EKSODOS 13:15 - Khasi CL Bible (BSI)

¹⁵ Haba u Pharaoh u mutlop bad u kyntait ban shah ïa ngi ban leit, U Trai u la pynïap ïa uwei pa uwei u khun nyngkong ha Ijipt, uba na u briew bad na u mrad ruh. Dei namar kata ba ngi kñia ainguh ha U Trai ïa uwei pa uwei uba la kha nyngkong na ki mrad, hynrei ngi pyllait pat ïa la ki khun shynrang baroh kiba la kha nyngkong.

KA BAIBL

¹⁵ Ka la jia te mynba u Pharaoh da kaba eh u da pyllait noh ïa ngi, ba U Trai u la pynïap ïa uba la kha nyngkong baroh ha ka ri Ijipt, ïa uba la kha nyngkong na u briew, bad ïa uba la kha nyngkong na u mrad ruh. Namar kata, nga kñia ainguh ha U Trai ïa uba la kha nyngkong baroh, uba long shynrang; hynrei, ïa uba la kha nyngkong na ki khun jong nga baroh nga siewspah keiñ.’

EKSODOS 13:15 ပူးပေါင်းရင်းမြစ်များ

SALM 105:36

U pynïap ïa ki khun shynrang kiba nyngkong jong baroh ki longïing jong ka Ijipt.

EKSODOS 12:29

Hamar shiteng synñia U Trai u la pynïap ïa u khun nyngkong baroh ha Ijipt, naduh u khun nyngkong jong u Pharaoh, u ban sa kiew khet, haduh u khun nyngkong jong u koidi uba ha ïingbyndi; ïa baroh kiba la kha nyngkong na ki mrad ruh la pynïap.

EKSODOS 3:19

Nga tip ba u Pharaoh un ym shah ïa phi ban leit lymda la pynbor ïa u ban leh kumta.

EKSODOS 34:20

uba la kha nyngkong da kaba phin ai pat da u khunlangbrot ha ka jaka jong u. Lada phim thied biang ïa u, pynkheiñ ïa ka ryndang jong u. Thied biang ïa uwei pa uwei u khun nyngkong jong phi. “Uno uno ruh, um dei ban wan ha khmat jong nga khlem ka jingainguh.

EKSODOS 4:23

Nga la ong ïa me ban shah ïa u khun jong nga ban leit, khnang ba un ïoh mane ïa nga, hynrei me la kyntait. Mynta te ngan pynïap ïa u khun nyngkong jong me.’ ”

JINGKHEIÑ 18:15

“Uno uno ïa uba la kha nyngkong, la u dei u briew ne u jingri, ba ki Israel ki wanrah sha nga u long u jong me. Hynrei me dei ban pdiang ïa ka jingsiew ban thied pat ïa uwei pa uwei u khun ba la kha nyngkong, bad uwei pa uwei u jingri ba la kha nyngkong, ïa uba la ñiew ba u long u bymkhuid.

JINGKHEIÑ 3:46

Namar ba ki khun shynrang ba la kha nyngkong napdeng ki Israel ki tam arspah hynñiewphew lai ngut ïa ki Lebi, phi dei ban pyllait pat ïa kine ki khun shynrang kiba tam,