingsarong jong ki, ki la jied u nongïalam ban ïalam biang ïa ki sha ka jinglongmraw ha Ijipt. Hynrei me long U Blei uba map; me long uba dap da ka jingaiei bad ka jingieit, uba suki ban bitar. Ka jingisynei jong me ka long kaba khraw; mem shym iehnoh ïa ki.

EKSODOS 14:10

Haba ki Israel ki ïohi ïa u Pharaoh bad u paidïapom jong u ba ki tur sha ki, ki la sheptieng shikatdei eh, bad ki kyang jam sha U Trai ban ïoh jingïarap.

KI KAM 15:38

hynrei u Paul um shym pyrkhat ba ka long kaba dei ban ïalam ïa u, namar um shym la sah bad ki haduh kaba kut ka kam jong ki, hynrei u la leit phai pat bad u la iehnoh ïa ki ha Pamphylia.

KI KAM 7:39

“Hynrei ki kpa tymmen jong ngi ki la kyntait ban kohnguh ïa u; ki la ñiat ïa u sharud bad ki la kwah ban leit phai pat sha ka ri Ijipt.

DEUTERONOMI 17:16

U syiem um dei ban pynbun ki kulai na ka bynta ïa lade, bad um dei ban phah briew sha Ijipt ban thied kulai nangta, namar U Trai u la ong ba ki briew jong u kim dei ban leit phai shata lano lano.

DEUTERONOMI 20:8

“Kita ki rangbah synshar kin ong ruh ha uta u paidïapom, ‘Don mo hangne uba sheptieng bad uba rit mynsiem? Lada don, ai un leit phai sha la ïing, ïoh ba u pynsyier mynsiem ïa kiwei pat.’

DEUTERONOMI 28:68

U Trai un phah biang ïa phi da ka lieng sha Ijipt, wat la nga la ong ba phim dei ban leit shuh shata lano lano; bad hangta phin sa tyrwa die mraw ïa lade ha ki nongshun jong phi, hynrei yn ym don ba thied ïa phi.”

HEBRU 11:27

Dei ka jingngeit kaba la pynlong ïa u Moses ban mihnoh na ka ri Ijipt khlem da sheptieng ïa ka jingbitar u Pharaoh. Ka la long kumba u la ïohi ïa U Blei u bym lah ban ïohi, u la kyntait ban phai dien.

NONGBISHAR 7:3

Pynbna ha u paidbah, ‘Uno uno uba sheptieng u dei ban leit phai noh sha ïing, bad ngi ngin sah hangne ha u lum Gilead.’ ” Kumta arphew ar hajar ngut ki leit phai noh, bad shiphew hajar ngut ki sah.