EKSODOS 12:48 - Khasi CL Bible (BSI)

⁴⁸ Lada u nongwei uba shong basah bad phi u kwah ban rakhe ïa ka Jingkhawai Niam Ka Jinglait ban pyndonburom ïa U Trai, nyngkong eh phi dei ban otsher shuwa ïa ki shynrang baroh na ka ïing jong u. Hadien kata, lah ban kheiñ ïa u kum u traishnong, bad nangta u lah ban ïashim bynta ha ka Jingkhawai Niam.

KA BAIBL

⁴⁸ Te haba u nongwei un shong basa lem bad me, bad un da mon ruh ban rakhe ïa Ka Jinglait ha U Trai, to ai ban otsher ïa ki shynrang jong u baroh, ynda kumta te, ai un wan hajan ïa ka ban leh ïa ka; te un long kum uba la kha ha ka ri hi: hynrei, uno uno uba khlem otsher un ym bam ïa ka.

EKSODOS 12:48 ပူးပေါင်းရင်းမြစ်များ

JENESIS 17:11

Naduh mynta me dei ban otsher ïa u khunlung baroh haba u la dap phra sngi, kynthup ruh ïa ki mraw kiba la kha ha ki longïing longsem jong me bad ïa ki mraw kiba me la thied na ki nongwei. Kane kan pyn-i ba ka don ka jutang hapdeng jong nga bad me.

EKSODOS 12:19

Hynñiew sngi lynter ym dei ban lap ïa u thiat ha ki ïing jong phi; namar lada uno uno u bam ïa u kpu uba la khleh thiat la u dei u nongwei ne u traishnong, yn ym kheiñ shuh ïa u kum uwei na ki briew jong nga.”

EKSODOS 12:43

U Trai u ong ha u Moses bad u Aaron, “Kine ki long ki jingbuhbeit ryntih ïa ka Niam Ka Jinglait: U nongwei um bit ban bam ïa ka jingbam kaba ïadei bad ka Niam Ka Jinglait;

ESEKIEL 14:7

“Man ba uwei na ki Israel lane uwei na ki nongwei uba shong hapdeng ka kynhun ki Israel u phai noh na nga bad u mane ïa ki bleithaw, bad nangta u leit ban kylli ïa u nongïathuhlypa, ma nga, U Trai, ngan ai ha u ïa ka jubab jong u!

ESEKIEL 44:9

“Ma nga, U Trai Nongsynshar, nga pynbna ba yn ym don uno uno u nongwei bym shym la otsher, uno uno u bymkohnguh ïa nga, un rung ha ka Templ jong nga, wat u nongwei uba shong basah hapdeng ki paid Israel.”

ESEKIEL 47:22

kan long ka jingïohkynti jong phi junom. Ki nongwei kiba shong basah hapdeng jong phi bad kiba la don ki khun ba la kha hangne ruh kin ïoh ïa ka bynta jong ki na ka ri haba phi bynta ïa ka. Ïa ki dei ban ñiew kum ïa ki nongshong shnong Israel ba-pura bad dei ban kynting sbai ban ïoh bynta ïa ka ri ryngkat bad ki jait Israel.

LEBITIKOS 19:34

Leh ïa ki kumba phi leh ïa la u para Israel, bad ieit ïa ki kumba phi ieit ïa lade. Kynmaw ba phi ruh shisien phi la long ki nongwei ha ri Ijipt. Nga long U Trai U Blei jong phi.

JINGKHEIÑ 9:14

“Lada u nongwei uba shong hapdeng jong phi u kwah ban rakhe ïa ka Jingkhawai Niam Ka Jinglait, u dei ban rakhe ïa ka kat kum ki jingbuhbeit ryntih baroh. Kajuh ka aiñ ka treikam ïa uwei pa uwei baroh, la u traishnong ne u nongwei.”

GALATIA 3:28

Kumta, ym don jingïapher hapdeng ki Jiw bad ki Jentil, hapdeng ki mraw bad kiba laitluid, hapdeng ki shynrang bad ki kynthei; phi baroh phi ïalong kawei ha U Khrist Jisu.

KOLOSSAI 3:11

Kaba mih na kata, ka long ba ym don shuh ka jingpynïapher hapdeng ki Jentil bad ki Jiw, kiba la shah otsher bad ki bym shym la shah otsher, ki riewkhlaw, ki riewdum, ki mraw bad kiba laitluid; hynrei U Khrist u long baroh, U Khrist u long ha baroh.