EKSODOS 13:13 - Khasi CL Bible (BSI)

¹³ Ïa u khun kada ba la kha nyngkong baroh phin bujli da u khunlangbrot. Lada phim kwah ban bujli ïa uta u khun kada, phi dei ban pynkheiñ ïa ka ryndang jong u. Phi dei ruh ban pyllait ïa u khun nyngkong jong phi baroh.

KA BAIBL

¹³ Bad ïa uba la kha nyngkong na ka kadda baroh ruh men siewspah da u khun langbrot; te lada men ym siewspah ïa u, to kdiah te ïa ka ryndang jong u: bad baroh ïa uba la kha nyngkong jong u briew hapdeng ki khun jong me men da siewspah ruh.

EKSODOS 13:13 ပူးပေါင်းရင်းမြစ်များ

EKSODOS 12:21

U Moses u khot ïa ki nongïalam baroh jong ki Israel, bad u ong ha ki, “Phi baroh phin jied ïa la u khunlangbrot ne u khunblang bad pynïap ïa u, khnang ba ki ba-ha-ïing ha-sem jong phi kin ïoh ban rakhe ïa ka Niam Ka Jinglait.

EKSODOS 12:3

Ai ïa kine ki jingbthah ha u paid Israel baroh: ha ka sngi kaba shiphew jong une u bnai, uwei pa uwei u rangbah un jied ïa u khunlangbrot lane ïa u khunblang na ka bynta la ka jong ka ïing.

EKSODOS 13:2

“Pynkyntang ha nga ïa uba la kha nyngkong baroh, namar kat uba la kha nyngkong napdeng ki Israel, la u briew ne u mrad, u long u jong nga.”

EKSODOS 34:20

uba la kha nyngkong da kaba phin ai pat da u khunlangbrot ha ka jaka jong u. Lada phim thied biang ïa u, pynkheiñ ïa ka ryndang jong u. Thied biang ïa uwei pa uwei u khun nyngkong jong phi. “Uno uno ruh, um dei ban wan ha khmat jong nga khlem ka jingainguh.

JINGPYNPAW 14:4

Ki long ki rangbah kiba la ri khuid ïa lade khlem ïathiah shongkha bad ki kynthei; ki long ki rangsotti. Ki bud ïa U Khunlangbrot kat shaba u leit. La siewspah ïa ki napdeng u khunbynriew bad ki long kiba nyngkong ïa kiba la ainguh ha U Blei bad ha u Khunlangbrot.