EKSODOS 12:49 - Khasi CL Bible (BSI)

⁴⁹ Kine ki jingbuhbeit ryntih kin teh kumjuh ïa ki traishnong bad ïa ki nongwei kiba shong basah bad phi.”

KA BAIBL

⁴⁹ Tang kawei ka hukum kan long ïa uba la kha ha la ka ri hi, bad ïa u nongwei uba wanhap hapdeng jong phi.”

EKSODOS 12:49 ပူးပေါင်းရင်းမြစ်များ

EKSODOS 12:50

Baroh ki Israel ki la kohnguh bad leh kumba U Trai u la hukum ïa u Moses bad u Aaron.

LEBITIKOS 19:34

Leh ïa ki kumba phi leh ïa la u para Israel, bad ieit ïa ki kumba phi ieit ïa lade. Kynmaw ba phi ruh shisien phi la long ki nongwei ha ri Ijipt. Nga long U Trai U Blei jong phi.

LEBITIKOS 24:22

Kane ka hukum ka teh ïa phi baroh, ïa ki Israel bad ïa ki nongwei kiba shong hapdeng jong phi, naba nga long U Trai U Blei jong phi.”

JINGKHEIÑ 15:29

Kajuh ka jingbuhbeit ryntih ka long ïa baroh kiba leh pop khlem da mut khnang, la ki dei ki traishnong Israel ne ki nongwei bashong basah bad ki.

JINGKHEIÑ 35:15

Kine kin long ki shnong jakarieh ïa ki Israel bad ïa ki nongwei kiba shong shipor ne kiba shongduh hapdeng jong ki. Uno uno uba pynïap ïano ïano da kaba jia ryngkhat u lah ban phet rieh sha kawei na ki.

JINGKHEIÑ 9:14

“Lada u nongwei uba shong hapdeng jong phi u kwah ban rakhe ïa ka Jingkhawai Niam Ka Jinglait, u dei ban rakhe ïa ka kat kum ki jingbuhbeit ryntih baroh. Kajuh ka aiñ ka treikam ïa uwei pa uwei baroh, la u traishnong ne u nongwei.”

GALATIA 3:28

Kumta, ym don jingïapher hapdeng ki Jiw bad ki Jentil, hapdeng ki mraw bad kiba laitluid, hapdeng ki shynrang bad ki kynthei; phi baroh phi ïalong kawei ha U Khrist Jisu.

KOLOSSAI 3:11

Kaba mih na kata, ka long ba ym don shuh ka jingpynïapher hapdeng ki Jentil bad ki Jiw, kiba la shah otsher bad ki bym shym la shah otsher, ki riewkhlaw, ki riewdum, ki mraw bad kiba laitluid; hynrei U Khrist u long baroh, U Khrist u long ha baroh.