EKSODOS 12:43 - Khasi CL Bible (BSI)

⁴³ U Trai u ong ha u Moses bad u Aaron, “Kine ki long ki jingbuhbeit ryntih ïa ka Niam Ka Jinglait: U nongwei um bit ban bam ïa ka jingbam kaba ïadei bad ka Niam Ka Jinglait;

KA BAIBL

⁴³ U Trai u la kren ruh ha u Moses bad u Aaron, “Kane ka hukum jong kata Ka Jinglait: u nongwei un ym ïoh bam ïa ka;

EKSODOS 12:43 ပူးပေါင်းရင်းမြစ်များ

2 KHRONIKL 30:18

Shuh shuh bun na kito kiba la wan na ki jait Ephraim, Manasseh, Issakhar, bad Sebulun, kim pat la pyndep ïa ka jingpynkhuid kat kum ka jinglehniam bad kumta ki rakhe ïa ka Jingkhawai Niam Ka Jinglait ym ha ka rukom kaba dei.

EKSODOS 12:11

Phi dei ban ïabam kyrkieh ïa ka, namar phi dei ban riam na ka bynta ban leit jingleit, lem bad ki juti ha ki kjat jong phi bad u diengduh ha ka kti jong phi. Ka dei ka Jingkhawai Niam Ka Jinglait ban pyndonburom ïa nga, U Trai.

EKSODOS 12:48

Lada u nongwei uba shong basah bad phi u kwah ban rakhe ïa ka Jingkhawai Niam Ka Jinglait ban pyndonburom ïa U Trai, nyngkong eh phi dei ban otsher shuwa ïa ki shynrang baroh na ka ïing jong u. Hadien kata, lah ban kheiñ ïa u kum u traishnong, bad nangta u lah ban ïashim bynta ha ka Jingkhawai Niam.

ESEKIEL 44:7

Ki la pyntngit ïa ka Templ jong nga da kaba shah ïa ki nongwei bym shym la otsher, ki briew ki bymkohnguh ïa nga ban rung sha ka Templ katba ïa ka khleiñ bad ka snam jong ki jingkñia la dang ainguh ha nga. Kumta ki briew jong nga ki la pynkheiñ ïa ka jutang jong nga da baroh kiei kiei kiba ijli kiba ki la leh.

LEBITIKOS 22:10

“Dei tang uta uba na ka longïing lyngdoh uba lah ban bam ïa ki jingkñia ainguh kiba kyntang; uwei pat um lah ban bam ïa ki, la u long u nongwei uba shong basah bad u lyngdoh lane u nongtrei jong u.

LEBITIKOS 22:13

Hynrei ka khun u lyngdoh kaba la long riewkynthei lane kaba la ïapyllait tnga, ka bym don khun, bad kaba la wan phai ban shong ban sah bad la u kpa kumba ka la leh mynba ka dang samla, ka lah ban bam ïa kata ka jingbam ba u kpa jong ka u ïohpdiang kum u lyngdoh. Dei tang uta uba na ka longïing lyngdoh uba lah ban bam ïa ka.

JINGKHEIÑ 9:14

“Lada u nongwei uba shong hapdeng jong phi u kwah ban rakhe ïa ka Jingkhawai Niam Ka Jinglait, u dei ban rakhe ïa ka kat kum ki jingbuhbeit ryntih baroh. Kajuh ka aiñ ka treikam ïa uwei pa uwei baroh, la u traishnong ne u nongwei.”

EPHESOS 2:12

Ha kata ka por phi la long khlem U Khrist. Phi la long ki nongwei bad phim shym la dei ki briew ba la jied jong U Blei. Phim shym la don bynta ha ki jutang, kiba la pynshong nongrim ha ki jingkular jong U Blei sha ki briew jong u, bad phi la im ha kane ka pyrthei khlem jingkyrmen bad khlem U Blei.

1 SAMUEL 2:27

U nongïathuhlypa u wan sha u Eli bad ka khubor na U Trai: “Haba u Kpa tymmen jong me u Aaron bad ka longïing jong u ki dang long ki mraw jong u Pharaoh ka Ijipt. Nga la pynpaw ïa lade ha u Aaron.