EKSODOS 12:28 - Khasi CL Bible (BSI)

²⁸ Nangta ki la leit bad leh kumta kumba U Trai u la hukum ïa u Moses bad u Aaron.

KA BAIBL

²⁸ Te ki khun Israel ki la ïaleit noh bad ki la leh kumta; kumba U Trai u la lah hukum ïa u Moses bad ïa u Aaron, kumta ki la leh keiñ.

EKSODOS 12:28 ပူးပေါင်းရင်းမြစ်များ

2 SAMUEL 5:25

U Dabid u la leh kumba U Trai u la hukum, bad u la lah ban beh noh pat ïa ki Philistia naduh Geba shi lynter lynti haduh Geser.

1 SYIEM 17:5

U Elijah u la kohnguh ïa ka hukum U Trai bad u la leit bad shong harud ka wahduid Kherith.

EKSODOS 12:27

Phin jubab, ‘Ka long ka jingkñia jong ka Niam Ka Jinglait ban pyndonburom ïa U Trai, naba u la ïaid lait ïa ki ïing jong ki Israel ha ka ri Ijipt. U la pynïap ïa ki nong Ijipt, hynrei u la pyllait im ïa ngi.’ ” Ki Israel ki la dem khohsiew bad ki la mane.

EKSODOS 12:29

Hamar shiteng synñia U Trai u la pynïap ïa u khun nyngkong baroh ha Ijipt, naduh u khun nyngkong jong u Pharaoh, u ban sa kiew khet, haduh u khun nyngkong jong u koidi uba ha ïingbyndi; ïa baroh kiba la kha nyngkong na ki mrad ruh la pynïap.

EKSODOS 12:35

Ki Israel ki la leh kumba u Moses u la lah ong; bad ki la pan na ki nong Ijipt ïa ki jingdeng ksiar bad ki jingdeng rupa, bad ïa ki jaiñkup jaiñsem de.

EKSODOS 14:4

Ngan pynmutlop ïa u, bad un sa wan thwet nadien jong phi; bad kumta ka jingjop jong nga ïa u Pharaoh bad ka kynhun shipai jong u kan long ka burom ïa nga. Te ki nong Ijipt kin sa tip ba nga long U Trai.” Ki Israel ki leh kumba la hukum ïa ki.

EKSODOS 36:1

“U Besalel, u Oholiab, bad kiwei pat ki nongtrei ïa kiba U Trai u la ai ka jingtbit bad ka jingshemphang, kiba tip ban trei ïa ka kam baroh kaba ïadei bad ka jingtrei ïa ka Ïingjaiñ kaba kyntang, ki dei ban shna ïa kaei kaei baroh kumba U Trai u la hukum.”

EKSODOS 39:32

Kumta keiñ la pyndep ïa ka jingtrei baroh ha ka Ïingjaiñ ka Jingdon Ryngkat U Trai. Ki Israel ki la thaw ïa kata baroh kumba U Trai u la hukum ïa u Moses.

EKSODOS 39:42

Ki Israel ki trei ïa kane ka kam baroh kumba U Trai u la hukum ïa u Moses.

EKSODOS 39:43

U Moses u bishar bniah ïa ka kam baroh bad u ïohi ba ki la leh ïa ka kumba U Trai u la hukum. Kumta u Moses u kyrkhu ïa ki.

EKSODOS 7:10

Kumta u Moses bad u Aaron ki leit sha u Pharaoh bad ki leh kumba U Trai u la hukum. U Aaron u bret ïa la u diengduh ha khmat u Pharaoh bad ha khmat ki rangbah pynïaidkam jong u, bad u kylla bseiñ.

EKSODOS 7:6

U Moses bad u Aaron ki leh ïa kaei kaba U Trai u la hukum.

LEBITIKOS 24:23

Ynda u Moses u la dep kren ïa kane ha ki Israel, ki sei ïa uta u briew shabar ka jaka shong dara bad ki lynthem maw ïa u haduh ba un da ïap. Da kumta ki Israel ki leh kumba U Trai u la hukum ïa u Moses.

JINGKHEIÑ 1:54

Kumta ki paid Israel ki la leh ïa kata baroh kaba U Trai u la hukum ïa u Moses.

JINGKHEIÑ 31:31

U Moses bad u Eleasar ki la leh ïa kaei ba U Trai u la hukum.

JINGKHEIÑ 31:41

Kumta u Moses u ai ha u Eleasar ïa ka khajna kum ka jingainguh kaba kyrpang sha U Trai, kumba U Trai u la hukum.

JINGKHEIÑ 31:47

Na kane ka bhah, u Moses u la shim uwei na man ki sanphew ngut ki koidi bad uwei na man ki sanphew tylli ki jingri, bad kumba U Trai u la hukum, u la ai ïa ki ha ki Lebi kiba khmih ïa ka Ïingjaiñ U Trai.

JINGKHEIÑ 5:4

Ki Israel ki la kohnguh bad ki la beh noh ïa ki baroh na ka jaka shong dara.

DEUTERONOMI 34:9

U Joshua u khun jong u Nun u long uba la pyndap da ka jingstad, naba u Moses u la thung ïa u ban long u nongshimti pateng. Ki Israel ki kohnguh ïa u Joshua bad ki sumar ïa ki hukum ba U Trai u la ai ha ki lyngba u Moses.

HEBRU 11:28

Dei ka jingngeit kaba la pynlong ïa u ban pynskhem ïa ka Jingkhawai Niam Ka Jinglait, bad hukum ban synreit ïa ka snam ha ki jingkhang, ba u Angel jong ka Jingïap un ym pynïap ïa ki khun shynrang ba la kha nyngkong jong ki Israel.

JOSHUA 14:5

Ki paid Israel ki la bynta ïa ka ri kumba U Trai u la hukum ïa u Moses.

JOSHUA 2:21

Ka la mynjur bad phah noh ïa ki. Haba ki la leit, ka la teh ïa u 'saisaw ha ka jingkhangïit.

JOSHUA 4:8

Ki rangbah ki bud ïa ki hukum jong u Joshua. Kumba U Trai u la hukum ïa u Joshua, ki la shim khat-ar tylli ki maw napdeng jong ka Jordan, uwei na ka bynta kawei kawei ka jait Israel, ki la bah ïa ki sha ka jaka shong dara, bad ki buh ïa ki hangta.