EKSODOS 12:33 - Khasi CL Bible (BSI)

³³ Kita ki nong Ijipt ki la kyrpad jur ïa ki Israel ban pynstet bad mihnoh na kata ka ri. “Ngin sa ïap lut lada phim leit noh,” ki ong.

KA BAIBL

³³ Te kita ki Ijipt ki la ïakyntu eh ïa u paidbah, ki da phah noh ïa ki na kata ka ri da kaba kyrkieh; naba ki la ïa-ong, “Ngi la ïap lut noh.”

EKSODOS 12:33 ပူးပေါင်းရင်းမြစ်များ

JENESIS 20:3

Ha kawei ka miet, U Blei u mihpaw ha u ha ka jingphohsniew, bad u ong ha u, “Men sa ïap, namar me la shim ïa kane ka briew; ka la dep shongkurim.”

SALM 105:38

Ki nong Ijipt ki la sheptieng ïa ki bad ki la kmen haba ki la mih.

EKSODOS 10:7

Ki rangbah synshar jong u Pharaoh ki la ong ha u, “Sa katno te une u briew un pynjynjar ïa ngi? Pyllait noh ïa ki Israel, khnang ba kin ïoh mane ïa U Trai U Blei jong ki. Hato phim pat sngewthuh ba ka Ijipt ka la jot?”

EKSODOS 11:1

Nangta U Trai u ong ha u Moses, “Ngan phah sa tang kawei ka jingpynshitom ha u Pharaoh bad ki briew jong u. Hadien kata, un sa shah ba phin ïamihnoh. Ha ka jingshisha, un sa beh lut ïa phi nangne.

EKSODOS 12:39

Ki shet ïa u kpu bakhlem thiat na uta u kpu im ba ki wanrah na Ijipt, naba ki la shah beh kynsan na ka ri Ijipt ba kim ïoh por ban da khreh jingbam lane ban pynkhreh ïa u kpu im.

EKSODOS 6:1

Nangta U Trai u la ong ha u Moses, “Mynta men sa ïohi aïu ngan leh ïa u Pharaoh. Ngan pynbor ïa u ban shah ïa ki briew jong nga ban leit. Ha ka jingshisha, ngan pynbor ïa u ban beh noh ïa ki na ka ri jong u.”

ISAÏAH 52:12

Ha kane ka sien phin ym hap mihnoh ha ka jingkyrkieh; phin ym pyrshang ban phet noh. U Trai U Blei jong phi un ïalam ïa phi bad un ïada ïa phi na ki liang baroh.

DANIEL 3:22

Mynta namar ba u syiem u la ai ki hukum bapyrkhing na ka bynta ban pynlong ïa ka lawar ding kaba khluit haduh katta katta, ki thylliej ding ki la thang ïa ki nongap phira kiba ïalam ïa ki rangbah sha ka lawar ding.