EKSODOS 13:12 - Khasi CL Bible (BSI)

¹² Ynda u ai ïa ka ha phi, phi dei ban ai sha U Trai ïa u khun nyngkong baroh. Man uba la kha nyngkong na ki mrad u long u jong U Trai.

KA BAIBL

¹² te me ruh men pynkyntang ha U Trai ïa uba la kha nyngkong baroh, bad ïa uba la kha nyngkong baroh na ki mrad ruh ba me don; ki shynrang keiñ kin long ki jong U Trai.

EKSODOS 13:12 ပူးပေါင်းရင်းမြစ်များ

NEHEMAÏAH 10:36

Ïa u khun nyngkong ba kha ha ngi, ngin leit rah sha ki lyngdoh ka Templ, kumba donkam da ka Hukum, ngin pynkyntang ïa u sha U Blei. Ngin pynkyntang ruh ïa uwei pa uwei u khun masi banyngkong jong ngi, bad ïa uwei pa uwei u khunlangbrot bad uwei pa uwei u khunblang jong ngi.

NEHEMAÏAH 10:37

Ngin leit rah sha ki lyngdoh ha ka Templ ïa u kpu im jong u kew ba la lum nyngkong jong kawei pa kawei ka snem bad kiwei ki jingkñia waiñ, umphniang Olib bad baroh ki jait soh. Ngin leit rah sha ki Lebi, kiba lum ïa kiba shiphew na ki jaka rep ha ki nongrit, kiba shiphew na ki jingthung kiba mih ha ka ri jong ngi.

EKSODOS 13:1

U Trai u ong ha u Moses,

EKSODOS 13:2

“Pynkyntang ha nga ïa uba la kha nyngkong baroh, namar kat uba la kha nyngkong napdeng ki Israel, la u briew ne u mrad, u long u jong nga.”

EKSODOS 22:28

“Wat kren sniew ïa U Blei, bad wat tim wat tla ïa u nongïalam jong ki briew jong phi.

EKSODOS 22:29

“Ai ha nga ïa ki jingainguh na u kew jong phi, na ka waiñ jong phi, bad na ka umphniang Olib jong phi, ha ka por kaba biang. “Ai ha nga ïa kiba la kha nyngkong na ki khun shynrang jong phi.

EKSODOS 34:19

“Man la u khun ba la kha nyngkong, bad man la uba la kha nyngkong na ki jingri, ki dei ki jong nga. Hynrei phi dei ban thied biang ïa u kada,

EKSODOS 34:20

uba la kha nyngkong da kaba phin ai pat da u khunlangbrot ha ka jaka jong u. Lada phim thied biang ïa u, pynkheiñ ïa ka ryndang jong u. Thied biang ïa uwei pa uwei u khun nyngkong jong phi. “Uno uno ruh, um dei ban wan ha khmat jong nga khlem ka jingainguh.

ESEKIEL 16:20

“Nangta pha la shim ïa ki khun shynrang bad ki khun kynthei kiba pha la kha ïa nga bad pha la ainguh ïa ki kum ka jingkñia ha ki bleithaw. Hato kam shym long kaba sniew eh ban ym ïaineh ha nga,

ESEKIEL 44:30

Ki lyngdoh kin ïoh ïa kaba bha tam na ki soh nyngkong jong ka jingot bad na baroh kiei kiei kiwei ïa kiba la ainguh ha nga. Man ka por ba ki briew ki shet kpu, kin ai sha ki lyngdoh ïa u kpu banyngkong kum ka jingainguh, bad ki jingkyrkhu jong nga kin neh ha ki ïing ki sem jong ki.

LEBITIKOS 27:26

Uba la kha nyngkong na u jingri, u la long lypa u jong U Trai, kumta uno uno um lah ban pynkyntang ïa u sha U Trai kum ka jingainguh mon sngewbha. U khun masi, u khunlangbrot ne u khunblang u long u jong U Trai,

JINGKHEIÑ 18:15

“Uno uno ïa uba la kha nyngkong, la u dei u briew ne u jingri, ba ki Israel ki wanrah sha nga u long u jong me. Hynrei me dei ban pdiang ïa ka jingsiew ban thied pat ïa uwei pa uwei u khun ba la kha nyngkong, bad uwei pa uwei u jingri ba la kha nyngkong, ïa uba la ñiew ba u long u bymkhuid.

JINGKHEIÑ 3:12

“Ki Lebi mynta ki long ki jong nga. Mynba nga la pynïap ïa u khun nyngkong baroh jong ki nong Ijipt, nga la pynkyntang kum la u jong ïa u khun nyngkong na kawei pa kawei ka ïing Israel bad ïa uba la kha nyngkong na uwei pa uwei u mrad. Mynta, nga ïoh noh da ki Lebi kum la ki jong ha ka jaka ki khun shynrang ba la kha nyngkong jong ki Israel; ki kin long ki jong nga. Nga long U Trai.”

JINGKHEIÑ 8:17

Mynba nga la pynïap ïa baroh kiba la kha nyngkong ha ka ri Ijipt, nga la pynkyntang kum la u khun nyngkong jong kawei pa kawei ka ïing Israel bad ïa uba la kha nyngkong na uwei pa uwei u jingri.

LOUKAS 2:23

kumba la thoh ha ka aiñ jong U Trai: “Ïa uwei pa uwei u khun nyngkong dei ban pynkyntang sha U Trai.”

DEUTERONOMI 15:19

“Buh kyrpang sha U Trai U Blei jong phi ïa ki shynrang baroh ba la kha nyngkong na ki masi bad ki langbrot jong phi; wat pyntreikam ïa kita ki masi, bad wat ot shñiuh ïa kita ki langbrot.