EKSODOS 12:32 - Khasi CL Bible (BSI)

³² Ïalam ïa la ki langbrot, ki blang, bad ki masi, bad khie mihnoh. Duwai ruh na ka bynta ka jingkyrkhu halor jong nga.”

KA BAIBL

³² To shim ruh ïa la ki langbrot bad ïa la ki masi, kumba phi la ong, bad to khie noh; to kyrkhu ïa nga ruh.”

EKSODOS 12:32 ပူးပေါင်းရင်းမြစ်များ

JENESIS 15:14

Hynrei ngan pynshitom ïa ka jaitbynriew kaba teh mraw ïa ki, bad haba kin ïamihnoh na kata ka ri nongwei, kin da kit ruh shibun ka spah.

JENESIS 27:34

Haba u Iso u la ïohsngew ïa kane, u lynñiar jam bad ïamkthang ruh, bad u ong, “Ko Pa! to ai ha nga ruh ïa ka jingkyrkhu jong me.”

JENESIS 27:38

U Iso u ïai kyrpad ha la u kpa. “Ko Pa, hato phi don tang kawei ka jingkyrkhu? Pa, to kyrkhu ïa nga ruh!” U la sdang ban ïam.

ESRA 6:10

Ïa kane dei ban leh khnang ba ki lah ban ai ki jingkñia ba pdiang hun ha U Blei jong ka Bneng bad duwai ïa ka jingkyrkhu jong u halor jong nga bad ki khun shynrang jong nga.

EKSODOS 10:26

Em, ngin ïalam ïa ki mrad jong ngi lem bad ngi; yn ym don kawei ruh ïa ka ban iehnoh shadien. Ngin sa jied hi ïa ki mrad da kiba ngin mane ïa U Trai U Blei jong ngi. Bad katba ngim pat poi hangta, ngin ym tip ki jingri kiba kumno ngin kñia ha u.”

EKSODOS 10:9

U Moses u la jubab, “Ngin ïaleit lut baroh, kynthup ki khun jong ngi haduh ki tymmen jong ngi. Ngin ïalam ïa ki khun shynrang bad ki khun kynthei jong ngi, lem bad ki langbrot bad ki blang, bad ki masi jong ngi, namar ngi dei ban pynlong ka jingkhawai ban pyndonburom ïa U Trai.”

EKSODOS 8:28

U Pharaoh u ong, “Ngan shah ba phin ïaleit ban ai jingkñia ha U Trai U Blei jong phi ha ka ri shyiap; lada phim leit jngai than. Duwai na ka bynta jong nga.”

EKSODOS 9:28

To duwai ha U Trai! Ngi la shah la biang ïa une u pyrthat bad u phria! Nga kular ban pyllait ïa phi; phim donkam ban dang sah shuh hangne.”