EKSODOS 12:41 - Khasi CL Bible (BSI)

⁴¹ Ha ka sngi kaba kut jong kita ki sawspah laiphew snem, baroh ki paid U Trai ki mihnoh na Ijipt.

KA BAIBL

⁴¹ Te ynda la kut kita ki sawspah laiphew snem, ha kata ka sngi hi keiñ, ka la jia ba ki paidbah jong U Trai baroh ki la ïamih noh na ka ri Ijipt.

EKSODOS 12:41 ပူးပေါင်းရင်းမြစ်များ

JENESIS 50:24

Te u Joseph u ong ha la ki hynmen, “Nga la jan ïap, hynrei U Blei un ri un da ïa phi, bad un ïalam noh ïa phi na kane ka ri sha kata ka ri kaba u la kular skhem ha u Abraham, ha u Isaak, bad ha u Jakob.”

1 SYIEM 6:1

Sawspah phraphew snem hadien ba ki Israel ki mih na Ijipt, ha ka snem kaba saw jong ka jingsynshar u Solomon ïa ki Israel, ha u bnai Sib uba long u bnai uba ar, u Solomon u sdang ban tei ïa ka Templ.

2 KHRONIKL 14:12

U Trai u jop ïa ka kynhun shipai Sudan mynba u Asa bad ki kynhun shipai jong ka Judia ki tur ïaleh ïa ki.

SALM 102:13

Men ïeng bad leh-isynei ïa ka Seïon; ka por ka la poi ban leh-isynei ïa ka; kane ka dei ka por kaba biang bha.

SALM 114:1

Mynba ki Israel ki la mihnoh na Ijipt, mynba ki khun ki ksiew jong u Jakob ki la mihnoh na kata ka ri nongwei,

SALM 136:11

U la ïalam noh ïa ki paid Israel na Ijipt; ka jingieit jong u ka neh bymjukut;

EKSODOS 12:17

Rakhe ïa kane ka Jingkhawai Niam, namar dei ha kane ka sngi ba nga la ïalam noh ïa ki jait jong phi na ka ri Ijipt. Pateng la pateng phi dei ban rakhe ïa kane ka sngi kum ka Jingkhawai Niam.

EKSODOS 12:51

Ha kata ka sngi U Trai u ïalam noh ïa ki Israel na ka ri Ijipt.

EKSODOS 13:14

Hadien habud, ynda u khun jong phi u kylli ïa phi ka mut aïu kane ka jingrakhe, phin jubab ïa u, ‘Da kaba pyndonkam ïa la ka borbah, U Trai u la ïalam noh ïa ngi na ka ri Ijipt, ka ri ha kaba ngi la long ki mraw.

EKSODOS 13:16

Kane ka jingrakhe ka long ka jingpynkynmaw, kum kaei kaei kaba la teh ha ka kti jong ngi ne ha ka shyllangmat jong ngi; kan pynkynmaw ïa ngi ba U Trai u la ïalam noh ïa ngi na ka ri Ijipt da ka borbah jong u.’ ”

EKSODOS 13:3

U Moses u kren ha u paidbah, “Kynmaw ïa kane ka sngi — ka sngi ha kaba phi mihnoh na ka ri Ijipt, ka ri ha kaba phi long ki mraw. Kane ka dei ka sngi ba U Trai u la ïalam noh ïa phi da ka borbah jong u. Wat bam ïa u kpu ba la khleh thiat.

EKSODOS 13:9

Kane ka jingrakhe kan long ka jingpynkynmaw, kum kaei kaei kaba la teh ha ka kti jong phi ne ha ka shyllangmat jong phi; kan pynkynmaw ïa phi ban ïai kren bad ïai puson ïa ka Aiñ U Trai, namar U Trai u la ïalam noh ïa phi na ka ri Ijipt da ka borbah jong u.

EKSODOS 3:10

Mynta nga phah ïa me sha u Pharaoh khnang ba men ïalam noh ïa ki Israel, ki briew jong nga, na Ijipt.”

EKSODOS 3:8

bad kumta nga la wan ban pyllait ïa ki na ki nong Ijipt bad ban ïalam noh ïa ki na ka ri Ijipt sha kata ka ri kaba ïar bad kaba seisoh, kaba tuid da ka dud bad ka ngap, ha kaba ki Kanaan, ki Hit, ki Amor, ki Peris, ki Hib bad ki Jebus ki shong mynta.

EKSODOS 6:26

U Aaron bad u Moses ki la long kita ha kiba U Trai u la ong, “Ïalam noh ïa ki jait Israel na Ijipt.”

EKSODOS 6:6

Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

LEBITIKOS 23:43

khnang ba ki khun ki ksiew jong phi kin ïoh tip ba U Trai u la pynshong ïa ki Israel ha ki ïingtrep mynba u la ïalam noh ïa ki na ka ri Ijipt. Nga long U Trai U Blei jong phi.”

HABAKKUK 2:3

To buh ha ka jingthoh, namar kam pat dei ka por ba kan urlong. Hynrei ka por ka wan kloi, bad kaei kaba nga pyn-i ha me kan urlong. Ka i kumba ka wan suki jai, hynrei to ap ïa ka; kan sa jia long shisha, bad yn ym pyntud ïa ka.

JINGKHEIÑ 23:22

U Blei u la wan ïalam ïa ki na Ijipt; U ïaleh na ka bynta jong ki la kum u masi prut.

JINGKHEIÑ 33:1

Kane ka jingïathuh harum ka ai ïa ki kyrteng jong ki jaka kiba ki Israel ki sher dara hadien ba ki la mihnoh na Ijipt ha ki jait jong ki hapoh ka jingïalam jong u Moses bad u Aaron.

ÏOANNIS 7:8

Ma phi to nang ïaleit sha ka Jingkhawai Niam. Nga ngam leit sha kane ka Jingkhawai Niam, namar ba ka por kaba biang kam pat poi na ka bynta jong nga.”

KI KAM 1:7

U Jisu u la ong ha ki, “Ïa ki por bad ki jingjia la buh da U Kpa ha ka bor jong u hi, bad kam dei ïa phi ban tip lano kin jia long.

KI KAM 7:36

U la ïalam ïa ki briew na ka ri Ijipt, u da leh ki kambah bad ki kamphylla ha ka ri Ijipt bad ha ka Duriaw Basaw bad haduh sawphew snem ha ka ri shyiap.

DEUTERONOMI 16:1

“Burom ïa U Trai U Blei jong phi da kaba phi rakhe ïa ka Niam Ka Jinglait ha u bnai Abib, naba dei ha kawei ka miet jong uta u bnai ba u la pyllait ïa phi na Ijipt.

DEUTERONOMI 4:37

Namar ka jingieit ïa ki kpa tymmen jong phi, u la jied ïa phi, bad da ka borbah jong u, u hi da lade u la wan ïalam ïa phi na Ijipt.

JOSHUA 24:5

Kham hadien, nga la phah ïa u Moses bad u Aaron, bad nga la wallam ka jingjynjar bakhraw halor ka Ijipt.

JOSHUA 5:14

“Ngam dei uno uno,” uta u briew u jubab. “Nga don hangne kum u rangbah ai hukum jong ka kynhun ïapom U Trai.” U Joshua u dem mane ngon ha khyndew bad u ong, “Bah, nga long u shakri jong phi. Aïu phi kwah ïa nga ban leh?”